.jpg)
ហុងកុង គឺជាដៃគូពាណិជ្ជកម្មធំជាងគេលំដាប់ទី ១០ របស់កម្ពុជា។ រូបថត AFP
ហុងកុង គឺជាដៃគូពាណិជ្ជកម្មធំជាងគេលំដាប់ទី ១០ ជាទីផ្សារនាំចេញធំជាងគេលំដាប់ទី ១៤ និងជាប្រភពនាំចូលធំជាងគេលំដាប់ទី ៦ របស់ប្រទេស កម្ពុជា នៅក្នុងឆ្នាំ ២០១៨ ។ ១១ ភាគរយ នៃពាណិជ្ជកម្មសរុបរវាងកម្ពុជា និងចិនដីគោក គឺត្រូវឆ្លងកាត់តាមហុងកុង។
ទំនាក់ទំនងសេដ្ឋកិច្ចរវាងហុងកុង និងកម្ពុជាកំពុងឈានដល់កម្រិតខ្ពស់ថ្មីមួយចាប់តាំងពីការចុះហត្ថលេខាលើកិច្ចព្រមព្រៀងពាណិជ្ជកម្មសេរីរវាងអាស៊ាន-ហុងកុង និងកិច្ចព្រមព្រៀងស្តីពីការវិនិយោគរវាង អាស៊ាន និងហុងកុង។
កិច្ចព្រមព្រៀងទាំង ២ នេះបានបង្កើតមូលដ្ឋានគ្រឹះដ៏រឹងមាំ សម្រាប់ពាណិជ្ជករទាំង ២ ភាគី ដើម្បីពិចារណាលើការពង្រីកទំហំពាណិជ្ជកម្ម ការវិនិយោគ និងសេវាកម្មជំនាញ។
ម្យ៉ាងវិញទៀត យើងនៅមិនឆ្ងាយពីគ្នាប៉ុន្មាននោះទេ ដោយការធ្វើដំណើរតាមយន្តហោះត្រឹមតែ ៣ ម៉ោងប៉ុណ្ណោះ រវាងទីក្រុងហុងកុង និងរាជធានីភ្នំពេញ ដែលប្រតិបត្តិការហោះហើយជារៀងរាល់ថ្ងៃដោយក្រុមហ៊ុនអាកាសចរណ៍ចំនួន ២ គឺក្រុមហ៊ុនអាកាសចរណ៍ Cathay Dragon និង Lanmei Airlines។
ការនៅជិតគ្នានឹងកំណើនសេដ្ឋកិច្ចរបស់ប្រទេស កម្ពុជា កំពុងរីកចម្រើន គឺបានទាក់ទាញអ្នកជំនាញវ័យក្មេង និងសហគ្រិនមកពីហុងកុង ក្នុងរយៈពេលប៉ុន្មានឆ្នាំចុងក្រោយនេះ។ ទេពកោសល្យរបស់មនុស្ស គឺជាទ្រព្យដ៏មានតម្លៃបំផុតមួយរបស់ហុងកុង។
យើងជឿជាក់ថា ការផ្លាស់ប្តូរទស្សនៈរវាងអ្នកដែលមានទេពកោសល្យរវាងភាគីទាំង ២ នឹងជំរុញឱ្យមានលទ្ធផលនៃការច្នៃប្រឌិតកាន់តែប្រសើរ ហើយចំណងទាក់ទងរវាងប្រជាជន និងប្រជានក៏កាន់តែរឹងមាំផងដែរ។
ជាមួយនឹងកំណើននៃការអភិវឌ្ឍហេដ្ឋារចនាសម្ព័ន្ធ ដូចជាស្ពានហុងកុង-ហ្សូហៃ-ម៉ាកាវ និងរថភ្លើងល្បឿនលឿន ហុងកុងផ្តល់នូវច្រកចេញចូលដែលមានសុវត្ថិភាពបំផុតទៅកាន់ចិនដីគោក។
យោងតាមគោលការណ៍ «ប្រទេសមួយប្រព័ន្ធ ២» ហុងកុងក៏មានប្រព័ន្ធច្បាប់ លំហូរមូលធន ព័ត៌មាន ប្រជាជន សេវាកម្ម អាជីវកម្ម និងសេវាកម្មវិជ្ជាជីវៈដែលស្របតាមស្តង់ដាអន្តរជាតិផងដែរ។
យោងតាមលក្ខណសម្បត្តិទាំងនេះ ហុងកុង គឺជាទីតាំងមួយដ៏ល្អបំផុតសម្រាប់ក្រុមហ៊ុនកម្ពុជា ដើម្បីពង្រីកអាជីវកម្មរបស់ពួកគេជាមួយនឹងគោលបំណងចាប់យកទីផ្សារចិន និងពិភពលោក។
យើងស្វាគមន៍ការវិនិយោគបន្ថែមពីប្រទេស កម្ពុជា។
ទាំងហុងកុង និងកម្ពុជា ត្រូវរួមគ្នាកសាងអនាគតមួយដ៏ភ្លឺស្វាង ប្រកបដោយមិត្តភាព និងសុច្ឆន្ទៈ៕
(សារពីការិយាល័យសេដ្ឋកិច្ច និងពាណិជ្ជកម្មហុងកុងប្រចាំទីក្រុងបាងកក)
