.jpg)
“ផាយ ផេ និងស្ថាបនា ប្រកាសភាពជាដៃគូនៅឯផ្សារទំនើបអ៊ីអនកាលពីខែកញ្ញា” រូបភាពដោយ ផាយ ផេ
២០១៨ ពិតជាឆ្នាំដ៏ជោគជ័យសម្រាប់ ផាយ ផេ (Pi Pay) ព្រោះចំនួនអ្នកប្រើប្រាស់ពាណិជ្ជករដៃគូហិរញ្ញវត្ថុមានចំនួនកាន់តែច្រើនឡើង ហើយទន្ទឹមនឹងនេះផងដែរក៏មានការផ្លាស់ប្ដូរច្រើនក្នុងសេវាទូទាត់រហ័សដោយមិនប្រើក្រដាសប្រាក់ និងវិស័យឌីជីថលក្នុងប្រទេសកម្ពុជាផងដែរ។ បច្ចុប្បន្ននេះអ្នកប្រើប្រាស់កម្មវិធី ផាយ ផេ មានចំនួនលើសពី ២៥ ម៉ឺននាក់ ហើយបើគិតជាទឹកប្រាក់ចំពោះការធ្វើប្រតិបត្តិការសាច់ប្រាក់រវាងអ្នកប្រើប្រាស់វិញ គឺរហូតដល់ទៅ ១១០ លានដុល្លារឯណោះ។
ជាមួយនឹងមុខងារថ្មីក្នុងកម្មវិធី ផាយ ផេ ដែលអនុញ្ញាតឲ្យអ្នកប្រើប្រាស់ទិញសំបុត្រចូលរួមព្រឹត្តិការណ៍ធំៗដោយផ្ទាល់ពីទូរស័ព្ទបានបង្កើនភាពងាយស្រួលក្នុងការទស្សនាកម្មវិធីប្រគំតន្ត្រី កម្មវិធីកម្សាន្ត និងការចូលរួមព្រឹត្តិការណ៍កីឡានានាដោយផ្ទាល់ក្នុងពេលបច្ចុប្បន្ននេះ។ យើងមានមោទនភាពក្នុងការផ្ដល់ជូននូវសំបុត្រសម្រាប់ការប្រកួតក្នុងសហព័ន្ធកីឡាបាល់ទាត់អាស៊ានហៅកាត់ថា (AFF Suzuki Cup) ដែលបានប្រព្រឹត្តធ្វើទ្បើងក្នុងប្រទេសកម្ពុជាកាលពីពេលថ្មីៗ ហើយអ្វីដែលកាន់តែពិសេស យើងបានលក់សំបុត្រ VIP ទាំងអស់។ យើងក៏មានកម្មវិធីលក់សំបុត្រសម្រាប់កម្មវិធីប្រគំតន្ត្រី Original Sessions ដែលបានទទួលភាពជោគជ័យ និងកម្មវិធី កម្សាន្តថ្មីៗនៅឯផ្សារទំនើបអ៊ីអនក្នុងរាជធានីភ្នំពេញ។ ម្យ៉ាងវិញទៀតយើងខ្ញុំក៏មិនភ្លេចដៃគូសហការ Legend Cinema របស់យើងដែលបានលក់សំបុត្របានជាង ២៥០០០ សន្លឹកតាមរយៈកម្មវិធី ផាយ ផេ ក្នុងឆ្នាំ ២០១៨ ផងដែរ។
ផាយ ផេ មានមោទនភាពក្នុងការឧបត្ថម្ភគាំទ្រដល់ទូកប្រណាំងមួយដែលបានចូលរួមនៅក្នុងព្រះរាជពិធីបុណ្យអុំទូកក្នុងឆ្នាំនេះ ហើយថែមទាំងបានផ្ដល់ឱកាសដល់លោក Tomas Pokorny (ថូម៉ាស ផូកូនី) នាយកប្រតិបត្តិក្រុមហ៊ុន ផាយ ផេ បានទទួលបានបទពិសោធក្នុងការប្រណាំងទូកផងដែរ។
ឥទ្បូវនេះការទូទាត់ប្រាក់តាម ផាយ ផេ កាន់តែមានភាពងាយស្រួលជាងមុន បន្ទាប់ពីមានការចុះហត្ថលេខាលើភាពជាដៃគូជាមួយនឹងធនាគារស្ថាបនា គ្រឹះស្ថានមីក្រូហិរញ្ញវត្ថុអេអឹមខេ និងអម្រឹតដែលធ្វើឲ្យការផ្ទេរប្រាក់ទៅក្នុងគណនី ផាយ ផេ និង ការផ្ទេរប្រាក់ទៅកាន់មិត្តភក្តិ និងក្រុមគ្រួសារនៅទូទាំងប្រទេសកាន់តែងាយស្រួល និងមានសុវត្ថិភាពជាងមុន។
នេះបង្ហាញឲ្យឃើញពីឱកាសគ្មានដែនកំណត់សម្រាប់កម្ពុជាក្នុងការជំរុញការលូតលាស់ និងអភិវឌ្ឍវិស័យទូទាត់ប្រាក់មិនប្រើក្រដាសប្រាក់។
យើងសូមថ្លែងអំណរគុណដល់អ្នកប្រើប្រាស់ និងសមាជិករបស់ ផាយ ផេ ទាំងអស់ដែលបានទាញយក និងប្រើប្រាស់កម្មវិធីក្នុងឆ្នាំ ២០១៨ ដែលបានចូលរួមចំណែកក្នុងការបង្កើនវិស័យទូទាត់ប្រាក់ដោយមិនប្រើក្រដាសប្រាក់ទូទាំងប្រទេសកម្ពុជា៕
