បន្ទាប់​ពី​បញ្ជូន​ពលករ​ខ្មែរ​មក​ពី ប្រទេស​ថៃ ដ៏​ច្រើន​សន្ធឹក​សន្ធាប់​កាល​ពី​សប្តាហ៍​កន្លង​នេះ ចំនួន​អ្នក​រស់​នៅ​តាម​ចិញ្ចឹម​ថ្នល់​នៅ​ទី​រាជធានី​អាច​កើន​ឡើង នៅ​ពេល​ដែល​ពួក​គេ​ត្រឡប់​មក​វិញ​ហើយ​រក​ការងារ​មិន​បាន​ធ្វើ ជា​ពិសេស​ក្រុម​ក្មេង​ដែល​ធ្លាប់​ប្រើ​ប្រាស់​គ្រឿង​ញៀន​ពី ប្រទេស​ថៃ មក​នោះ គឺ​ងាយ​នឹង​ធ្លាក់​ទៅ​រស់​នៅ​តាម​ថ្នល់។ គាប់​ចួន កាល​ពី​ថ្មីៗ​នេះ សាលា​រាជធានី​ភ្នំពេញ​កំពុង​តែ​ប្រមួល​ចាប់​ឃុំ​ខ្លួន​អ្នក​រស់​នៅ​តាម​ចិញ្ចើម​ថ្នល់​ដែល​ភាគ​ច្រើន​ជា​ក្មេង​អនាថា​នោះ​យក​ទៅ​ដាក់​នៅ​មណ្ឌល ព្រៃ​ស្ពឺ ហើយ​សាលា​រាជធានី​ក៏​កំពុង​ដំណើរការ​ស្វះ​ស្វែង​រក​អង្គការ​ដៃគូ​ដើម្បី​រក​ដំណោះស្រាយ តែ​ការ​ឃុំ​ខ្លួន​ពួកគេ​មិន​មែន​ជា​ដំណោះស្រាយ​យូរ​អង្វែង​នោះ​ទេ គឺ​ដូច​ទាញ​កៅស៊ូ​កង​អ៊ីចឹង​គឺថា ទាញ​ហើយ​លែង​មក​វិញ​នៅ​ដដែល។