The Phnom Penh Post Search

Search form




Logo of Phnom Penh Post newspaper Phnom Penh Post - ពាណិជ្ជកម្ម​រវាង​សហរដ្ឋអាមេរិក និង​ប្រទេស​ កម្ពុជា គាំទ្រ​កំណើន​លូតលាស់​ជា​បន្ត​ទៅ​មុខ

ពាណិជ្ជកម្ម​រវាង​សហរដ្ឋអាមេរិក និង​ប្រទេស​ កម្ពុជា គាំទ្រ​កំណើន​លូតលាស់​ជា​បន្ត​ទៅ​មុខ

Content image - Phnom Penh Post

ពាណិជ្ជកម្ម​រវាង​សហរដ្ឋអាមេរិក និង​ប្រទេស​ កម្ពុជា គាំទ្រ​កំណើន​លូតលាស់​ជា​បន្ត​ទៅ​មុខ

សហរដ្ឋអាមេរិក​គឺជា​គោលដៅ​នាំចេញ​ធំ​ជាង​គេ​តែ​មួយ​គត់​របស់​ប្រទេស​ ​កម្ពុជា ហើយ​ទំនិញ​នាំចេញ​របស់​កម្ពុជា​ទៅ​កាន់​សហរដ្ឋអាមេរិក​បន្ត​កើនឡើង​។ ទីផ្សារ​សហរដ្ឋអាមេរិក​ផ្តល់​ឱកាស​សេដ្ឋកិច្ច​សំខាន់ៗ​សម្រាប់​ក្រុមហ៊ុន​កម្ពុជា និង​ការងារ​ល្អ​សម្រាប់​បុគ្គលិក​កម្មករ​កម្ពុជា​។

នៅ​ឆ្នាំ​ ២០១៨ ប្រទេស​ កម្ពុជា​ បាន​នាំ​ទំនិញ​ដែល​មាន​តម្លៃ​ជា​ទឹកប្រាក់​ចំនួន ៣,៨ ​ពាន់​លាន​ដុល្លារ​ទៅ​សហរដ្ឋអាមេរិក ហើយ​នាំ​ចូល​ទំនិញ​អាមេរិក​ដែល​មាន​តម្លៃ ៤០០ ​លាន​ដុល្លារ​។ ចំណែក​នៃ​ទីផ្សារ​សហរដ្ឋ​អាមេរិក​សម្រាប់​ទំនិញ​នាំ​ចេញ​ជា​សម្លៀកបំពាក់ និង​ស្បែកជើង​របស់​កម្ពុជា​បាន​កើន​ដល់ ៣០% នៅ​ឆ្នាំ ២០១៨ គឺ​កើន​ពី ២៥% នៅ​ឆ្នាំ​មុន​។ នៅក្នុង​រយៈពេល ៥ ខែ​ដំបូង​នៃ​ឆ្នាំ ២០១៩ ប្រទេស​កម្ពុជា​បាន​នាំ​ចេញ​ទំនិញ​ដែល​មាន​ទឹកប្រាក់​ចំនួន​ជិត ១,៥ ពាន់​លាន​ដុល្លារ​ទៅ​កាន់​សហរដ្ឋ​អាមេរិក​។ នេះ​ជា​បរិមាណ​លើស​ពី​បរិមាណ​កន្លង​មក​។

ប្រទេស​ កម្ពុជា ​បាន​ចាប់ផ្តើម​ទទួល​បាន​ការអនុគ្រោះ​ពន្ធ​នាំចូល​ពី​សហរដ្ឋ​អាមេរិក​នៅ​ឆ្នាំ​ ១៩៩៧ នៅ​ក្រោម​ប្រព័ន្ធ​អនុគ្រោះ​ទូទៅ (GSP) ។ នៅ​ឆ្នាំ​ ២០១៦ ទំនិញ​សម្រាប់​ការធ្វើ​ដំណើរ​ត្រូវ​បាន​បន្ថែម​ទៅក្នុង​កម្មវិធី GSP ហើយ​ការ​នេះ​បាន​ជួយ​អភិវឌ្ឍ​ឧស្សាហកម្ម​សំខាន់​ថ្មី​មួយ ហើយ​នាំ​អោយ​មាន​ការវិនិយោគ​ថ្មី​សំខាន់​មួយ​នៅ​កម្ពុជា​។ នៅ​ឆ្នាំ​ ២០១៨ ទំនិញ​សម្រាប់​ការធ្វើ​ដំណើរ​ដែល​មាន​តម្លៃ ៣៩២ លាន​ដុល្លារ ​ត្រូវ​បាន​នាំ​ចេញ​ទៅ​សហរដ្ឋអាមេរិក ដែល​ស្មើ​នឹង ១០% នៃ​តម្លៃ​ទំនិញ​នាំ​ចេញ​សរុប​របស់​ប្រទេស​កម្ពុជា​ទៅ​កាន់​សហរដ្ឋ​អាមេរិក​។ នៅ​ឆ្នាំ ២០១៩ ចំនួន​នេះ​នឹង​មាន​លើស ៦០០ លាន​ដុល្លារ​។

លើស​ពី​នេះ​ទៀត​ក្រុមហ៊ុន​អាមេរិក​ជាច្រើន​បាន​មក​វិនិយោគ​នៅ​កម្ពុជា​។ ការវិនិយោគ​ដែល​លេចធ្លោ​ជាង​គេ​មួយ​មកពី​សហរដ្ឋអាមេរិក​គឺ​ការវិនិយោគ​លើ​រោងចក្រ​ កូកា កូឡា លំដាប់​ពិភពលោក​ដែល​មាន​តម្លៃ ១០០ លាន​ដុល្លារ ហើយ​ដែល​ត្រូវ​បាន​បើក​នៅ​ឆ្នាំ ២០១៦​។ ការវិនិយោគ​ដទៃ​ទៀត​ត្រូវ​បាន​ធ្វើ​ទៅលើ​ឧស្សាហកម្ម​ស្បៀងអាហារ និង​ភេសជ្ជៈ ទេសចរណ៍ ត្បូង​មាន​តម្លៃ កសិកម្ម ទឹកដោះគោ គ្រឿង​ប្រដាប់​កីឡា​ព្រម​ទាំង​ផ្នែក​អប់រំ និង​សុខាភិបាល​។

ការបើក​សាខា​រកស៊ី​នៅ​កម្ពុជា​ក្រោម​ឈ្មោះ និង​ការទិញ​សិទ្ធិ​ពី​ក្រុមហ៊ុន​អាមេរិក​កំពុង​មាន​កំណើន​យ៉ាង​ឆាប់រហ័ស ដូច​សេដ្ឋកិច្ច​កម្ពុជា​ដែរ​។ សព្វ​ថ្ងៃ​នេះ​ក្រុមហ៊ុន​ទាំងនេះ​រួមមាន​ KFC, Burger King, Swensen’s Grill and Ice Cream, Circle K, Krispy Kreme, Domino’s Pizza, Dairy Queen, Chem-Dry, Auntie Anne’s, Carl’s Junior, Cold Stone Creamery, Starbucks Coffee, Harley-Davidson, The Coffee Bean & Tea Leaf និង Hard Rock Café ។

ក្រុមហ៊ុន​អាមេរិក​ដែល​ធ្វើការ​វិនិយោគ​នៅ​កម្ពុជា​នាំ​មក​ជាមួយ​នូវ​កម្មវិធី​បណ្តុះ បណ្តាល​ថ្នាក់​ពិភពលោក​ជំរុញ​ការផ្ទេរ​ជំនាញ គាំទ្រ​បទដ្ឋាន​ការងារ និង​បរិស្ថាន​ខ្ពស់ ហើយ​និង​បច្ចេកវិទ្យា​ខ្ពស់​។

ក្រុមហ៊ុន​អាមេរិក​ក៏​នាំ​មក​ជាមួយ​ផងដែរ​នូវ​កម្មវិធី​ស្តីពី​ការទទួល​ខុសត្រូវ​ខ្ពស់​របស់​ក្រុមហ៊ុន​ចំពោះ​សង្គម​។ គ្រាន់តែ​ក្នុង​ឆ្នាំ​ ២០១៨ គម្រោង​ផ្តួចផ្តើម​ទាក់ទង​នឹង​រឿងនេះ​បាន​ជួយ​ដល់​សេវា​សុខាភិបាល​សម្រាប់​ប្រជាជន​នៅ​តាម​ជនបទ​នៅ​កម្ពុជា​លើក​កម្ពស់​កម្មវិធី​បរិស្ថាន​ផ្តល់​ទឹកស្អាត​ដល់​ប្រជាជន​រាប់ពាន់​នាក់​បង្រៀន​ប្រជាជន​វ័យក្មេង​នៅ​តាម​ជនបទ​នៃ​ប្រទេស​ កម្ពុជា ​នូវ​ការប្រតិបត្តិ​ល្អ​ក្នុង​មុខ​ជំនួញ ព្រម​ទាំង​សកម្មភាព​រាប់សិប​ដទៃ​ទៀត​៕

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។