ឥរិយាបថ​នៃ​អ្នក​ប្រកប​អាជីវកម្ម​នៅ​ស្រុក​ខ្មែរ​គឺ​ដូចជា​និយម​ធ្វើ​តាម​គ្នា​ ឬ​លួច​ចម្លេង​ឲ្យ​ដូចៗ​គ្នា​ហើយ​កន្លែង​ខ្លះ​នៅ​ក្បែរ​គ្នា​ដើម្បី​ទាញ​ម៉ូយ​ពី​គេ ឬ​ក៏​ដំបូង​ឡើយ​ជួល​ផ្ទះ​ឲ្យ​គេ​រកស៊ី​ទេ​តែ​ខ្លះ​មិន​ទាន់​ចប់​កុងត្រា​ផង​ក៏​ដេញ​គេ​ចេញ​យក​ផ្ទះ​បើក​រកស៊ី​ខ្លួនឯង ហើយ​បើ​មាន​ការ​អី​គឺ​អាង​ខ្នង​អ្នក​ធំ​ ឬ​ក៏​មន្ត្រី​ប្រដាប់​អាវុធ​មក​សម្លុត​អ្នក​ប្តឹងប្ដល់​គ្នា​ក៏​មាន ពិសេស​គឺ​ការ​រកស៊ី​ជា​លក្ខណៈ​គ្រួសារ​ដូចជា​បើ​គេ​លក់​គ្រឿង​សំណង់ ឯង​មក​លក់​ដែរ បើ​គេ​បើក​ហាង​លក់​ឡាន ឯង​មក​បើក​លក់​ជាប់​គេ​ដែរ។