ក្នុងរយៈពេលប៉ុន្មានឆ្នាំមកនេះយើងសង្កេតឃើញថា សិស្សនិស្សិតកម្ពុជាមានជម្រើសកាន់តែច្រើនសម្រាប់ឱកាសសិក្សាទាំងនៅក្នុងស្រុក និងបរទេស។
ខណៈពេលដែលការរីកចម្រើននៃគ្រឹះស្ថានអប់រំក្នុងស្រុកផ្តល់ជូននូវជម្រើសនៃកម្មវិធីសិក្សាកាន់តែប្រសើរឡើង សិស្ស និស្សិតខ្មែរជាច្រើនក៏កំពុងបន្តការសិក្សាជំនាញផ្សេងៗនៅក្រៅប្រទេសតាមរយៈអាហារូបករណ៍ ឬតាមរយៈការបង់ថ្លៃសិក្សាផ្ទាល់ខ្លួនរបស់ពួកគេ។
ជាមួយនឹងជម្រើសទាំងនេះ សិស្ស និស្សិតក៏ត្រូវប្រឈមនឹងការធ្វើការសម្រេចចិត្តដ៏ត្រឹមត្រូវ ហើយស័ក្តិសមទៅនឹងគោលដៅអាជីព និងបំណងប្រាថ្នាផ្ទាល់ខ្លួន ហើយវាពិតជាមិនមែនជាការសម្រេចចិត្តដ៏ងាយស្រួលនោះឡើយ។
ខាងក្រោមនេះគឺជាព័ត៌មានមួយចំនួនអំពីទិសដៅសិក្សាពេញនិយមបំផុតសម្រាប់សិស្សនិស្សិតកម្ពុជា:
ប្រទេសអូស្ត្រាលី
ប្រទេសអូស្ត្រាលីគឺជាទិសដៅសិក្សាដ៏ពេញនិយមមួយសម្រាប់សិស្សនិស្សិតអន្ដរជាតិ។ ប្រទេសអូស្ត្រាលីមានការប្រមូលផ្តុំទៅដោយសាកលវិទ្យាល័យដែលឈានមុខគេ បទពិសោធសិក្សាដែលមានភាពងាយស្រួល និងមានតម្លៃសមរម្យជាមួយនឹងឱកាសការងារដ៏សម្បូរបែបនៅតាមទីក្រុងដែលគួរឲ្យចង់រស់នៅមួយចំនួនក្នុងប្រទេសអូស្ត្រាលី។
សាកលវិទ្យាល័យអូស្ត្រាលីជាច្រើនត្រូវបានជាប់ចំណាត់ថ្នាក់ក្នុងចំណោមសាកលវិទ្យាល័យកំពូលទាំង 400 ដែលធ្វើចំណាត់ថ្នាក់ដោយ Times Higher Education World University Rankings។ ជាមួយគ្នានេះផងដែរក៏មានសហគមន៍ខ្មែរជាច្រើនប្រមូលផ្តុំនៅរដ្ឋ Victoria និងរដ្ឋ New South Wale ។
ប្រទេសនូវែលសេឡង់
តើអ្នកកំពុងស្វែងរកការអប់រំលំដាប់ពិភពលោកនៅកន្លែងដែលមានសុវត្ថិភាព ភាពស្រស់ស្អាត និងបរិយាកាសល្អមែនទេ? ប្រទេសនូវែលសេឡង់អាចជាជម្រើសដ៏ល្អសម្រាប់អ្នក!
នៅពេលជ្រើសរើសទៅសិក្សានៅប្រទេសនូវែលសេឡង់ អ្នកអាចជឿជាក់បានថា ស្ថាប័នដែលអ្នកកំពុងពិចារណាគឺបំពេញបានតាមស្តង់ដារអប់រំដែលទទួលស្គាល់ជាលក្ខណៈអន្តរជាតិ។
ប្រទេសនូវែលសេឡង់ក៏ជាប្រទេសមួយក្នុងចំណោមបណ្តាប្រទេសដ៏ស្រស់ស្អាតបំផុតនៅលើពិភពលោកដែលត្រូវបានគេស្គាល់ថាជា “ដីដែលគ្របដណ្តប់ដោយពពកពណ៌សដ៏វែង”។ លើសពីនេះទៅទៀតប្រព័ន្ធអប់រំរបស់ប្រទេសនូវែលសេឡង់គឺមានស្ដង់ដារលំដាប់ថ្នាក់អន្តរជាតិ។
ពីបុគ្គលិកបង្រៀនជំនាញដល់បរិក្ខារសិក្សា និងធនធានកម្រិតខ្ពស់ ប្រទេសនូវែលសេឡង់កំពុងក្លាយជាប្រទេសដែលឈានមុខគេក្នុងការសិក្សាថ្នាក់ឧត្តមសិក្សា។
ចក្រភពអង់គ្លេស
មិនថានៅកន្លែងណាក៏ដោយក្នុងពិភពលោកដែលអ្នកជ្រើសរើសសម្រាប់បន្តអាជីពរបស់អ្នក សញ្ញាបត្រពីសាកលវិទ្យាល័យនៅចក្រភព អង់គ្លេសត្រូវបានគេទទួលស្គាល់ជាអន្តរជាតិ និងចាត់ទុកជាការអប់រំប្រកបដោយគុណភាព។
ការលើកទ្បើងនេះត្រូវបានគាំទ្រដោយមានទិន្នន័យបង្ហាញជាក់លាក់ថាប្រទេសអង់គ្លេសបង្កើតឯកសារសិក្សាស្រាវជ្រាវចំនួន ១៤ ភាគរយ ច្រើនបំផុតនៅលើពិភពលោក និង ៥ ភាគរយជាការស្រាវជ្រាវផ្នែកវិទ្យាសាស្ត្រ។ តួលេខទាំងនេះពិតជាធ្វើឲ្យមានការចាប់អារម្មណ៍ខ្លាំងដោយឡែកថា ប្រជាជនអង់គ្លេសគឺមានត្រឹម ១ ភាគរយនៃប្រជាជនពិភពលោកតែប៉ុណ្ណោះ។
សហរដ្ឋអាមេរិក
សិស្សនិស្សិតអន្ដរជាតិជាច្រើនសិក្សានៅសហរដ្ឋអាមេរិកជាងប្រទេសដទៃទៀត។ ខណៈពេលដែលស្ថាប័នអប់រំកំពូលៗជាច្រើននៅលើពិភពលោកស្ថិតនៅសហរដ្ឋអាមេរិក សាកលវិទ្យាល័យ និងមហាវិទ្យាល័យជាង ៥០០០ ទៀតក៏ផ្តល់ជូននូវការអប់រំដែលអាចនាំទៅរកភាពជោគជ័យក្នុងអាជីពការងារផងដែរ។
សហរដ្ឋអាមេរិកគឺជាប្រទេសមួយដែលពោរពេញទៅដោយជម្រើសដ៏ប្រសើរចាប់ពីមហាវិទ្យាល័យទ្រង់ទ្រាយតូចរហូតដល់សាកលវិទ្យាល័យរដ្ឋធំៗដែលឈានមុខគេក្នុងការសិក្សាស្រាវជ្រាវ។
ប្រទេសកាណាដា
ប្រទេសកាណាដាជាកន្លែងដ៏ល្អបំផុតសម្រាប់ការសិក្សាដោយសារតែមានការសិក្សាល្អឥតខ្ចោះតម្លៃសមរម្យ និងដំណើរផ្សងព្រេង។ ប្រទេសកាណាដាមានសិស្ស និងនិស្សិតអន្ដរជាតិច្រើនជាង ២៥០០០០ នាក់ហើយការចាប់អារម្មណ៍ពីសិស្សនិស្សិតអន្តរជាតិក៏មានការកើនឡើងយ៉ាងខ្លាំងនៅក្នុងប៉ុន្មានឆ្នាំចុងក្រោយនេះ។
សិស្សនិស្សិត និងឪពុកម្តាយអាចស្វែងរកព័ត៌មានបន្ថែម ឬមកទទួលប្រឹក្សាពីផែនការអប់រំលំដាប់អន្តរជាតិពីអ្នកប្រឹក្សាយោបល់ដែលមានជំនាញវិជ្ជាជីវៈនៅមជ្ឈមណ្ឌលផ្តល់ព័ត៌មានពីការសិក្សា និងអាហារូបករណ៍នៅបរទេសរបស់ IDP Education ដែលមាននៅគ្រប់ទីតាំងរបស់មជ្ឈមណ្ឌលអូស្ត្រាលីសម្រាប់ការបណ្ដុះបណ្ដាល (ACE)។
IDP Education ជាស្ថាប័នផ្ដល់សេវាកម្មអប់រំ និងបញ្ជូនសិស្សនិស្សិតទៅសិក្សានៅបរទេសឈានមុខគេនៅលើពិភពលោក។ IDP Education ផ្ដល់ព័ត៌មានប្រឹក្សា និងការចុះឈ្មោះចូលរៀននៅបរទេសដោយឥតគិតថ្លៃ៕