កំណើននៃការប្រើ Pi Pay ជាសក្ខីភាពបង្ហាញពីការរីកចម្រើននៃវិស័យទូទាត់វិក្កយបត្រដោយមិនបាច់កាន់សាច់លុយនៅកម្ពុជា
និមិត្តសញ្ញាពណ៌ផ្កាឈូកខ្ចីរបស់ Pi Pay កំពុងមានកិត្តិនាមល្បីល្បាញក្នុងស្រទាប់មហាជនជាច្រើននៅទីក្រុងភ្នំពេញ ហើយវាជារឿងមិនគួរឲ្យជឿដែលក្រុមហ៊ុនទូទាត់វិក្កយបត្រមិនប្រើសាច់លុយនេះ ទើបតែចាប់ផ្តើមដំណើរការរយៈពេល ៩ ខែដោយប្រើកម្មវិធីសម្រាប់ប្រើសាកល្បងចាប់ពីខែមិថុនាឆ្នាំមុនតែប៉ុណ្ណោះ។
គេសង្កេតឃើញមានអតិថិជនជាច្រើននៅទីក្រុងភ្នំពេញបានប្រើ Pi Pay ដើម្បីទូទាត់វិក្កយបត្ររបស់ខ្លួននៅតាមបណ្តាហាងពេញនិយមយ៉ាងច្រើនកុះករ ដែលទិដ្ឋភាពនេះបានក្លាយទៅជារឿងធម្មតាទៅហើយស្របពេលមានហាងទំនិញ និងអាជីវករជាច្រើនបានចាប់ផ្តើមប្រើ Pi Pay កាន់តែច្រើន ដោយសារតែវាជាមធ្យោបាយទូទាត់ប្រាក់ដ៏មានសុវត្ថិភាព និងងាយស្រួលបំផុត។
«ជាមួយ Pi Pay ការទូទាត់វិក្កយបត្រមានភាពងាយស្រួលបំផុតមិនធ្លាប់មាន។ សម្រាប់អតិថិជនដែលប្រើប្រាស់កម្មវិធីនេះ វាជួយឲ្យពួកគាត់ទូទាត់ប្រាក់ដោយមិនចាំបាច់កាន់លុយតាមខ្លួនច្រើននោះទេ ហើយនេះមិនទាន់រាប់បញ្ចូលពីអត្ថប្រយោជន៍នៃការបញ្ចុះតម្លៃយ៉ាងច្រើនសន្ធឹកសន្ធាប់នោះផង»។ នេះបើយោងតាមប្រសាសន៍របស់លោក Simon Choo នាយកគ្រប់គ្រង និង ជាសហស្ថាបនិកហាង MyBurgerLab។
«នៅឯហាង MyBurgerLab របស់យើងឯណេះវិញការគ្រប់គ្រងការទូទាត់សាច់លុយក៏មានភាពងាយស្រួលជាងមុនច្រើនផងដែរ ដោយបញ្ហាគ្រប់គ្រងសាច់ប្រាក់បានថយចុះខុសពីពេលមុន»។
Pi Pay បានរាយការណ៍ថា បើគិតត្រឹមខែមករាឆ្នាំ ២០១៨ កម្មវិធីនេះត្រូវបានដោនឡូតដល់ទៅ ១៦០០០០ ដង ហើយចំនួនទឹកប្រាក់ទូទាត់វិក្កយបត្របានកើនឡើងរហូតដល់ទៅ ៤៣ លានដុល្លារអាមេរិកតាមរយៈកម្មវិធី Pi Pay នេះ។
ដៃគូសហការរបស់ក្រុមហ៊ុននេះគឺជាចំណុចស្នូលនៃភាពជោគជ័យនេះ ជាមួយដៃគូសហការធំៗដូចជា AliPay ដែលកំពុងតែធ្វើការជាមួយអាជីវករតូចៗឲ្យប្រើប្រាស់ប្រព័ន្ធ Pi Pay នេះដើម្បីទូទាត់ប្រាក់។
ធនាគារក្នុងស្រុក និងគ្រឹះស្ថានហិរញ្ញវត្ថុធំៗដូចជា ធនាគារ ABA និង AMK, ស្ថានីយប្រេងឥន្ទនៈសូគីម៉ិច និងតូតាល់ព្រមទាំងហាងទំនិញ និងក្រុមហ៊ុនសេវាកម្មធំៗយ៉ាងច្រើនផ្សេងៗទៀតក៏បានចាប់ដៃគូសហការជាមួយ Pi Pay ផងដែរ ដោយផ្តល់ជូនអតិថិជនរបស់ខ្លួននូវមធ្យោបាយទូទាត់ប្រាក់មិនប្រើសាច់លុយ ដែលមានសុវត្ថិភាពខ្ពស់ និងងាយស្រួលបំផុតគ្រប់ម៉ោងគ្រប់ពេលទាំងអស់។
បច្ចុប្បន្ន Pi Pay កំពុងពង្រីកសេវាកម្មរបស់ខ្លួនទៅកាន់ខេត្តសៀមរាប ហើយនឹងបន្តពង្រីកទៅកាន់ខេត្តព្រះសីហនុ រួមទាំងបណ្តាក្រុង និងខេត្តសំខាន់ៗផ្សេងទៀតទូទាំងព្រះរាជាណាចក្រកម្ពុជានាពេលឆាប់ៗខាងមុខនេះ។
«យើងពិតជាមានក្តីមោទនៈ និងរីករាយយ៉ាងខ្លាំងជាមួយនឹងសម្ទុះកំណើននៃការគាំទ្រមកកាន់ Pi Pay ដែលបានរីកចម្រើនចាប់តាំងពីគ្រាន់តែជាគំនិតមួយរហូតក្លាយជាសេវាកម្មមួយដែលត្រូវបានមហាជនទទួលស្គាល់ និងគាំទ្រប្រើប្រាស់ក្នុងជីវិតរស់នៅប្រចាំថ្ងៃតែក្នុងរយៈពេលដ៏ខ្លីនឹកស្មានមិនដល់»។ នេះបើយោងតាមប្រសាសន៍របស់លោក Tomas Pokorny អគ្គនាយកក្រុមហ៊ុន Pi Pay។
«នេះជាសក្ខីភាពដែលបង្ហាញថា ប្រជាជនកម្ពុជាមានការយល់ដឹង និងបានត្រៀមខ្លួនរួចរាល់សម្រាប់លំហូរចូលនៃបច្ចេកវិទ្យាទំនើបៗ ដើម្បីធ្វើឲ្យការរស់នៅប្រចាំថ្ងៃរបស់ពួកគាត់កាន់តែមានសុវត្ថិភាព និងកាន់តែងាយស្រួលថែមទៀត»។
លោក Pokorny បានបន្ថែមថាការកែលម្អបន្ថែមជាច្រើនកំពុងតែរៀបចំឡើងសម្រាប់កម្មវិធី Pi Pay ដើម្បីឲ្យកាន់តែល្អប្រសើរ ហើយនេះរួមមានទាំង Pay Lite ដែលធ្វើឲ្យដំណើរការចុះឈ្មោះសម្រាប់ប្រើប្រាស់កាន់តែងាយជាងមុន ហើយអាចឲ្យអតិថិជនអាចដាក់ប្រាក់មួយចំនួនតូចក្នុងកាបូបលុយឌីជីថលរបស់ពួកគាត់។
មុខងារនៃកម្មវិធីមួយនេះនឹងមកដល់ឆាប់ៗនេះ ហើយជាមុខងារដែលលោក Pokorny ថ្លែងថាលោកមានក្តីរំភើបយ៉ាងខ្លាំងជាទីបំផុតចំពោះការមកដល់របស់វា។
លោកបន្ថែមថា៖ «យើងហៅវាថា All Users Are Merchants ឬហៅកាត់ថា AUAM ដែលមានន័យយ៉ាងសាមញ្ញថា មិនថាម្ចាស់អាជីវកម្មណាមួយ មិនថាពួកគាត់រកស៊ីអ្វីទេ គឺសុទ្ធតែអាចទទួលការទូទាត់វិក្កយបត្ររបស់អតិថិជនដោយប្រើតែស្មាតហ្វូនប៉ុណ្ណោះ ហើយដោយគ្រាន់តែចុចតែ ២ ដងក្នុងកម្មវិធីលើស្មាតហ្វូននេះជាការស្រេច»។
លោកបន្តថា៖ «អ្វីដែលយើងបានធ្វើ ហើយអាចឃើញបានយ៉ាងងាយនាពេលបច្ចុប្បន្ននេះ គឺអ្នកបើករ៉ឺម៉ក PassApp ដែលយើងកំពុងតែចុះឈ្មោះពួកគាត់ ដែលពួកគាត់នឹងអាចទទួលការទូទាត់ប្រាក់ពីអតិថិជនរបស់ពួកគាត់តាមរយៈកាបូបលុយឌីជីថលរបស់យើងនេះ ដោយមិនបាច់បារម្ភពីសុវត្ថិភាពក្នុងការកាន់សាច់ប្រាក់តាមខ្លួនទៀតឡើយ»។
«សម្រាប់រូបខ្ញុំ និងក្រុមការងារដែលបានបង្កើត Pi Pay នេះឡើង មុខងារ AUAM គឺស្រដៀងគ្នានឹង Shangri-La របស់យើងដែរ។ វាជាមុខងារមួយក្នុងកម្មវិធីលើស្មាតហ្វូនតែម្តង ដែលយើងគិតថា វានឹងផ្តល់នូវភាពរីកចម្រើន និងល្អប្រសើរយ៉ាងខ្លាំងដល់វិស័យហិរញ្ញវត្ថុរបស់កម្ពុជាតាមរយៈការផ្លាស់ប្តូរទម្លាប់របស់ប្រជាជនដែលមិនដាក់លុយនៅធនាគារហើយចាយតែសាច់លុយសុទ្ធឲ្យយល់ដឹង និងប្រើប្រាស់សេវាហិរញ្ញវត្ថុផ្លូវការបែបថ្មីនេះតែម្តង»។
លោក Pokorny ថ្លែងបន្តថា៖ «យើងពិតជាមានក្តីសោមនស្សយ៉ាងក្រៃលែងក្នុងការនាំយកនូវមុខងារថ្មីនេះជូនអតិថិជន ហើយវានឹងផ្តល់អត្ថប្រយោជន៍យ៉ាងច្រើនដល់អាជីវករ និងម្ចាស់អាជីវកម្មតូច!»៕