ចាប់តាំងពីការបើកដំបូងក្នុងឆ្នាំ ២០១២ សាលាអន្ដរជាតិកាណាដា (CIS) បានពង្រីកសាខារបស់ខ្លួននៅកោះពេជ្រនៅក្នុងឆ្នាំ ២០១៥ ហើយបានបើកសាលាមត្តេយ្យសាខាទី ២ របស់ខ្លួននៅទួលគោកក្នុងឆ្នាំ ២០១៦។
ការពង្រីកសាខារបស់សាលានៅតែបន្តមាន ដោយសារមានសិស្សជាច្រើនមានចំណាប់អារម្មណ៍មកចុះឈ្មោះចូលរៀនពេញ ១ ឆ្នាំនៅគ្រប់ទីតាំងទាំង ៣ ដែលការសាងសង់នេះស្ថិតក្នុងដំណាក់កាលទី ២ និងសាខាទី ៣ របស់សាលានេះកំពុងដំណើរការសាងសង់នៅទីតាំងកោះពេជ្រផងដែរ។
ការសាងសង់ក្នុងដំណាក់កាលទី ២ នេះ នៅតែបន្តសាងសង់ទៅភាគខាងជើងតាមបណ្តោយទន្លេបាសាក់។ នៅពេលសំណង់នេះបញ្ចប់ទាំងស្រុង សាលាអន្តរជាតិកាណាដា (CIS) នឹងតាំងទីគ្របដណ្តប់លើផ្ទៃដីទាំងមូលទំហំ ៣ ហិកតាដែលមានអគារ ២ ធំៗ សម្រាប់ថ្នាក់វិទ្យាល័យ (មធ្យមសិក្សា និងវិទ្យាល័យ) ដែលអាចទទួលសិស្សបានចំនួន ៧៥០ នាក់ ហើយបច្ចុប្បន្នថ្នាក់បឋមមានសិស្សចំនួន ៩២៥ នាក់ ដែលថ្នាក់នេះអាចមានសមត្ថភាពទទួលសិស្សសរុបបានទៅដល់ ១ ៦៧៥ នាក់ ។
ការសាងសង់អគារថ្មីនេះ នឹងបង្ហាញពីការបន្ថែមអគារ និងទីធ្លាថ្មីដូចជា បន្ទប់ល្ខោន (Black Box Theatre) ដែលអាចដាក់មនុស្សបានទៅដល់ ៦០០ នាក់ កន្លែងរត់កម្សាន្ត អាងហែលទឹកទំហំ ២៥ ម៉ែត្រ (៦ជួរ) ដែលមានកន្លែងអង្គុយមើលស្រួល បន្ទប់ពិសោធន៍វិទ្យាសាស្ត្រ កន្លែងហាត់ប្រាណ បណ្ណាល័យថ្មី កន្លែងធ្វើការឬអង្គុយសម្រាក បន្ទប់កុំព្យូទ័រ ស្ទូឌីយោរាំ ទីលានបាល់ទាត់ និងកន្លែងជាច្រើនទៀត!
សំណង់អគារនេះត្រូវបានប៉ាន់ថានឹងត្រូវបានបញ្ចប់ក្នុងអំឡុងឆ្នាំ ២០១៩-២០២០។
ស្របពេលដែលទីតាំងដំបូងរបស់សាលា CIS នៅលើកោះពេជ្រ កំពុងស្ថិតក្នុងការ សាងសង់សាលា នឹងផ្លាស់ប្តូរសាលាមត្តេយ្យនៅទួលគោកទៅសាខាក្បែរកោះពេជ្រ ទីក្រុងអូឡាំព្យា (Olympia City) ហើយបច្ចុប្បន្នកំពុងស្ថិតនៅក្នុងការសម្រេចបញ្ចប់ការសាងសង់និងគម្រោងផែនការ ដើម្បីបើកសាលារៀននៅខែមករា ឆ្នាំ ២០១៩។
សាលា CIS បន្តរីកចម្រើនយ៉ាងឆាប់រហ័ស ប៉ុន្តែប្រកបដោយភាពរលូន ហើយវាស្ថិតនៅក្នុងគម្រោងផែនការពង្រីកដែលបានកំណត់កាលពីឆ្នាំ ២០១២។
ការបន្ថែមទីតាំងថ្មីដ៏អស្ចារ្យនេះ នឹងបន្ថែមភាពជោគជ័យបន្ថែមទៀត ដើម្បីក្លាយទៅជាសាលារៀនលំដាប់អន្តរជាតិមួយនៅក្នុងទីក្រុង។
កម្មវិធីសិក្សារបស់កាណាដាដែលបានអនុវត្តនៅសាលា CIS ត្រូវបានគេមើលឃើញថា ជាកម្មវិធីសិក្សាកំពូលមួយនៅក្នុងពិភពលោកដែលមានសិស្សបញ្ចប់ការសិក្សាពីសាលារៀននេះ នៅម៉ាកាវ (TIS) ដែលត្រូវបានទទួលស្គាល់ពីសាកល វិទ្យាល័យជាង ២០០ កន្លែង នៅទូទាំងពិភពលោកជាមួយនឹងសញ្ញាបត្ររបស់ប្រទេស កាណាដា។
សាលា CIS ក៏កំពុងដំណើរការដាក់ពាក្យសុំធ្វើជាសាលាដែលផ្តល់ជូននូវថ្នាក់សញ្ញាបត្រលំដាប់អន្តរជាតិ (IBDP) នៅថ្នាក់ទី ១១ និងថ្នាក់ទី ១២ ដែលផ្តល់ឱកាសឱ្យនិស្សិតអាចចូលទៅសិក្សា នូវកម្មវិធីដែលរៀបចំដោយសាកលវិទ្យាល័យដ៏ល្បីល្បាញជាអន្តរជាតិ។
ក្រៅពីកម្មវិធីសិក្សាដែលទទួលស្គាល់លំដាប់ពិភពលោក សាលា CIS បានរៀបចំកម្មវិធីសិក្សាជាច្រើនពេញ ១ ឆ្នាំដែលផ្តល់ជូននូវសកម្មភាពបន្ថែមសម្រាប់សិស្សដែលមានអាយុពី ៣ ឆ្នាំទៅ ១៣ ឆ្នាំ ដោយផ្តល់នូវថ្នាក់ភាសាបន្ថែមសម្រាប់សិស្សដែលមានអាយុចាប់ពី ៣ឆ្នាំដូចជា ថ្នាក់ភាសាបារាំង ភាសាខ្មែរ និងភាសាចិន ហើយមានកម្មវិធីពហុភាសា (បារាំង) មានសម្រាប់សិស្សចាប់ពីថ្នាក់ទី ១ ឡើងទៅ ដែលពួកគេអាចរៀនភាសាបារាំងបាន ៤០ ភាគរយនៃកម្មវិធីសិក្សា ១ ថ្ងៃ៕