The Phnom Penh Post Search

Search form




Logo of Phnom Penh Post newspaper Phnom Penh Post - PlasGate ដើរតួ​យ៉ាង​សំខាន់​ក្នុង​ការ​ផ្តល់​សេវា​ទំនាក់​ទំនង OTP និង A2P ប្រកប​ដោយ​សុវត្ថិភាព

PlasGate ដើរតួ​យ៉ាង​សំខាន់​ក្នុង​ការ​ផ្តល់​សេវា​ទំនាក់​ទំនង OTP និង A2P ប្រកប​ដោយ​សុវត្ថិភាព

Content image - Phnom Penh Post

PlasGate ដើរតួ​យ៉ាង​សំខាន់​ក្នុង​ការ​ផ្តល់​សេវា​ទំនាក់​ទំនង OTP និង A2P ប្រកប​ដោយ​សុវត្ថិភាព

អស់​រយៈពេល​១០​ឆ្នាំ​ចុង​ក្រោយ​នេះ​សេវា​ផ្ញើ​សារ SMS ដែល​ត្រូវ​បាន​គេ​ស្គាល់​ថា ជា​សេវា​ទំនាក់​ទំនង​មាន​សុវត្ថិភាព​ប្រភេទ A2P និង​ជា​យុទ្ធសាស្ត្រ​ទីផ្សារ ដែល​ត្រូវ​បាន​ប្រើ​ប្រាស់​ដោយ​ធនាគារ ស្ថាប័ន​ហិរញ្ញវត្ថុ និង​គេហទំព័រ​ពាណិជ្ជកម្ម​អនឡាញ​បាន​រីក​លូត​លាស់​យ៉ាង​ច្រើន​កុះករ​។

លោក Veng Sotha អគ្គនាយក​របស់ PlasGate បាន​ថ្លែង​ថា​ ៖ «​ថ្វី​បើ​មាន​ ​ការ​លូតលាស់​យ៉ាង​នេះ​ក្តី​វិស័យ​នេះ​ហាក់បី​ដូចជា​ត្រូវ​បាន​គេ​មើល​រំលង​ដោយ​សារ​ក្រុមហ៊ុន​អន្តរជាតិ​ធំៗ​ដែល​ជា​បញ្ហា​ដ៏​ធំ​សម្រាប់​ស្ថាប័ន​ហិរញ្ញវត្ថុ និង​សហគ្រាស​ក្នុង​ស្រុក​ដោយ​សារ​តែ​កង្វះ​ការ​ជឿ​ទុក​ចិត្ត និង​ភាព​ស្រប​ច្បាប់​»​។

«បើ​ទោះ​បីជា​យ៉ាង​នេះ​ក្តី ទស្សន​វិស័យ​របស់​យើង គឺ​មិន​ត្រឹម​តែ​ស្វែង​រក​ទំនុក​ចិត្ត និង​ភាព​ស្រប​ច្បាប់​ប៉ុណ្ណោះ​ទេ ប៉ុន្តែ​យើង​ផ្តល់​នូវ​សេវា​សម្បូរ​បែប​សម្រាប់​សហ​គ្រាស​ក្នុង​តំបន់ និង​សហគាស​ខ្នាត​តូច និង​កណ្តាល​ដោយ​ផ្តោត​លើ​គុណភាព​ការ​ផ្តល់​ការ​យក​ចិត្ត​ទុក​ដាក់​ក្នុង​តំបន់ និង​ចំណុច​ត​ភ្ជាប់​តែមួយ​ទៅ​គ្រប់​បណ្តាញទូរស័ព្ទ​ចល័ត​ទាំងអស់​នៅ​កម្ពុជា ដើម្បី​បើក​ជា​ច្រក​មួយ​អនុ-ញ្ញាត​ឲ្យ​ពួកគេ​អាច​ទទួល​បាន​នូវ​សេវា​ទំនាក់ទំនង​ដែលមាន​សុវត្ថិភាព​ខ្ពស់​ដាច់​គេ​ប្រកប​ដោយ​ទំនុកចិត្ត និង​ល្បឿន​លឿន​ជាងគេ​ផងដែរ ប៉ុន្តែ​មាននូវ​តម្លៃ​សមរម្យ និង​មាន​ភាព​ងាយ​ស្រួល​»​។

PlasGate ត្រូវ​បាន​បង្កើត​ឡើង​ក្នុង​ឆ្នាំ​២០១៤ ហើយ​បច្ចុប្បន្ន​នេះ​គឺជា​ច្រក SMS ក្នុង​ស្រុក​ដ៏​ធំ​មួយ​នៅ​កម្ពុជា​។ PlasGate បានទទួល​សិទ្ធិ​អនុញ្ញាត​តាម​ផ្លូវ​ច្បាប់​ត្រឹមត្រូវ​ដោយ​ក្រុមហ៊ុន​បណ្តាញ​ទូរស័ព្ទ​ចល័ត ដូច​ជា​ស្មាត សែល​កាត Metfone, qb និង​Cootel សម្រាប់​ការ​ដំណើរការ​កម្មវិធី​នេះ​។ បច្ចុប្បន្ន​វា​កំពុង​ផ្តល់​សេវា​ដល់​ស្ថាប័ន​ហិរញ្ញវត្ថុ និង​សហគ្រាស​ជា​ច្រើន​។

លោក Stjepan Udovicic មន្ត្រី​ផ្នែក​ទីផ្សារ​របស់​ក្រុមហ៊ុន Smart Axiata Co., Ltd. បាន​ថ្លែងថា​ ៖ «យើង​មាន​ភាព​រីករាយ​សម្រាប់​វត្តមាន​របស់ PlasGate Co., Ltd. ដែល​ជា​ច្រក (gateway) និង​អ្នក​ផ្គត់ផ្គង់​សេវា​ក្នុង​ស្រុក​​មួយ ដែល​ផ្តល់នូវ​សេវា​បណ្តាញ​ទូរស័ព្ទ Smart សម្រាប់​ទាំង​សហគ្រាស​ទាំង​ខ្នាត​តូច និង​កណ្តាល​នៅ​កម្ពុជា​»។

Content image - Phnom Penh Post

ក្រុមហ៊ុន​វេរ​លុយ True Money បាន​​ថ្លែងថា ក្រុមហ៊ុន​បាន​បញ្ចេញ​នូវ​សេវា SMS របស់​ខ្លួន​សម្រាប់​សេវា​ផ្ទេរ​ប្រាក់​លើ​ទូរស័ព្ទ​ដៃ ដើម្បី​អនុញ្ញាត​ឲ្យ​អតិថិ​ជន​អាច​ទទួល​បាន​ប្រាក់ ដែល​វេរ​បាន​ភ្លាមៗ និង​ផ្តល់​លេខ​កូដ​តែម្តង​ប៉ុណ្ណោះ និង​ការ​ផ្តល់​សារ​រំឮក​ពី​ចំនួន​ទឹក​ប្រាក់​ដែល​មាន​ក្នុង​គណនី​របស់​អតិថិជន​ផង​ដែរ​។

​ក្រុមហ៊ុន​បន្ថែម​ថា​ ៖ «​អតិថិជន​របស់ យើង​មាន​ភាព​រីករាយ​ជាមួយ​នឹង​សេវា​ឈានមុខ​គេ និង​បច្ចេកវិទ្យា​ដែល​យើង​ផ្តល់​ទៅកាន់​ទីផ្សារ​វេរ​ប្រាក់​តាម​ទូរស័ព្ទ​ដៃ​នៅ​កម្ពុជា ដែលជា​ចំណុច​ដ៏​ជោគ​ជ័យ​មួយ​ក្នុង​ក្រុមហ៊ុន​របស់​យើង»។

លោក Sotha មកពី​ខាង PlasGate មាន​សុទិដ្ឋិ​និយម​ចំពោះ​អនាគត​ហើយ​ជឿជាក់​ថា សេវា SMS សម្រាប់ OTP និង​A2P នេះ គឺជា​មធ្យោបាយ​ដ៏​ពិសេស​ដាច់​គេ​មួយ​សម្រាប់​ការ​ប្រាស្រ័យ​ទាក់ទង​ទាំង​ពេល​បច្ចុប្បន្ន និង​អនាគត​។

លោក Sotha បន្ថែម​ថា​ ៖ «​វា​ផ្តល់​នូវ​ភាព​ងាយស្រួល​ជាង​មុន​ក្នុង​ការ​ផ្សារ​ភ្ជាប់​រវាង​អាជីវកម្ម និង​អតិថិជន​យ៉ាង​ល្អ​ប្រសើរ​សម្រាប់​អ្នក​ដែល​ចង់​ប្រឡូក​ចូលក្នុង​ពិភព​ឌីជីថល និង loTs ពីព្រោះ​អតិថិជន​ទាំងអស់​តែង​តែ​ត្រូវ​ការ​ទំនាក់ទំនង​តាម​ទូរស័ព្ទដៃ​ដែលជា​ឧបករណ៍​សម្គាល់​យ៉ាង​ពិសេស​មួយ​សម្រាប់​គ្រប់ បណ្តុំ​ព័ត៌មាន​រវាង​អតិថិជន និង​កម្មវិធី​ផ្សេងៗ​។ ដូច្នេះហើយ​យើង​នឹង​ធានាថា ក្រុមហ៊ុន​របស់​យើង​នឹង​​នៅ​តែ​បន្ត​ផ្តល់នូវ​សេវា និង​ការ​ជឿ​ទុកចិត្ត​រយៈពេល​វែង ដើម្បី​ឆ្លើយ​តប​ទៅ​នឹង​អ្នក​ដែលមាន​តម្រូវការ​សេវា​នេះ​ខណៈ​ដែល​យើង​កំពុង​ផ្តល់​នូវ​សេវា និង​ផលិតផល​ជាច្រើន​ទៀត​»៕

អត្ថបទគួរចាប់អារម្មណ៍