ឆ្លៀតក្នុងឱកាសខួបអនុស្សាវរីយ៍ ២០ ឆ្នាំនៃការប្រគល់ម៉ាកាវមកប្រទេស ចិន វិញ ខ្ញុំសូមតំណាងឲ្យក្រសួងព័ត៌មាននៃព្រះរាជាណាចក្រកម្ពុជា សូមចូលរួមអបអរសាទរយ៉ាងកក់ក្តៅជូនចំពោះខួបអនុស្សាវរីយ៍ ២០ ឆ្នាំ នៃការបង្កើតតំបន់រដ្ឋបាលពិសេសម៉ាកាវ និងសមិទ្ធផលដ៏អស្ចារ្យដែលទទួលបានកន្លងមក។
ឆ្នាំនេះជាឆ្នាំនៃខួបអនុស្សាវរីយ៍ ៧០ ឆ្នាំ នៃការបង្កើតសាធារណរដ្ឋប្រជាមានិតចិន និងខួបអនុស្សាវរីយ៍ ២០ ឆ្នាំនៃការប្រគល់ម៉ាកាវមកប្រទេសចិនវិញផងដែរ។ នាថ្ងៃទី ២០ ខែធ្នូ ឆ្នាំ ១៩៩៩ ម៉ាកាវត្រូវបានប្រគល់មកប្រទេសចិនវិញជាស្ថាពរ ហើយតំបន់រដ្ឋបាលពិសេសម៉ាកាវក៏ត្រូវបានបង្កើតឡើងជាស្ថាពរ ហើយក៏បានចាប់ផ្តើមដើរលើវិថីអភិវឌ្ឍន៍ស្វ័យគ្រប់គ្រងកម្រិតខ្ពស់នៃគោលនយោបាយ «ប្រទេសមួយប្រព័ន្ធពីរ» និងគោលនយោបាយ «ម៉ាកាវគ្រប់គ្រងដោយចិនម៉ាកាវ»។
ស្ថិតនៅក្រោមការដឹកនាំនៃគោលនយោបាយ បានធ្វើឲ្យវិស័យនានានៃសេដ្ឋកិច្ច និងសង្គមកិច្ចម៉ាកាវទទួលបានការអភិវឌ្ឍបានយ៉ាងឆាប់រហ័សក៏បានក្លាយជារូបរាងដ៏អស្ចារ្យថ្មីមួយ។ GDP សម្រាប់មនុស្សម្នាក់ក្នុងម៉ាកាវបានកើនពី ១៥០០០ ដុល្លារសហរដ្ឋអាមេរិកក្នុងឆ្នាំ ១៩៩៩ មក ៨៦ ០០០ ដុល្លារសហរដ្ឋអាមេរិក ក្នុងឆ្នាំ ២០១៨ ក៏បានជាប់ចំណាត់ថ្នាក់លេខ ២ លើពិភពលោក។ គោលនយោបាយ «ប្រទេសមួយប្រព័ន្ធពីរ» ក៏ទទួលបានភាពជោគជ័យយ៉ាងច្រើនអនេកក្នុងទឹកដីម៉ាកាវ។
សមិទ្ធផលនៃកិច្ចសហប្រតិបត្តិការរវាងកម្ពុជា និងតំបន់រដ្ឋបាលពិសេសម៉ាកាវ ប្រទេស ចិន មានច្រើនអនេកគួរឲ្យកត់សម្គាល់។ នាថ្ងៃទី ៨ ខែ ឧសភា ឆ្នាំ ២០១៨ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានអញ្ជើញមានជំនួបជាមួយលោក Fernando Chui Sai On ប្រមុខដឹកនាំតំបន់រដ្ឋបាលពិសេសម៉ាកាវភាគីទាំង ២ បានពិភាក្សាគ្នាយ៉ាងស៊ីជម្រៅលើកិច្ចសហប្រតិបត្តិការវិស័យទេសចរណ៍ ពាណិជ្ជកម្ម និងវិស័យផ្សេងទៀត ដើម្បីជំរុញការអភិវឌ្ឍនៃទំនាក់ទំនងទ្វេភាគីនេះកាន់តែល្អប្រសើរ។
ឆ្លៀតក្នុងឱកាសនេះសូមថ្លែងអំណរគុណដល់ម៉ាកាវដែលតែងចូលរួមលះបង់ដល់ការអភិវឌ្ឍក្នុងប្រទេស កម្ពុជា។
សូមជូនពរតំបន់រដ្ឋបាលពិសេសម៉ាកាវកាន់តែល្អប្រសើរនាថ្ងៃអនាគត!
សូមជូនពរមិត្តភាពកម្ពុជា និងចិន ស្ថិតស្ថេរជាអមតៈ!