បើ​ទោះ​ជា​ដឹង​ថា​បាត់​សន្លឹក​ឆ្នោត​អស់ ២២ កៅអី​នៅ​សភា​ជាតិ​អាណត្តិ ទី៥ នេះ ដោយ​សារ​ផល​ប៉ះពាល់​ការ​បំផ្លាញ​រ៉ែ ព្រៃព្រឹក្សា​ធម្មជាតិ​ក៏ដោយ ក៏​បក្ស​កាន់​អំណាច​នៅ​តែ​អនុញ្ញាត​និង​ធ្វើ​មិន​ដឹង​មិន​ឮ ចំពោះ​ការ​បំផ្លាញ​ធម្មជាតិ​ទាំង​នោះ​ដែរ។ នេះ​ដោយ​សារ​តែ​ការ​ខ្វះ​ថវិកា​ជាតិ​សម្រាប់​ប្រាក់​ខែ​កង​កម្លាំង​ប្រដាប់​អាវុធ និង​អង្គរក្ស​ផ្ទាល់​ខ្លួន​ដ៏​ច្រើន​សន្ធឹក​សន្ធាប់​របស់​ថ្នាក់​ដឹក​នាំ និង​ការ​ធ្វើ​យ៉ាង​ណា​ដើម្បី​រក្សា​អំណាច​ឲ្យ​គង់វង្ស​បាន​យូរ អ៊ីចឹង​អ្នក​ធ្វើ​អ្វី​បាន ធ្វើ​ទៅ​ដើម្បី​ឲ្យ​កង​កម្លាំង​ទាំង​នោះ​សប្បាយ​ចិត្ត។