ភ្នាក់ងារអន្តោប្រវេសន៍អូស្រា្តលី ហៅកាត់ AMA ផ្តល់សេវាកម្មតែមួយ គត់ដែលប្រកបដោយជំនាញវិជ្ជាជីវៈគួរជាទីទុកចិត្ត។ អស់រយៈពេល ២៧ ឆ្នាំមកហើយដែលក្រុមហ៊ុនចម្រុះជាតិសាសន៍មួយនេះ បង្កើតនូវកេរិ៍្តឈ្មោះដ៏ល្បីល្បាញក្នុងការជួយដល់អតិថិជនរបស់ខ្លួនឲ្យទទួលបានទិដ្ឋាការ (វីសា) ទៅប្រទេសអូស្ត្រាលី ដោយស្របច្បាប់យ៉ាងជោគជ័យ។
ជាមួយនឹងវត្តមាននៅក្នុងប្រទេសអូស្ត្រាលី ម៉ាឡេស៊ី និងសិង្ហបុរី ពេលនេះក្រុមហ៊ុន AMA ទើបបានបើកដំណើរការការិយាល័យតំណាងមួយរបស់ខ្លួននៅប្រទេសកម្ពុជាដែលជាក្រុមហ៊ុនទទួលបានអាជ្ញាប័ណ្ណដំបូងគេ និងតែមួយគត់ ដែលផ្តល់នូវសេវាកម្មជាភ្នាក់ងារអន្តោប្រវេសន៍ទៅប្រទេសអូស្ត្រាលី ជាផ្លូវការនៅក្នុងប្រទេសកម្ពុជា។
ភ្នាក់ងារនេះផ្តល់នូវសេវាកម្មអន្តោប្រវេសន៍ជាច្រើនប្រភេទ ដែលរួមមានដូចជា សម្រាប់គ្រួសារ និងដៃគូ ទទួលបានវីសា ក៏ដូចជាសម្រាប់អ្នកធ្វើជំនួញ និងជនអន្តោប្រវេសន៍ដែលត្រូវបានបញ្ជូនដោយនិយោជក ជាមួយនឹងការផ្តោតពិសេសលើការរត់ការយកវីសាប្រភេទអាជីវកម្ម និងស្របតាមច្បាប់អនុញ្ញាត (ទាំងការរំសាយ និងបដិសេធ) ផងដែរ។
វត្តមានរបស់ AMA មកកាន់ប្រទេសកម្ពុជា គឺជារឿងមួយដែលផ្តល់នូវអត្ថប្រយោជន៍ជាច្រើនសម្រាប់សេវាកម្មរត់ការវីសា នៅក្នុងប្រទេសកម្ពុជា ដែលអស់រយៈពេលជាយូរមកហើយតែងតែមានជនខិលខូចបោកប្រាស់អ្នកដែលដាក់ពាក្យសុំវីសា ដោយគេបានតម្រូវឲ្យមានដើមទុនតម្កល់ដោយគ្មានការធានាណាមួយថា នឹងទទួលបានវីសាដោយជោគជ័យនោះទេ។ នេះបើតាមលោក Robert Chelliah អគ្គនាយកក្រុមហ៊ុន AMA។
លោក Robert Chelliah បាននិយាយថា ៖ «ជាដំបូង ខ្ញុំផ្តល់ព័ត៌មានចាំបាច់ដល់អតិថិជនរបស់ខ្ញុំដើម្បីទាក់ទងទៅផ្នែក Migration Agents Registration Agency (MARA) និងនាយកដ្ឋានអន្តោប្រវេសន៍ និងកិច្ចការពារព្រំដែន។ បន្ទាប់មកខ្ញុំពន្យល់ប្រាប់ពួកគាត់អំពីការរាយការណ៍ក្នុងករណីដែលភ្នាក់ងារណាមួយប្រព្រឹត្តល្មើសនឹងច្បាប់»។
លោកបានបន្តថា ៖ «ពុំមានភ្នាក់ងារណាផ្សេងនៅកម្ពុជា ដែលធ្វើបែបនេះទេ ដោយសារតែភ្នាក់ងារផ្សេងទៀតមិនបានចុះបញ្ជីជាមួយ MARA»។
សេវាកម្មទាំងអស់ដែលផ្តល់ដោយ AMA គឺមានភាពស្របច្បាប់ពេញលេញតាមច្បាប់របស់ប្រទេសអូស្ត្រាលីលើការការពារអតិថិជន និងភាពឯកជនរបស់ពួកគាត់ ក៏ដូចជាច្បាប់ប្រឆាំងឧក្រិដ្ឋកម្ម និងច្បាប់ពន្ធដារទាំងក្នុងប្រទេសកម្ពុជា និងអូស្ត្រាលី។
លោក Robert បានបន្តថា ៖ «ខ្ញុំជ្រើសរើសការធានាសម្រាប់អតិថិជនរបស់ខ្ញុំថា ពួកគាត់អាចទទួលបានសិទ្ធិរស់នៅអចិន្រៃ្តយ៍ដោយពុំមានហានិភ័យណាមួយនោះទេ»។ ចំពោះតម្លៃសេវាកម្មរបស់ AMA វិញគឺខុសៗគ្នាអាស្រ័យតាមប្រភេទវីសា និងភាពស្មុគស្មាញនៃឯកសារនីមួយៗ ដោយមានតម្លៃចាប់ពី ៨០០ ដុល្លារឡើងទៅ។
លោក Robert ថ្លែងថា ភាគច្រើនលោកផ្តល់យោបល់ឲ្យអតិថិជនរបស់លោកធ្វើដំណើរទៅកាន់ប្រទេស អូស្ត្រាលី តាមរយៈវីសាអាជីវកម្ម Business Visa Subclass 188-Investor ដែលជាការវិនិយោគទឹកប្រាក់ចំនួន ១,១ លានដុល្លារអូស្ត្រាលី គឺជាការតម្កល់ប្រាក់ទំនុកចិត្តក្នុងប្រទេសអូស្ត្រាលី ហើយនឹងទទួលបានការផ្តល់វីសា ដែលមានសុពលភាពរយៈពេល ៤ ឆ្នាំ ដើម្បីរស់នៅប្រទេសអូស្ត្រាលី។
ប្រាក់តម្កល់ចំនួន ១,១ លានដុល្លារអូស្រា្តលី ក្នុងគណនីធនាគារនៅប្រទេសអូស្ត្រាលី ពួកគេនឹងទទួលបានសិទ្ធិក្នុងការទទួលបានអត្ថប្រយោជន៍ភ្លាមៗ ក្នុងប្រទេសអូស្ត្រាលី។ នៅពេលសុពលភាពនោះចប់ ពួកគេនឹងអាចបើកយកទឹកប្រាក់វិនិយោគ ហើយបង្វែរវីសារបស់ខ្លួនទៅជាវីសាស្នាក់នៅជាអចិន្រៃ្តយ៍។
លោកបញ្ជាក់ថា ៖ «ប្រជាជនខ្មែរជាច្រើនមិនដឹងថា ខ្លួនមានទ្រព្យដែលអាចជួយដល់ការទទួលបានសុពលភាពនៃការស្នាក់នៅនេះទេ ប៉ុន្តែឥឡូវ AMA មកដល់ហើយ គឺដើម្បីជួយពួកគេក្នុងការទទួលបានវីសាវិនិយោគបែបនេះ»។
លោក Van Ra Taing ដែលជាអតិថិជនខ្មែរដំបូងរបស់ក្រុមហ៊ុន AMA បានលើកឡើងថា លោកគ្រោងនឹងទៅរស់នៅប្រទេសអូស្ត្រាលីមួយរយៈ ដោយលោកចង់ឲ្យកូនៗរបស់គាត់ទទួលបានការអប់រំដែលមានគុណភាពខ្ពស់ និងការរស់នៅកាន់តែងាយស្រួល ប៉ុន្តែកន្លងមកមិនអាចស្វែងរកភ្នាក់ងារដែលអាចទុកចិត្តបានជាមួយការរត់ការឯកសារយកវីសានេះទេ។
លោកបាននិយាយថា ៖ «មានភ្នាក់ងារដែលមិនគួរឲ្យទុកចិត្តជាច្រើននៅកម្ពុជា»។
លោកបន្តទៀតថា លោកបានចំណាយពេលជាង ១ ខែស្រាវជ្រាវអំពីភ្នាក់ងារ AMA មុនពេលដែលលោកជឿជាក់ថា វាជាក្រុមហ៊ុនតែមួយគត់ដែលផ្តល់សេវាបែបនេះនៅកម្ពុជា។
លោកបន្តទៀតថា ការផ្តល់ការណែនាំដោយផ្ទាល់ពីលោក Robert និងបុគ្គលិករបស់លោកបានធ្វើឲ្យគាត់យល់អំពីដំណើរការរត់ការយកវីសានេះដោយមិនអាចកាត់ថ្លៃបាន។
លោក Van Ra ប្រាប់ថា ៖ «សេវាកម្មរបស់លោក Robert ធ្វើឲ្យខ្ញុំមានទំនុកចិត្តយ៉ាងខ្លាំង។ ខ្ញុំមានអារម្មណ៍ថា ដំណើរការនេះស្មុគស្មាញមែនពិត ប៉ុន្តែការប្រើសេវាកម្មរបស់ AMA បានធ្វើឲ្យខ្ញុំស្រណុកចិត្ត និងត្រៀមរួចរាល់ជានិច្ច»។
លោក Robert បានថ្លែងថា ការយកអតិថិជនជាអាទិភាព គឺជាចំណុចដ៏សំខាន់ដែលតម្រូវឲ្យលោកយល់អំពីវប្បធម៌ និងផ្នែកសេដ្ឋកិច្ចរបស់អ្នកដាក់ពាក្យមកកាន់ក្រុមហ៊ុន ដើម្បីជួយពួកគេឲ្យបានកាន់តែច្រើន។
លោកអះអាងថា ៖ «យើងទទួលបាននូវអត្រាជោគជ័យដ៏ខ្ពស់តាមរយៈការត្រួតពិនិត្យឯកសារ និងឱកាសនៃភាពជោគជ័យរបស់អតិថិជន។ យើងជួយដល់អតិថិជនយើងដោយផ្ទាល់គឺទល់នឹងមុខតែម្តង ហើយផ្តល់ការធានាដល់ពួកគេថា រាល់ព័ត៌មានទាំងអស់ត្រូវបានរក្សាការសម្ងាត់ជានិច្ច»។
AMA នឹងមិនផ្តល់សេវាកម្មដល់អតិថិជនណាដែលចង់ប្រើលុយតាមវិធីដែលល្មើសច្បាប់នោះឡើយ ដូច្នេះគ្រប់អតិថិជនដែលភ្នាក់ងារជ្រើសរើសនឹងទទួលបានសេវាកម្មប្រកបដោយទំនុកចិត្ត និងការយកចិត្តទុកដាក់ខ្ពស់។
អគ្គនាយកក្រុមហ៊ុន AMA រូបនេះបញ្ជាក់ថា ៖ «ខ្ញុំគ្មានអ្វីដែលត្រូវលាក់បាំងនោះទេ។ ខ្ញុំចង់បានភាពជោគជ័យសម្រាប់អតិថិជនរបស់ខ្ញុំ»៕