.jpg)
គំនិតផ្តួចផ្តើម 'ខ្សែក្រវាត់ និងផ្លូវ' ដែលដឹកនាំដោយប្រទេសចិនកំពុងផ្លាស់ប្តូរទិដ្ឋភាពវិស័យអប់រំរបស់ព្រះរាជាណាចក្រកម្ពុជា។ ហេង ជីវ័ន
កាសែតភ្នំពេញប៉ុស្តិ៍ថ្មីៗនេះទើបតែបានធ្វើដំណើរទៅមើលអគារសាលា Harrods International Academy (HIA) ដែលទើបតែត្រូវបានសាងសង់ឡើង និងស្ថិតនៅក្នុងសង្កាត់បឹងកេងកង ១ ដើម្បីជួបជជែកជាមួយនឹងនាយកសាលាផ្ទាល់គឺអ្នកស្រី Philippa Barsons អំពីរបៀបនៃការធ្វើឲ្យប្រសើរឡើងនៃឱកាសសម្រាប់សិស្សានុសិស្សនៅក្នុងព្រះរាជាណាចក្រកម្ពុជា និង ដើម្បីពិភាក្សាពីរបៀបនៃការត្រៀមខ្លួនដែលល្អបំផុតសម្រាប់ឧបសគ្គផ្សេងៗនៃឈានជើងចូលកម្រិតមធ្យមសិក្សា។
អ្នកស្រី Barsons «បានប្រឡូកនៅក្នុងវិស័យអប់រំអស់រយៈជាង ៦ ឆ្នាំហើយនៅក្នុងតំបន់អាស៊ីអាគ្នេយ៍ ហើយអ្នកស្រីបានចំណាយពេលពី ៣ ទៅ ៤ ឆ្នាំនៅក្នុងប្រទេសកម្ពុជា»។ នៅក្នុងអំឡុងពេលនោះ តើអ្នកស្រីបានចាប់អារម្មណ៍ពីការប្រែប្រួលនៃការសិក្សាកម្រិតមធ្យមសិក្សានៅក្នុងប្រទេសកម្ពុជា? បម្រែបម្រួលដ៏ធំជាងគេបង្អស់នោះគឺ «ការប្រកួតប្រជែងចំណោមគ្រឹះស្ថានសិក្សា» ដែលការប្រកួតប្រជែងនេះគឺមានន័យថាគ្រឹះស្ថានសិក្សាទាំងនោះកំពុងតែពុះពារធ្វើយ៉ាងណាផ្ដល់នូវគ្រឿងបរិក្ខារសិក្សាល្អបំផុតតាមដែលអាចធ្វើបាន។
«ការប្រើប្រាស់បច្ចេកវិទ្យាកំពុងតែមានការកើនឡើង...ដូចជានៅក្នុងសាលា Harrods International Academy នេះជាឧទាហរណ៍ស្រាប់ យើងមានកាលវិភាគសម្រាប់ម៉ោងសិក្សាអំពី 3D Printing បច្ចេកវិទ្យារ៉ូបូទិកសរសេរកូដកុំព្យូទ័រ។ យើងជឿជាក់ថា សិស្សទាំងអស់នឹងទទួលបានការងារសមប្រកបក្រោយបញ្ចប់ការសិក្សា»។
ដោយសារតែមានការកើនឡើងនូវមុខវិជ្ជា និងវគ្គសិក្សាជាច្រើន សិស្សានុសិស្សក៏កំពុងទទួលការអប់រំយ៉ាងទូលំទូលាយជាងមុន។
នេះគឺជារឿងល្អសម្រាប់ពួកគេ ខណៈដែលពួកគេត្រូវធ្វើការសម្រេចចិត្តសិក្សានូវមុខវិជ្ជាដែលពួកគេពេញចិត្ត ប៉ុន្តែឥឡូវពួកគេមានជម្រើសកាន់តែច្រើន។ សិស្សានុសិស្សពិតជាមានលទ្ធភាពខ្ពស់នៅក្នុងការកំណត់គោលដៅអនាគតរបស់ពួកគេនាពេលបច្ចុប្បន្ន។
អ្នកស្រី Barsons បានគូសបញ្ជាក់ភ្លាមៗថា៖ «គំនិតផ្ដួចផ្ដើមផ្លូវមួយខ្សែក្រវាត់មួយរបស់ប្រធានាធិបតីចិនកាលពីឆ្នាំ ២០១៣ បានកែប្រែមុខមាត់វិស័យអប់រំនៅក្នុងប្រទេសកម្ពុជាឲ្យកាន់តែប្រសើរឡើងថែមទៀត»។
ការអប់រំនៅក្នុងប្រទេសកម្ពុជាឥឡូវគឺជាកន្លែងគួរឲ្យចាប់អារម្មណ៍មួយដែលដូចទៅនឹង «ការប្រែប្រួលខាងផ្នែកសេដ្ឋកិច្ច ការប្រសើរឡើងនៃជីវិតរស់នៅ និងប្រាក់ចំណូលបានធ្វើឲ្យគ្រួសារប្រជាជនកម្ពុជាជាច្រើនអាចទទួលបាននូវវិស័យអប់រំឯកជនយ៉ាងច្រើនជាងពេលណាៗទាំងអស់»។ ជាមួយនឹងលទ្ធភាពនៃការទទួលបានការអប់រំតាមវិស័យឯកជនបាននាំមកនូវជម្រើសនៃការសិក្សាតាមបែបស្ដង់ដាអន្តរជាតិ ដែលមានគ្រឹះស្ថានសិក្សាមួយចំនួននៅក្នុងប្រទេសកម្ពុជាមានដូចជា សាលា Harrods International Academy ដែលសញ្ញាបត្រត្រូវបានទទួលស្គាល់ជាលក្ខណៈអន្តរជាតិ។
បញ្ហាមួយក្នុងចំណោមនៃបញ្ហាជាច្រើនទៀតដែល សិស្ស និងមាតាបិតាសិស្សអាចនឹងមានពិបាកក្នុងការចរចាគ្នានោះគឺ តើមុខវិជ្ជាមួយណាដែលពួកគេចង់សិក្សា។ អ្នកស្រី Barsons បានលើកយកសេណារីយោមួយមកធ្វើជាឧទាហរណ៍សម្រាប់ជជែកជាមួយយើង ហើយអ្នកស្រីក៏ជជែកអំពីវិធីដែលសាលារបស់អ្នកស្រីគ្រប់គ្រងស្ថានការណ៍នោះ។
សិស្សត្រូវជ្រើសរើសកម្មវិធីសិក្សាត្រឹមត្រូវ។ហេង ជីវ័ន
កាលពី ២-៣ សប្ដាហ៍មុន មានក្មេងស្រីម្នាក់មានអារម្មណ៍មិនសប្បាយចិត្ត និងបានយំដោយសារតែម្ដាយ ឪពុករបស់នាងចង់ឲ្យនាងជ្រើសរើសផ្លូវមួយ ប៉ុន្តែរូបនាងផ្ទាល់គឺចង់ដើរតាមផ្លូវមួយផ្សេងទៀត...យើងខ្ញុំក៏ស្នើឲ្យប្អូនស្រីអាចចូលជួបជាមួយសមាជិកនៃក្រុមប្រឹក្សារបស់សាលាយើងម្នាក់ ដើម្បីជជែកពិភាក្សាអំពីចំណង់ចំណូលចិត្តពិតប្រាកដរបស់នាងផ្ទាល់តែម្ដង។
បន្ទាប់ពីបានពិគ្រោះយោបល់គ្នាដោយត្រង់រួចហើយនោះ យើងក៏ផ្ដល់ជាដំបូន្មានជូនដល់ប្អូនស្រីម្នាក់នោះ ឲ្យនាងត្រៀមនូវហេតុផលមួយសម្រាប់ធ្វើការបកស្រាយ។ វិធានការដែលត្រូវបានប៉ាន់ប្រមាណសម្រាប់ដោះស្រាយ ឬក៏សម្របសម្រួលដល់ភាពចម្រូងចម្រាសរវាងមាតាបិតាសិស្ស និងសិស្សនោះពិតជាមានសារៈសំខាន់ណាស់សម្រាប់ធ្វើការជំរុញទឹកចិត្តដល់សិស្សានុសិស្ស។
នៅក្នុងពេលតម្រែតម្រង់ទិសនៅកម្រិតមធ្យមសិក្សា សិស្សានុសិស្សត្រូវតែសម្រេចចិត្តចាប់យកមុខវិជ្ជាដែលអាចជួយពួកគេត្រៀមខ្លួនសម្រាប់អាជីពនាពេលអនាគតរបស់ពួកគេនិង អាចជួយពួកគេឲ្យអាចបំពេញនូវលក្ខខណ្ឌសម្រាប់ប្រឡងចូលនៅកម្រិតមហាវិទ្យាល័យ។ វាពិតជាមានសារៈសំខាន់ដែលសិស្សានុសិស្សគ្រប់រូបត្រូវចងចាំនៅក្នុងចិត្តថា នៅពេលដែលពួកគេឆ្លងកាត់ការសិក្សាកម្រិតមធ្យមសិក្សាការផ្ដោតទៅលើមុខជំនាញដែលត្រូវនឹងចំណង់ចំណូលចិត្ត និងទេពកោសល្យរបស់ពួកគេនឹងផ្ដល់ជាប្រយោជន៍ដល់ពួកគេនៅពេលអនាគត។
នៅពេលចុងក្រោយឱកាសនៅតែមានកម្រិតខ្ពស់ជាងភាពបរាជ័យសម្រាប់ពេលនេះនៅក្នុងទិដ្ឋភាពនៃវិស័យអប់រំនៅប្រទេសកម្ពុជា។
សម្រាប់សិស្សានុសិស្ស និងមាតាបិតារបស់សិស្សដែលកូននឹងត្រូវឈានជើងចូលសិក្សានូវកម្រិតមធ្យមសិក្សានោះ អ្នកស្រី Barsons បានផ្ដល់ជាយោបល់ថា ៖«ការជ្រើសរើសកម្មវិធីសិក្សាដែលត្រឹមត្រូវមួយគឺជារឿងមួយដែលសំខាន់ជាទីបំផុត...ដោយសារតែផលប្រយោជន៍នៃការរើសយកកម្មវិធីសិក្សាដ៏ត្រឹមត្រូវមួយនឹងជួយគូសវាសអនាគតរបស់អ្នកបានយ៉ាងល្អ ហើយវាក៏នឹងជួយផ្ដល់ជាជម្រើសច្រើនទៅតាមនោះដែរ»។
