ភ្នំពេញ : សព្វ​ថ្ងៃ​នេះ​ យើង​ឃើញ​ថា​ សេរី​ភាព​ក្នុង​ការ​ទទួល​បានព័ត៌​មាន​កាន់​តែ​ប្រសើរ​ឡើង​បន្តិច​ម្តង​ៗ​​ ទោះ​បី​ជា​មាន​ករណី​ខ្លះ​​នៅ​មាន​កម្រិត​ក៏​ដោយ។​ ជា​មួយ​គ្នា​នេះ​យើង​មាន​ជម្រើស​ជា​ច្រើន​ក្នុង​ការ​អាន​​​ដូច​ជា​ កាសែត​ គាំទ្រ​​រដ្ឋា​​ភិបាល​ កាសែត​ប្រឆាំង​​ និង​កាសែត​ស្តង់ដារ​អន្តរ​ជាតិ​ជា​ដើម​។​ បើ​និយាយ​ពី​តម្លៃ​កាសែត​ក្នុង​ស្រុក​វិញ​ គឺ​មាន​តម្លៃ​តែ ​​១០០០​ រៀល​ គិត​ជា​ដុល្លារ​តែ​ ​២៥​សេន​ទេ​ ហើយ​មាន​ទាំង​ព័ត៌​មាន​ថ្មី​ៗ ​ជាតិ​ អន្តរ​ជាតិ​ សង្គម​ សិទ្ធិ​មនុស្ស​ អប់រំ​ សេដ្ឋ​កិច្ច​ ជីវិត​កម្សាន្ត​ ទស្សន​វិភាគ​ លិខិត​មិត្ត​អ្នក​អាន​​ កីឡា ​ព័ត៌​មាន​ពាណិជ្ជ​កម្ម​ផ្សេង​ៗ​។