ទស្សនវិស័យ សេដ្ឋកិច្ច និងទីផ្សាររបស់ប្រទេសកម្ពុជានៅតែមានភាពរឹងមាំសម្រាប់ឆ្នាំ ២០១៩ និងឆ្នាំបន្តៗទៅមុខទៀត។ ការកើនឡើងនៃប្រាក់ចំណូល និងទ្រព្យធនរួមជាមួយនឹងកំណើនប្រជាជនបានផ្តល់ឱកាសយ៉ាងធំជុំវិញការរីកចម្រើនក្នុងវិស័យហិរញ្ញវត្ថុ។
ទីផ្សារធានារ៉ាប់រងមិនទាន់មានភាពធំទូលាយ តែមានការកើនឡើងចំពោះតម្រូវការរបស់ប្រជាជនក្នុងស្រុក ។ ការកើនឡើងនូវទំនុកចិត្តលើក្រុមហ៊ុនធានារ៉ាប់រង ព្រមទាំងការយល់ដឹងច្រើនជាងមុនរបស់អតិថិជនអំពីអត្ថប្រយោជន៍នៃសេវាធានារ៉ាប់រងនឹងអាចធ្វើអោយមានការរីកចម្រើនយ៉ាងខ្លាំងនៃទីផ្សារក្នុងវិស័យនេះ។
Mr David Nutman
CEO of Prudential (Cambodia)
Life Assurance PLC
|
យោងតាមការប៉ាន់ប្រមាណជាផ្លូវការ សេដ្ឋកិច្ចរបស់ប្រទេសកម្ពុជានឹងនៅរក្សាកំណើនរឹងមាំគឺក្នុងអត្រាប្រមាណ ៧ ភាគរយសម្រាប់ឆ្នាំ ២០១៩។
ដើម្បីឆ្លើយតបទៅនឹងកំណើននេះ Bred Bank Cambodia ត្រៀមខ្លួនជាស្រេចដើម្បីផ្តល់ការគាំទ្រផ្នែកហិរញ្ញវត្ថុក៏ដូចជាសេវាកម្មមិនមែនហិរញ្ញវត្ថុដល់បុគ្គល និងក្រុមហ៊ុននានាក្នុងការអភិវឌ្ឍគម្រោងរបស់ខ្លួន។
ចាប់ផ្តើមជាមួយ Bred រីកចម្រើនជាមួយ Bred។
Mr. Guillaume Perdon
CEO of Bred Bank Cambodia
|
ប្រទេសកម្ពុជាទទួលបាននូវអត្រាកំណើនសេដ្ឋកិច្ច ៧,៦ ភាគរយក្នុងរយៈពេលជាង ២ ទសវត្សរ៍មកនេះដោយគ្មានអាក់ខានឡើយ។ ដោយផ្អែកទៅលើវិស័យធនាគារ និងតម្រូវការវិនិយោគក្នុងស្រុកកើនឡើង ធនាគារ និងគ្រឹះស្ថានហិរញ្ញវត្ថុដទៃទៀតដូចជាមីក្រូហិរញ្ញវត្ថុទទួលបានផលចំណេញយ៉ាងច្រើនដែលធ្វើឲ្យមានការទាក់ទាញអ្នកវិនិយោគទុន និងឈានទៅរកការរីកចម្រើនយ៉ាងឆាប់រហ័សទៅលើវិស័យនេះ។ ទាំងអស់នេះឆ្លុះបញ្ចាំងនូវការកើនឡើងយ៉ាងខ្លាំងទៅលើទ្រព្យសកម្ម, ឥណទាន, ប្រាក់បញ្ញើ, តម្រូវការប្រាក់កម្ចី និងសេវាកម្មធនាគារផ្សេងទៀត។
យោងតាមការព្យាកររបស់មូលនិធិរូបិយវត្ថុអន្តរជាតិ (IMF) ថ្មីៗនេះសេដ្ឋកិច្ចរបស់ប្រទេសកម្ពុជានឹងកើនឡើងរហូតដល់ ៧,២៥ ភាគរយក្នុងឆ្នាំ ២០១៨ ជាមួយនឹងអតិផរណាទាប។ យើងរំពឹងថាទស្សនវិស័យហិរញ្ញវត្ថុ ឬសេដ្ឋកិច្ចរបស់ប្រទេសកម្ពុជាសម្រាប់ឆ្នាំ ២០១៩ នឹងនៅតែរឹងមាំយូរអង្វែង។
Dr. Soeung Morarith
CEO of CHIEF (CAMBODIA)
COMMERCIAL BANK PLC.
|
“ប្រទេសកម្ពុជានឹងទទួលបានកំណើនសេដ្ឋកិច្ចគួរឲ្យកត់សម្គាល់បន្តទៅទៀត ហើយការប្រើប្រាស់បច្ចេកវិទ្យាហិរញ្ញវត្ថុនៅក្នុងជីវិតរស់នៅប្រចាំថ្ងៃនឹងរួមចំណែកខ្លាំងដល់ដំណើរលូតលាស់សេដ្ឋកិច្ចនោះ។ ខណៈដែលក្រុមហ៊ុនក្នុងតំបន់ និងពិភពលោកកំពុងសម្លឹងចង់មកវិនិយោគក្នុងប្រទេសកម្ពុជា ដូច្នេះវាសំខាន់ណាស់ដែលក្រុមហ៊ុនក្នុងស្រុកដូចជា ផាយ ផេ ជាដើម ត្រូវបន្តអភិវឌ្ឍខ្លួន ដើម្បីបំពេញតាមតម្រូវការ និងលក្ខខណ្ឌក្នុងស្រុក។ តាមរយៈភាពជាដៃគូលំដាប់អន្តរជាតិជាមួយនឹង Alipay និង Union Pay ដូច្នេះយើងស្ថិតក្នុងជំហរមួយដែលសមស្របក្នុងការធ្វើការជាមួយនឹងតួអង្គខ្លាំងបំផុតក្នុងអាជីវកម្មនេះ ដើម្បីផ្ដល់ភាពងាយស្រួលដល់មនុស្សគ្រប់គ្នាក្នុងការទូទាត់ដោយមិនប្រើក្រដាសប្រាក់”។
Mr Tomas Pokorny
CEO of PiPay
|
ប្រទេសកម្ពុជាមានជំហររឹងមាំក្នុងការបន្តការរក្សាកំណើនសេដ្ឋកិច្ចក្នុងរង្វង់ ៧ ភាគរយតាមរយៈសកម្មភាពយ៉ាងមមាញឹកខាងការសាងសង់ ភាពសម្បូរការងារ និងការវិនិយោគពីបរទេស ជាពិសេសពីប្រទេសចិន។ ខ្ញុំមានការព្រួយបារម្ភអំពីការប្រែប្រួលតម្លៃដែលអាចធ្លាក់ចុះចំពោះតម្លៃអចលនទ្រព្យ អតិផរណាប្រាក់ឈ្នួលបន្តកើនឡើង ហើយនឹងអាចកើតមានបន្តទៀតនូវចំណាត់ការរបស់បណ្តារដ្ឋាភិបាលបរទេស។
ទិដ្ឋភាពក្រៅពីនេះគឺសុទ្ធតែពោរពេញទៅដោយសុទិដ្ឋិនិយមលើកលែងតែមានហេតុការណ៍ជាសកលណាមួយដែលធ្វើឲ្យប៉ះពាល់ទៅដល់សេដ្ឋកិច្ចទូទាំងពិភពលោក»។
Mr. Anthony Galliano
Group CEO Cambodian Investment Management Holdings
|
យើងមានអារម្មណ៍វិជ្ជមានអំពីការរីកលូតលាស់ជាបន្តបន្ទាប់របស់យើងនៅក្នុងសេដ្ឋកិច្ចកម្ពុជា។ ការវិនិយោគឡើងវិញនឹងមានឥទ្ធិពលវិជ្ជមានទៅលើវិស័យពាណិជ្ជកម្មដទៃទៀត និងបណ្តាគ្រួសារវណ្ណៈកណ្តាល។ វិស័យធនាគារនឹងរក្សានូវកំណើនដែលមានលំនឹង ទោះបីជាមានគូប្រកួតប្រជែងច្រើនជាងមុននៅក្នុងទីផ្សារក៏ដោយ។ ប្រជាជនកាន់តែច្រើនមានការបើកចំហចំពោះនិន្នាការថ្មីៗមានការសម្របខ្លួននឹងសេវាកម្មធនាគារឌីជីថលជាដើម ខណៈដែលពួកគេស្វែងរកភាពងាយស្រួល និងបទពិសោធល្អៗ។ ធនាគារ PPC តែងតែឈរឈានមុខនៅក្នុងវិស័យធនាគារជាអ្នកនាំមកនូវផលិតកម្មសេវាកម្មបង្កើតថ្មី ទាំងនៅលើអនឡាញ និងនៅខាងក្រៅដោយនៅតែបន្តរក្សាសុវត្ថិភាពហិរញ្ញវត្ថុ និងការគ្រប់គ្រងហានិភ័យក្នុងប្រតិបត្តិការ»។
Mr. SHIN Chang Moo
President of PPCBank
|
យើងមានសុទិដ្ឋិនិយមដោយប្រុងប្រយ័ត្នសម្រាប់ឆ្នាំ 2019 នៅពេលសម្ទុះនៃកំណើនល្អប្រសើរជាងមុនសម្រាប់ក្រុមហ៊ុនរបស់យើង ទោះបីជាភាពមិនច្បាស់លាស់លើប្រព័ន្ធអនុគ្រោះពន្ធ “អ្វីគ្រប់យ៉ាងលើកលែងតែអាវុធ (EBA)”យ៉ាងណាក៏ដោយ។ ទោះជាយ៉ាងនេះក៏ដោយ ការវិនិយោគធំបំផុតរបស់ Phillip Capital Group គឺនៅក្នុងប្រទេសកម្ពុជាដែលមានទឹកប្រាក់ជាង ១០០ លានដុល្លារក្នុងចំណោម ១៧ ប្រទេសដែលយើងកំពុងប្រតិបត្តិការ។ វាឆ្លុះបញ្ចាំងពីទស្សនវិស័យលើការរំពឹងទុករយៈពេលវែងរបស់យើងចំពោះប្រទេសកម្ពុជា៕
Mr. Ong Teong Hoon
Shareholders’ Representative Phillip Capital
|
ឧស្សាហកម្មធានារ៉ាប់រងបានកំពុងបន្តកើនឡើងជារៀងរាល់ឆ្នាំ ជាក់ស្តែងកើន ២៧ ភាគរយ នៅក្នុងឆ្នាំ ២០១៧ ដោយរួមចំណែក ០,៣ ភាគរយនៃផលិតផលក្នុងស្រុកសរុប នេះបើយោងតាមសមាគមធានារ៉ាប់រងកម្ពុជា (សធក)។ វាឆ្លុះបញ្ចាំងពីក្រុមហ៊ុន និងក្រុមគ្រួសារជាច្រើននៅក្នុងប្រទេសកម្ពុជាយល់ដឹងអំពីការគ្រប់គ្រងហានិភ័យជាមួយនឹងសមត្ថភាពក្នុងការប្រើប្រាស់សេវានេះ។
នេះគឺជាសញ្ញាវិជ្ជមានមួយឆ្ពោះទៅរកការរីកចម្រើនប្រកបដោយនិរន្តរភាពនៃប្រព័ន្ធហិរញ្ញវត្ថុកម្ពុជា។ ខ្ញុំជឿយ៉ាងមុតមាំថា ទីផ្សារនេះនឹងបន្តមានសក្តានុពលដ៏ធំធេងបន្ថែមទៀតដែលត្រូវបម្រើនាពេលអនាគត ហើយក្រុមហ៊ុន ខេមឡៃហ្វ បានប្តូរទិសដៅរបស់ខ្លូនរួចរាល់ហើយក្នុងការបម្រើដល់គ្រប់គ្រួសារកម្ពុជាទាំងអស់។
Mr Tondy Suradiredja
CEO of CAMBODIA LIFE INSURANCE PLC.
|
“ការរីកចម្រើននៃបច្ចេកវិទ្យាទូរស័ព្ទចល័តបានជះឥទ្ធិពលយ៉ាងខ្លាំងដល់ជីវភាពរស់នៅ, ការប្រកបកិច្ចការងារ, ការធ្វើដំណើរ, ឥរិយាបថនៃការទិញទំនិញ, និងទំនាក់ទំនងរបស់មនុស្សរវាងគ្នា និងគ្នា។ តារាផេ ជាក្រុមហ៊ុនមួយក្នុងចំណោមក្រុមហ៊ុនបច្ចេកវិទ្យាហរិញ្ញវត្ថុដែលតែងតែពាំនាំនូវបច្ចេកវិទ្យាថ្មី និងប្រកបដោយការច្នៃប្រឌិតខ្ពស់ ដើម្បីដោះស្រាយតម្រូវការនានារបស់អតិថិជន។ ដោយឡែកឆ្នាំ ២០១៩ នេះយើងនឹងបន្ថែមដំណោះស្រាយហរិញ្ញវត្ថុថ្មីៗបន្តទៀតដែលមានភាពទំនើបផ្តល់ទំនុកចិត្តខ្ពស់, និងប្រកបដោយភាពងាយស្រួលបំផុតជូនដល់ប្រជាជនកម្ពុជាទាំងអស់។ ”
Mr. Phok Ratha
General Manager of DaraPay
|