ដើម្បី​ចូល​រួម​អបអរ​សាទរ ទិវា​សិទ្ធិ​នារី​អន្តរជាតិ​ថ្ងៃ ៨ មីនា ខាង​មុខ​នេះ រាជ​រដ្ឋាភិបាល នឹង​បង្ហាញ​តួលេខ​ក៏​ដូច​ជា​សមិទ្ធផល​ចម្បងៗ​ដែល​បាន​អនុវត្ត​កន្លង​ទៅ​ថា តើ​បាន​ជោគជ័យ​អ្វីខ្លះ? ហើយ​អ្វីខ្លះ​ដែល​មិន​ទាន់​បាន​ដោះស្រាយ​ដោយ​ជោគជ័យ? ដើម្បី​ធ្វើការ​ប្រឹង​ប្រែង​ទៅ​មុខ​ទៀត​ដូចជា ការ​ផ្តល់​ភាព​អង់អាច​ដល់​ស្ត្រី​ទាំង​នៅ​ថ្នាក់​ជាតិ និង​នៅ​ថ្នាក់​ក្រោម​ជាតិ តួនាទី​ស្ត្រី​នៅ​ក្នុង​សហគ្រាស ការ​អប់រំ​ស្ត្រី សុខភាព​មាតា និង​ការ​រំលោភ​បំពាន​ប្រឆាំង​នឹង​ស្ត្រី​រួម​មាន​ដូចជា​អំពើ​ហិង្សា​ក្នុង​គ្រួសារ រំលោភ​សេព​សន្ថវៈ បៀត​បៀន​កេរ្តិ៍​ខ្មាស ប្រទូស្ត​កេរ្តិ៍​ខ្មាស ជាដើម។