នៅ​ស្រុក​ខ្មែរ​សឹងតែ​​ជាទូទៅ​ហើយ​​ឲ្យ​តែ​វិញ្ញាសា​កីឡា​ទៅ​លេង​ជា​លក្ខណៈ​អន្តរជាតិ​ក្តី ឬ​ក៏​លក្ខណៈ​​តំបន់​ក្តី​ជា​ផ្លូវការ​​គឺ​វិញ្ញាសា​ណា​ដែល​​មិន​ពាក់ព័ន្ធ​ទៅ​នឹង​​ការលេង​ល្បែង​ស៊ីសង​នៅ​ខាង​ក្រៅ​ទេ​គឺ​ច្រើន​តែ​នាំ​ជ័យលាភី និង​កិត្តិយស​ជូន​ប្រទេស​ជាតិ ​ដែល​មាន​តាំងពី​ពាន​រង្វាន់​ និង​មេដាយ​មាស​​​ជាដើម ដែល​ធ្វើឲ្យ​គេ​ក្រោក​​​ឈរ​គោរព​ទង់ជាតិ​ខ្មែរ​គ្រប់ៗ​​គ្នា។ នេះ​​គឺជា​​មោទនភាព​ជាតិ​ខ្មែរ​​ពិតប្រាកដ​។