.jpg)
លោក លូ ម៉េង (កណ្តាល) អគ្គនាយកក្រុមហ៊ុន Almond Group ។
ភោជនីយដ្ឋាន យ៉ី សាង (Yi Sang) កើតចេញពីការស្រឡាញ់របស់លោក លូ ម៉េង ចំពោះម្ហូបចិន។ លោកបានបង្កើតយីហោមួយនេះឡើង ដើម្បីនាំម្ហូបចិនមកកាន់ទីផ្សារកម្ពុជា។
ចាប់តាំងពីត្រូវបានបង្កើតឡើងកាលពី ១១ ឆ្នាំមុនភោជនីយដ្ឋាន យ៉ី សាង បានក្លាយជាយីហោម្ហូបអាហារ និងភេសជ្ជៈដែលទទួលបានការគាំទ្រយ៉ាងខ្លាំងពីសំណាក់ប្រជាជននៅក្នុងរាជធានីភ្នំពេញ។ ប៉ុន្តែយ៉ាងណាក៏ដោយយីហោមួយនេះ មិនទាន់ទទួលបានការគាំទ្រខ្លាំងនៅឡើយ ពេលបើកដំណើរការដំបូង។
លោក លូ ម៉េង ដែលជាអគ្គនាយកក្រុមហ៊ុន Almond Group បានពន្យល់ថា៖ «នេះដោយសារតែនៅក្នុងភាសាខ្មែរ គ្មានរបៀបបញ្ចេញសំឡេងពាក្យ Yi Sang ដែលធ្វើឱ្យវាក្លាយជាបញ្ហាប្រឈមដ៏ធំមួយទាក់ទងនឹងការបង្កើតម៉ាកយីហោ និងការធ្វើទីផ្សារ។
«ខ្ញុំហើយ និងក្រុមការងារត្រូវរិះរកវិធីនានាដើម្បីពន្យល់អត្ថន័យពាក្យ Yi Sang ដែលនៅក្នុងភាសាចិនកន្តាំងមានន័យថា «ត្រី និង ជីវិត»។
នៅពេលដែលភោជនីយដ្ឋាននេះកំពុងផ្សព្វផ្សាយអាហារ ឌីម សាំ (dim sum) យើងត្រូវធ្វើយុទ្ធនាការផ្សព្វផ្សាយមួយដើម្បីបង្កើតការយល់ដឹងអំពីវប្បធម៌ចិនកន្តាំងនៃការទទួលទានអាហារ ឌីម សាំ និងការផឹកទឹកតែ។
លោក Zhang Jing Ling មេចុងភៅជនជាតិចិននៅភោជនីយដ្ឋាន យ៉ី សាង បានប្រាប់ភ្នំពេញប៉ុស្តិ៍ថា ម្ហូបចិនកន្តាំងមិនសូវត្រូវនឹងចំណង់ចំណូលចិត្តរបស់ប្រជាជនកម្ពុជាទេ។ រសជាតិម្ហូបខ្មែរគឺផ្សំឡើងពីគ្រឿងផ្សំក្នុងស្រុក។ ដូច្នេះខ្ញុំតែងតែព្យាយាមបញ្ចូលរសជាតិគ្រឿងផ្សំក្នុងស្រុកចូលទៅក្នុងមុខម្ហូបរបស់យើង។
ក្នុងចំណោមមុខម្ហូបដ៏ពេញនិយមរបស់ភោជនីយដ្ឋាន យ៉ី សាង គឺជ្រូកគូលែនខ្មៅ ចិញ្ចឹមតាមបែបធម្មជាតិដែលមានប្រភពមកពីភ្នំគូលែន និងបង្កងទន្លេមេគង្គដែលពេញនិយមគ្រប់រដូវកាល។
លោក លូ ម៉េង បានថ្លែងថាគ្រឿងទេសសម្រាប់ចម្អិនអាហាររបស់ក្រុមហ៊ុន Almond Group គឺទិញពីកសិករ ។ ដូច្នេះគឺដើម្បីទទួលបាននូវគ្រឿងផ្សំស្រស់ៗ និងថ្មីបំផុតពីកសិករសម្រាប់អតិថិជន។ យើងព្យាយាមឲ្យអស់ពីសមត្ថភាពដើម្បីធានាថា យើងប្រើប្រាស់គ្រឿងផ្សំដែលស្រស់ និងថ្មីបំផុត ជាពិសេសគ្រឿងផ្សំសរីរាង្គដែលគ្មានជាតិគីមី។
«យើងទិញគ្រឿងផ្សំដោយផ្ទាល់ពីកសិករ ដើម្បីគាំទ្រពួកគេ។ មានសហគមន៍ជាច្រើននៅតាមតំបន់ផ្សេងៗគ្នា ដែលផលិតបានគ្រឿងផ្សំសម្រាប់ចម្អិនអាហារដែលមានគុណភាពខ្ពស់ដូចជាសាច់ជ្រូក (ជ្រូកកណ្តុរគូលែន) បន្លែ និងផ្លែឈើជាដើម»។
លោក លូ ម៉េង បញ្ជាក់ថាកាលពីពេលថ្មីៗនេះក្រុមហ៊ុន Almond Group បានចាប់ផ្តើមទិញជ្រូកគូលែនដែលជាធនធានដ៏សំខាន់សម្រាប់សហគមន៍ជនជាតិដើមភាគតិចដែលរស់នៅក្នុងស្រុកស្វាយលើក្នុងតម្លៃខ្ពស់ជាងទីផ្សារទ្វេដងដើម្បីគាំទ្រពួកគេ។ ក្រៅពីនេះក្រុមហ៊ុនកំពុងទិញបន្លែគូឆាយ និងចេកពីកោះអន្លង់ចិន ខេត្តកណ្ដាលផងដែរ។
«ការទទួលបានគ្រឿងផ្សំដោយផ្ទាល់ពីកសិករ យើងក៏បានផ្អាកទិញពីអ្នកលក់ដុំនៅក្នុងខ្សែចង្វាក់ផ្គត់ផ្គង់ផងដែរ ធ្វើដូច្នេះគ្រឿងផ្សំត្រូវបញ្ជូនមកយើងបានលឿនជាងមុន។ ជាឧទាហរណ៍ គូឆាយមកពីកោះអន្លង់ចិន។
«បន្ទាប់ពីយើងទិញគូឆាយដោយផ្ទាល់ពីកសិករ នោះយើងនឹងទទួលបានគូឆាយស្រស់ៗដែលមានគុណភាពខ្ពស់»៕
