.jpg)
មនុស្សកាន់តែមានជីវភាពធូរធារទៅៗ ប៉ុន្តែមិនមែនមានន័យថាសុខភាពពួកគេដើរទន្ទឹមនឹងទ្រព្យដែលពួកគេមាននោះទេ។ ការរស់នៅជីវិតមួយដែលប្រកបដោយការប្រុងប្រយ័ត្នចំពោះសុខភាព ហើយជៀសវាងពីជំងឺដែលអាចជៀសវាងបានអាចកាត់បន្ថយចំណាយដែលនឹងកើនឡើងនៅពេលមានជំងឺបាន។
ប្រជាជនកម្ពុជានាពេលបច្ចុប្បន្នមានជីវភាពប្រសើរជាងពេលណាៗទាំងអស់ក្នុងប្រវតិ្តសាស្ត្ររបស់ពួកគេ ប៉ុន្តែសម្ពាធនៃជីវិតសម័យទំនើបកំពុងតែធ្វើឲ្យមានផលប៉ះពាល់យ៉ាងខ្លាំងដល់សុខភាពរបស់ប្រជាជនទូទៅ។
ថ្វីបើអាយុសង្ឃឹមរស់ចេះតែកើនឡើងជាលំដាប់ក្តី ប្រជាជនកម្ពុជាកាន់តែច្រើនឡើងៗត្រូវបានរងគ្រោះពីជំងឺទាក់ទងនឹងសរសៃឈាមបេះដូង ជំងឺមហារីក ការដាច់សរសៃឈាមខួរក្បាល ទឹកនោមផ្អែម ជំងឺសួត ជំងឺតម្រងនោម និងជំងឺថ្លើម។ បើយោងតាមអង្គការសុខភាពពិភពលោក (WHO) ជំងឺមិនឆ្លងដ៏គ្រោះថ្នាក់ទាំងនេះបង្កឲ្យមានការស្លាប់ជាងពាក់កណ្តាលនៃចំនួនការស្លាប់សរុបនៅក្នុងប្រទេសកម្ពុជា។
ហើយតម្លៃនៃការព្យាបាល និងផលវិបាកដែលបានមកពីជំងឺទាំងនេះគឺកំពុងតែធ្វើឲ្យមានការខូចខាតយ៉ាងខ្លាំងដល់ផ្នែកហិរញ្ញវត្ថុរបស់បុគ្គលម្នាក់ៗ គ្រួសារ និងសង្គមជាតិទាំងមូល។
ក្រសួងសុខាភិបាលបានថ្លែងនៅក្នុងរបាយការណ៍ហិរញ្ញវត្ថុប្រចាំឆ្នាំថ្មីបំផុតរបស់ខ្លួនថា៖ «បញ្ហាហិរញ្ញវត្ថុកំពុងស្ថិតនៅក្នុងជួរមុខនៃកិច្ចខិតខំប្រឹងប្រែងរបស់ប្រទេសកម្ពុជាក្នុងការកសាងប្រព័ន្ធសុខាភិបាល ហើយវាក៏ជាផ្នែកមួយដ៏សំខាន់នៃដំណើរការកំណែទម្រង់ដែលបានចាប់ផ្តើមនៅក្រោយឆ្នាំ ១៩៩៣»។
ហិរញ្ញប្បទានទៅលើវិស័យថែទាំសុខភាពនៅប្រទេសកម្ពុជាបានមកពីប្រភពចម្បងចំនួនបីគឺ រដ្ឋាភិបាលម្ចាស់ជំនួយអន្តរជាតិ ឬអង្គការក្រៅរដ្ឋាភិបាល និងការចំណាយរបស់បុគ្គលម្នាក់ៗដោយផ្ទាល់ ឬតាមរយៈការធានារ៉ាប់រង។
របាយការណ៍នេះបានថ្លែងទៀតថារដ្ឋាភិបាលបានចំណាយថវិកាជាង ១ ពាន់លានដុល្លារលើសេវាថែទាំសុខភាពកាលពីឆ្នាំមុន ខណៈពេលដែល ១៩១ លានដុល្លារថែមទៀតត្រូវបានផ្តល់ដោយម្ចាស់ជំនួយក្រៅប្រទេស។ ការចំណាយនេះបានកើនឡើងជាបន្តបន្ទាប់ចាប់តាំងពីការរក្សាកំណត់ត្រាត្រូវបានដាក់ឲ្យអនុវត្ត។
យ៉ាងណាមិញតាមតួលេខចុងក្រោយបំផុតបានឲ្យដឹងថាការកើនឡើងនៃការផ្តល់ហិរញ្ញប្បទានសម្រាប់ការថែទាំសុខភាពធំបំផុតគឺបានមកពីការចំណាយប្រាក់ពីហោប៉ៅផ្ទាល់ខ្លួនរបស់ប្រជាជនដែលមានចំនួន ៦៥៨ លានដុល្លារ។
ចំណុចមួយទៀតដែលត្រូវពិចារណាគឺជាង ៥០% នៃអ្នកដែលចំណាយលើសេវាវេជ្ជសាស្ត្រពីហោប៉ៅរបស់ខ្លួនមានអាយុលើសពី ៦០ ឆ្នាំ។
របាយការណ៍នេះបានបន្តថា៖ «តួលេខនេះទំនងជាកើនឡើងខណៈចំនួនប្រជាជនមានអាយុកាន់តែចាស់ទៅៗ»។
ប្រទេសកម្ពុជាមិនមែនជាប្រទេសតែមួយគត់នោះទេ ដែលកំពុងតែប្រឈមមុខនឹងការកើនឡើងនៃថ្លៃចំណាយផ្នែកវេជ្ជសាស្ត្រ។ តាមការពិតវាជាបញ្ហាដែលគួរឲ្យព្រួយបារម្ភទាំងនៅក្នុងប្រទេសកំពុងអភិវឌ្ឍន៍ និងប្រទេសអភិវឌ្ឍន៍។
ក្រុមហ៊ុន PriceWaterhouseCooper ដែលជាក្រុមហ៊ុនសវនករ និងគណនេយ្យដ៏ធំ និងល្បីល្បាញនៅលើពិភពលោកបានថ្លែងផងដែរនៅក្នុងរបាយការណ៍ឆ្នាំ ២០១៨ របស់ខ្លួនស្តីពីការចំណាយវេជ្ជសាស្ត្រថា ខណៈពេលដែលនិន្នាការបានធ្លាក់ចុះខ្លះៗក្នុងរយៈពេលប៉ុន្មានឆ្នាំចុងក្រោយនេះក៏វាទំនងជាចាប់ផ្តើមកើនឡើងម្តងទៀតនៅពេលឆាប់ៗខាងមុខនេះ។
របាយការណ៍នេះបានឲ្យដឹងទៀតថាអតិផរណាទូទៅ ការកាត់បន្ថយចំនួនថ្នាំដែលនឹងហួសកំណត់ប៉ាតង់ និងភាពស្ទាក់ស្ទើររបស់សហគ្រាសធុនតូច និងមធ្យមក្នុងការផ្តល់ការធានារ៉ាប់រងសុខភាពដល់បុគ្គលិក កត្តាទាំងអស់នេះនឹងរួមចំណែកធ្វើឲ្យនិន្នាការនៃការចំណាយវេជ្ជសាស្ត្រកើនឡើងវិញ។
ទោះជាយ៉ាងណាការបង្កើនការយល់ដឹងអំពីរបៀបរស់នៅដែលនាំឲ្យមានសុខភាពល្អដើរតួយ៉ាងសំខាន់ក្នុងការរារាំងកុំឲ្យចំណាយកាន់តែខ្ពស់។ វាអាចស្តាប់ទៅដូចជាអ្វីដែលគេនិយាយដដែលៗ ប៉ុន្តែមនុស្សដែលមានសុខភាពល្អ ដែលរស់នៅពោរពេញដោយសកម្មភាពប្រចាំថ្ងៃ មិនងាយមានជំងឺដូចអ្នកដែលជក់បារី ទទួលទានគ្រឿងស្រវឹងហួសប្រមាណ ឬមិនហាត់ប្រាណនោះទេ។
សព្វថ្ងៃនេះប្រជាជនកម្ពុជាយល់ដឹងកាន់តែច្រើនអំពីតម្រូវការរបស់ពួកគេក្នុងការទទួលបាននូវផែនការថែទាំសុខភាពដែលមានការចំណាយសមរម្យ។
កាលពីសម័យមុនវាគឺជារឿងធម្មតាដែលសាធារណជនទូទៅមិនមានផែនការរៀបចំកញ្ចប់ថវិកាសម្រាប់ការចំណាយលើសុខភាពរបស់ពួកគេ។ យ៉ាងណាមិញ ខណៈពេលដែលប្រទេសកំពុងរីកចម្រើន ហើយការអប់រំក៏មានភាពល្អប្រសើរជាងមុនផងនោះការយល់ដឹងពីដំណោះស្រាយធានារ៉ាប់រងក៏ជាប្រការចាំបាច់មួយផងដែរ។
ទោះជាយ៉ាងណាក៏ដោយការខិតខំប្រឹងប្រែងដើម្បីរក្សាសុខភាពឲ្យបានល្អ មិនមែនមានន័យថាមនុស្សគ្រប់គ្នានោះនឹងសុទ្ធតែអាចជៀសផុតពីជំងឺធ្ងន់ធ្ងរ ១០០% នោះទេ។ ដូច្នេះការមានផែនការគ្រប់ជ្រុងជ្រោយសម្រាប់សុវត្ថិភាពហិរញ្ញវត្ថុគឺមានសារៈសំខាន់ដូចគ្នាសម្រាប់បញ្ហាសុខភាព។
ក្នុងការឆ្លើយតបទៅនឹងតម្រូវការ និងការព្រួយបារម្ភយ៉ាងខ្លាំងអំពីបញ្ហាសុខភាពរបស់ប្រជាជនកម្ពុជាក្រុមហ៊ុនធានារ៉ាប់រងជីវិតលំដាប់ពិភពលោក AIA បានឈានមុខគេក្នុងការជួយឲ្យប្រជាជនកម្ពុជាទទួលបានសុខភាពល្អ រស់នៅបានយូរអង្វែង និងមានជីវិតកាន់តែប្រសើរជាង និងព្រមទាំងផ្តល់ដំណោះស្រាយធានារ៉ាប់រងក្នុងករណីមានជំងឺធ្ងន់ធ្ងរថែមទៀតផង។
ក្នុងនាមជាស្ថាប័នដែលសកម្មចំពោះការរស់នៅប្រកបដោយសុខភាពល្អនៅក្នុងប្រទេសកម្ពុជា AIA បានបង្កើតកម្មវិធី និងយុទ្ធនាការជាច្រើនសម្រាប់សុខុមាលភាពរបស់ប្រជាជនកម្ពុជាដោយក្នុងនោះរួមមានការបើកទីតាំងសុខុមាលភាព AIA (AIA Wellness Lounge) របស់ខ្លួនថ្មីៗនេះនៅក្នុងផ្សារទំនើបអ៊ីអនម៉លទី ២ ផងដែរ៕
