The Phnom Penh Post Search

Search form




Logo of Phnom Penh Post newspaper Phnom Penh Post - ជំនាញ​គណនេយ្យ​ មាន​សារៈសំខាន់​ខ្លាំង​សម្រាប់ ​សេដ្ឋកិច្ច​ ដែល​កំពុង​រីក​លូតលាស់​របស់​កម្ពុជា

ជំនាញ​គណនេយ្យ​ មាន​សារៈសំខាន់​ខ្លាំង​សម្រាប់ ​សេដ្ឋកិច្ច​ ដែល​កំពុង​រីក​លូតលាស់​របស់​កម្ពុជា

Content image - Phnom Penh Post
នាយកសាលា CamEd Business School លោក Casey Barnett កំពុងបង្រៀនសិស្ស។

ជំនាញ​គណនេយ្យ​ មាន​សារៈសំខាន់​ខ្លាំង​សម្រាប់ ​សេដ្ឋកិច្ច​ ដែល​កំពុង​រីក​លូតលាស់​របស់​កម្ពុជា

ជំនាញ​គណនេយ្យ​មាន​សារៈសំខាន់​ខ្លាំង​សម្រាប់​សេដ្ឋកិច្ច​ដែល​កំពុង​រីក​លូតលាស់​របស់​កម្ពុជា ខណៈ​ដែល​វិស័យ​ធុរកិច្ច​របស់​ប្រទេស ​កម្ពុជា​ត្រូវ​បាន​គេ​មើល​ឃើញ​ថា ​ជា​ក្បាល​ម៉ាស៊ីន​ដ៏​សំខាន់ ដើម្បី​ជំរុញ​សេដ្ឋកិច្ច​ឲ្យ​ឆ្ពោះ​ទៅ​មុខ និង​ជំរុញ​ប្រទេស​ជាតិ​ឱ្យ​ក្លាយ​ជា​ប្រទេស​អភិវឌ្ឍន៍​។

ដើម្បី​សម្រេច​បាន​សមិទ្ធផល​នេះ ព្រះរាជាណាចក្រ​កម្ពុជា​ត្រូវ​ការ​គណនេយ្យករ​ជំនាញ និង​អ្នក​ជំនាញ​ហិរញ្ញវត្ថុ ក៏​ដូចជា​សវនករ​ដែល​មាន​ជំនាញ​ខ្ពស់ ​ដើម្បី​ធានា​ថា​ សហគមន៍​ធុរកិច្ច​គោរព​តាម​បទដ្ឋាន​ និង​បទប្បញ្ញត្តិ​អន្តរជាតិ​។

ដើម្បី​ឆ្លើយតប​ទៅ​នឹង​តម្រូវការ​ចាំបាច់​សម្រាប់​គណនេយ្យករ​ជំនាញ សាលា​ខេមអេដ​ប៊ីស្សនេស​ស្គូល បាន​និង​កំពុង​ផ្តល់​នូវ​វគ្គ​សិក្សា ACCA និង CAT ដែល​ជា​កម្មវិធី​សិក្សា​ផ្នែក​គណនេយ្យ ហិរញ្ញវត្ថុ និង​សវនកម្ម ដែល​ទទួល​ស្គាល់​ពី​ស្ថាប័ន ACCA​។

សាលា​ខេម​អេដ ដែល​ចាប់​ផ្តើម​ដំណើរការ​នៅ​ឆ្នាំ ​២០០០ គឺ​ជា​វិទ្យាស្ថាន​ឧត្តម​សិក្សា​ឈាន​មុខ​ដំបូង​គេ​នៅ​កម្ពុជា ដែល​ផ្តល់​វគ្គ​សិក្សា​ជំនាញ​គណនេយ្យ​ និង​ហិរញ្ញវត្ថុ​នៅ​កម្ពុជា​។​

ACCA តំណាង​ឲ្យ​ការ​សិក្សា​ជំនាញ​គណនេយ្យ​ស្តង់ដា​ពិភពលោក ដែល​កំណត់​ដោយ​សហព័ន្ធ​គណនេយ្យករ​អន្តរជាតិ (IFAC) និង​ជា​ស្ថាប័ន​ដែល​ផ្តល់​គុណ​តម្លៃ​ខ្ពស់​បំផុត​សម្រាប់​អ្នក​គ្រប់គ្រង​ហិរញ្ញវត្ថុ គណនេយ្យករ និង​សវនករ​។

Content image - Phnom Penh Post
និសិ្សតបញ្ចប់វគ្គសិក្សា ACCA/CAT រួមចំណែកយ៉ាងច្រើនដល់វិស័យពាណិជ្ជកម្ម និងហិរញ្ញវត្ថុរបស់កម្ពុជាដែលកំពុងរីកចម្រើន ។

វគ្គ​សិក្សា​ជំនាញ ACCA និង CAT នៅ​សាលា​ខេមអេដ គឺ​ជា​កម្មវិធី​សិក្សា​លក្ខណៈ​អន្តរជាតិ​ដែល​ផ្តោត​លើ​គណនេយ្យ ហិរញ្ញវត្ថុ និង​សវនកម្ម ដែល​កំពុង​មាន​តម្រូវ​ការ​ខ្ពស់​នៅ​ក្នុង​វិស័យ​ធនាគារ ពន្ធដារ និង​ក្រុមហ៊ុន​សវនកម្ម ក៏​ដូចជា​ក្រុមហ៊ុន​គណនេយ្យ​។​ ​និស្សិត​ដែល​បញ្ចប់​ការ​សិក្សា​វគ្គ ACCA និង CAT នឹង​ទទួល​បាន​បទពិសោធដ៏​ល្អ​ជាមួយ​ស្តង់ដា​គណនេយ្យ និង​សវនកម្ម ស្តង់ដា​អន្តរជាតិ IFRs ហើយ IFRs គឺ​សម្រាប់​សហគ្រាស​ធុន​តូច​ និង​មធ្យម ដែល​ធានា​បាន​នូវ​ស្តង់ដា​ខ្ពស់​នៅ​ក្នុង​ប្រតិបត្តិការ​អាជីវកម្ម​។​

ជំនាញ​ទាំង​នេះ​នឹង​ធានា​ថា ​អាជីវកម្ម​នឹង​គោរព​តាម​ស្តង់ដា​អន្តរជាតិ ​និង​អនុញ្ញាត​ឱ្យ​ពួក​គេ​ប្រកួត​ប្រជែង​ជាមួយ​ប្រទេស​ដទៃ​ទៀត​ទាក់ទង​គណនេយ្យ​ និង​សវនកម្ម​ស្តង់ដា។​

ដោយសារ​តែ​កម្រិត​វិជ្ជាជីវៈ​ដែល​និស្សិត​បញ្ចប់​ការ​សិក្សា​វគ្គ​សិក្សា ACCA និង CAT ទទួល​បាន​ម្ចាស់​អាជីវកម្ម​អាច​ធ្វើ​ការ​សម្រេច​ចិត្ត​វិនិយោគ​បាន​ត្រឹមត្រូវ​។

ពេល​បញ្ចប់​វគ្គ​សិក្សា ACCA និង CAT និស្សិត​នឹង​ទទួល​បាន​ចំណេះ​ដឹង​យ៉ាង​ច្រើន​ដូចជា​៖ ពួក​គេ​រៀន​បាន​ទាំង​ជំនាញ​វិជ្ជាជីវៈ និង​ទទួល​បាន​បទ​ពិសោធ​ទាក់ទង​នឹង​គណនេយ្យ ហិរញ្ញវត្ថុ និង​សវនកម្ម​។ និស្សិត​នឹង​ស្គាល់​ស្តង់ដា​គណនេយ្យ និង​សវនកម្ម​អន្តរជាតិ ក៏​ដូចជា បទដ្ឋាន​គណនេយ្យ​ហិរញ្ញវត្ថុ​អន្តរជាតិ (IFRS) កាន់​តែ​ច្បាស់​។

និស្សិត​អាច​ទៅ​ធ្វើ​ការ​នៅ​ក្រៅ​ប្រទេស​ដោយសារ​ចំណេះ​ដឹង​ និង​សញ្ញាបត្រ​របស់​ពួក​គេ​ត្រូវ​បាន​ទទួល​ស្គាល់​នៅ​ទូទាំង​ពិភព​លោក​។ ពួក​គេ​អាច​កសាង​ទំនាក់ទំនង​ជាមួយ​អង្គការ​ដែល​មាន​ឥទ្ធិពល​នានា រួមមាន​ក្រុមហ៊ុន​ក្នុង​ស្រុក និង​ក្រុមហ៊ុន​ចម្រុះ​ជា​ស្ថាប័ន​គណនេយ្យ​ស្ថាប័ន​អប់រំ រដ្ឋាភិបាល និង​អង្គភាព​មួយ​ចំនួន​ទៀត ដូចជា ​អង្គការ​សហប្រជាជាតិ និង​ធនាគារ​ពិភព​លោក​ជាដើម​។

Content image - Phnom Penh Post
និស្សិតបញ្ចប់វគ្គ ACCA អាចទទួលបានប្រាក់ខែចន្លោះពី ១ ៥០០-២ ០០០ ដុល្លារ ក្នុង ១ ខែ។

និស្សិត​មិន​ត្រឹម​តែ​ទទួល​បាន​ចំណេះ​ដឹង​ជំនាញ​ផ្នែក​ហិរញ្ញវត្ថុ និង​គណនេយ្យ​ប៉ុណ្ណោះ​ទេ​ ប៉ុន្តែ​ពួក​គេ​ថែម​ទាំង​ទទួល​បាន​នូវ​ជំនាញ​ដ៏​មាន​តម្លៃ​នៅ​ក្នុង​ការ​គ្រប់គ្រង​អង្គភាព​ជា​យុទ្ធសាស្ត្រ​ផង​ដែរ​។

លើស​ពី​នេះ​ទៀត​ និស្សិត​នឹង​មាន​ចំណេះដឹង​កម្រិត​ខ្ពស់​នៅ​ក្នុង​មុខវិជ្ជា​ជា​ច្រើន ដូចជា​ការ​ធ្វើ​សេចក្តី​សម្រេច​ចិត្ត​ការ​គ្រប់គ្រង​របាយការណ៍​ហិរញ្ញវត្ថុ យុទ្ធសាស្ត្រ​ហិរញ្ញវត្ថុ និង​អាជីវកម្ម​។

និស្សិត​ដែល​បញ្ចប់​វគ្គ​សិក្សា ACCA ជា​មធ្យម​អាច​ទទួល​បាន​ប្រាក់​ខែ​ចន្លោះ​ពី ១ ៥០០ ទៅ ២ ០០០ ដុល្លារ ​ក្នុង ​១ ​ខែ​។

ខេមអេដ​ជួយ​និស្សិត​ឱ្យ​ទទួល​បាន​ជំនាញ​បច្ចេកទេស និង​គ្រប់គ្រង​ដើម្បី​ក្លាយ​ជា​គណនេយ្យករ​ដែល​មាន​សមត្ថភាព ជាពិសេស​មាន​គ្រូ​ និង​សាស្ត្រាចារ្យ​ដែល​សុទ្ធ​តែជា​​អ្នក​ជំនាញ​លើ​មុខ​វិជ្ជា​ទាំង​នេះ​។​ ​វគ្គ​សិក្សា​នីមួយៗ​មាន ​៣ ​ម៉ោង ​ក្នុង ​១ សប្តាហ៍ ដែល​មាន​រយៈពេល ​៦ ​ខែ​។

ក្នុង​នាម​ជា​កម្មវិធី​ដែល​ត្រូវ​បាន​ទទួល​ស្គាល់​នៅ​ពាសពេញ​ពិភព​លោក និស្សិត​ដែល​បញ្ចប់​វគ្គ​សិក្សា ACCA/CAT ពួក​គេ​អាច​ជួយ​ដល់​វិស័យ​ហិរញ្ញវត្ថុ​ និង​ធុរកិច្ច​របស់​កម្ពុជា ដោយ​ធានា​ថា​ អាជីវកម្ម​ និង​ស្ថាប័ន​ផ្សេងៗ​អនុលោម​តាម​ស្តង់ដា​គណនេយ្យ និង​សវនកម្ម​អន្តរជាតិ IFRs ហើយ IFRs គឺ​សម​ស្រប​សម្រាប់​សហគ្រាស​ខ្នាត​តូច​ និង​មធ្យម​។

ក្រៅ​ពី​ធ្វើ​ការ​ជា​គណនេយ្យករ និស្សិត​ដែល​បញ្ចប់​ការ​សិក្សា​វគ្គ ACCA / CAT ពួក​គេ​ក៏​អាច​ធ្វើ​ការ​ជា​សវនករ អ្នក​វិភាគ​ហិរញ្ញវត្ថុ​អ្នក​ប្រឹក្សា​អាជីវកម្ម ប្រធាន​ហិរញ្ញវត្ថុ ប្រធាន​នាយក​ប្រតិបត្តិ ទីប្រឹក្សា​ពន្ធដារ និង​ការងារ​ស្រដៀង​នេះ​ជា​ច្រើន​ទៀត​។

វិសាលភាព​ការងារ​សម្រាប់​និស្សិត​ដែល​បញ្ចប់​វគ្គ​សិក្សា ACCA និង CAT គឺ​មាន​ទំហំ​ធំធេង​ណាស់ ខណៈ​ពេល​ដែល​សេដ្ឋកិច្ច​របស់​កម្ពុជា​កំពុង​មាន​ការ​រីក​ចម្រើន​ហើយ​តម្រូវ​ការ​អ្នក​ជំនាញ​បែប​នេះ​ក៏​នឹង​កើន​ឡើង​ផ​ងដែរ​៕

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។