The Phnom Penh Post Search

Search form

Logo of Phnom Penh Post newspaper Phnom Penh Post - រថយន្ត​ធុន​ធ្ងន់​ៗ​គួរ​បើក​ក្នុង​ល្បឿន​យឺត និង​វេច​ខ្ចប់​ទំនិញ​ឲ្យ​ត្រឹម​ត្រូវ

រថយន្ត​ធុន​ធ្ងន់​ៗ​គួរ​បើក​ក្នុង​ល្បឿន​យឺត និង​វេច​ខ្ចប់​ទំនិញ​ឲ្យ​ត្រឹម​ត្រូវ

រថយន្ត​ធុន​ធ្ងន់​ៗ​គួរ​បើក​ក្នុង​ល្បឿន​យឺត និង​វេច​ខ្ចប់​ទំនិញ​ឲ្យ​ត្រឹម​ត្រូវ

ភ្នំ​​ពេញ:នៅ​កន្លែង​សាធារណៈ​ម្តង​ម្កាល​មាន​ឮ​ពី​ការ​អួត​ដាក់​គ្នា​ ​របស់​អ្នក​មាន​បទ​ពិសោធ​ក្នុង​ការ​បើក​បរ​ល្បឿន​លឿន​ពេល​ផ្លូវ​ស្ងាត់​ ឬ​ក៏​ផ្លូវ​​ចង្អៀត​ហើយ​​ប្រើ​រយៈ​ពេល​ការ​បើក​បរ​តិច​។​ ពេល​ខ្លះ​ក៏​មាន​លេច​ចេញ​ពី​ការ​គ្រោះ​ថ្នាក់​ចរាចរណ៍​ដោយ​សារ​ការ​បើក​បរ​ ដែរ​ ហើយ​គេ​ប្រាប់​គ្នា​គេ​ថា ​ឲ្យ​​តែ​ប៉ះ​គ្នា​ភ្លាម​គឺ​​ដាក់​មេ​ប្រូច​ឲ្យ​លឿន​ផង​ដែរ​។

សព្វ​ថ្ងៃ​នេះ​ នៅ​ពេល​កំពុង​ចរាចរណ៍​តាម​ដង​វិថី​ និង​តាម​ផ្លូវ​ជាតិ​ក្តី​ អ្នក​បើក​ម៉ូតូ​​ រ៉ឺម៉ក​កង់​បី​​ ឬ​ក៏​រថ​យន្ត​តូច​ៗ​ មាន​ការ​ភ័យ​​ខ្លាច​​ញ័រ​​នៅ​ពេល​ដែល​ឮ​សំឡេង​​ និង​ល្បឿន​រថ​យន្ត​ធុន​ធ្ងន់​ធំ​ៗ​ (​ដូច​ជា​រថយន្ត​ដឹក​ទំ​និញ​កុង​តឺន័រ​ ដឹក​ខ្សាច់​ ដឹក​ដី ​ដឹក​ស៊ី​ម៉ងត៍​ រថយន្ត​លាយ​ស៊ី​ម៉ងត៍ ​ដឹក​ស៊ី​ទែន​សាំង​ និង​រថ​យន្ត​ក្រុង​​។​ល។​) បើក​ក្បែរ​ខ្លួន​។

កន្លង​មក​​ធ្លាប់​មាន​គ្រោះ​ថ្នាក់​ជា​ច្រើន​ករណី​ហើយ ​ដែល​អ្នក​បើក​​ម៉ូតូ​ត្រូវ​បាន​​រថយន្ត​ធុន​ធ្ងន់​ទាំង​នេះ​កួច​​បញ្ចូល​ទៅ ​​ផ្នែក​ក្រោម​​​រថ​យន្ត​តែ​ម្តង​ ចំ​ណែក​ឯ​អ្នក​បើក​វិញ​គឺ​ភាគ​ច្រើន​សុទ្ធ​តែ​អ្នក​មាន​អាយុ​ក្មេង​ដែល​លឿ​ន​​​ណាស់​​ខាង​បើក​ទ្វារ​រត់​យក​រួច​ខ្លួន​បាត់ ​ ទុក​ឲ្យ​ម្ចាស់​​ក្រុម​ហ៊ុន​មក​​ដោះ​ស្រាយ​​ពេល​ក្រោយ​។ ​មិន​ដឹង​ថា​ តើ​គ្រប់​ក្រុម​ហ៊ុន​ដែល​មាន​រថ​យន្ត​ធំ​ៗ​​ទាំង​នោះ​មាន​ធានា​​រ៉ាប់​រង​ដែ ​រ​ឬ​ទេ​ ? បើ​ទោះ​បី​ជា​មាន​ធា​នា​រ៉ាប់​រង​ក៏​ដោយ​ ក៏​ករ​ណី​នេះ​វា​ជា​សោក​នា​ដ​កម្ម​មួយ​ដែរ​ ដោយ​សារ​បើក​ល្បឿន​​ហួស​កំ​ណត់​និង​មិន​មាន​ក្រម​សីល​ធម៌​វិជ្ជា​ជីវៈ​នេះ​ ។

បើ​យើង​ធ្វើ​ដំ​ណើរ​ពី​ក្រោយ​រថយន្ត​ដឹក​ខ្សាច់​ ដឹក​ដី​ ដឹក​ស៊ី​ម៉ងត៍​​ និង​កិន​ស៊ី​ម៉ងត៍​​វិញ ​គឺ​នៅ​តែ​ហុយ​ទ្រ​លោម​​ ដោយ​សារ​ខ្សាច់​ និង​​ដី​ធ្លាក់​​មក​លើ​ផ្លូវ​​ ​ពេល​កំពុង​បើក​បរ​។ ​គ្រាប់​ខ្សាច់​ទាំង​នោះ​ធ្វើ​ឲ្យ​ចូល​ភ្នែក​ឬ​ឆ្កូត​កញ្ចក់​វ៉ែន​តា ​និង​របាំង​មួក​សុវត្ថិ​ភាព​ទៀត​ផង​​ ជាង​នេះ​ទៅ​ទៀត​ធ្វើ​ឲ្យ​មាន​ការ​លំបាក​ដក​ដង្ហើម​ទៀត​ បើ​ទោះ​បី​ជា​​មាន​ម៉ាស់​ពាក់​ហើយ​ក៏​ដោយ​​។​​ ពេល​ខ្លះ​ទៀត​ពេល​​ដែល​ចាក់​ខ្សាច់​ ឬ​ដី​ចេញ​ពី​ឡាន​មិន​បាន​​សម្រួល​ផ្នែក​ចរាចរណ៍ ​និង​សុវ​ត្ថិ​ភាព​ជា​ចម្បង​​ទេ​។ ​កន្លង​មក​សាលា​រាជ​ធានី​​ធ្លាប់​ហាម​ប្រាម​​រថ​យន្ត​ទាំង​នេះ​​កុំ​បើក​ចូល ​ទី​ក្រុង​ធ្វើ​ឲ្យ​ស្ទះ​ចរា​ចណ៍​​និង​ប៉ះ-​ពាល់​​បរិស្ថាន​ផង​​តែ​រថ​យន្ត ​ទាំង​នោះ​នៅ​តែ​លួច​​ចូល​ក្រុង​បាន​ មិន​ដឹង​ជា​មូល​ហេតុ​អ្វី​បាន​ជា​ចូល​ស្រួល​ៗ​ម្ល៉េះ ? ​ឯ​រថ​យន្ត​សំរាម​វិញ​​ពេល​ខ្លះ​ធ្លាក់​សំរាម​និង​ហៀរ​ទឹក​កក្លាក់​តាម​ ផ្លូវ​ជះក្លិន​ស្អុយ​ជាប់​នឹង​ផ្លូវ​ទៀត​​ផង​។

តាម​រយៈ​បទ​ពិសោធ​ដែល​ខ្ញុំ​ធ្លាប់​ជួប​ប្រ​ទេះ​នៅ​ប្រទេស​រីក​ចម្រើន​​ មួយ​ចំនួន​ ទី​ក្រុង​របស់​គេ​ស្អាត​គ្មាន​ដី​ហ៊ុយ​ដោយ​សារ​រថយន្ត​ទាំង​នេះ​ធ្វើ​ការ​ បើក​បរ​តែ​ពេល​យប់​ទេ​​ ហើយ​មាន​ផ្លូវ​កំណត់​ទៀត​ និង​មាន​ការ​វេច​ខ្ចប់​បិទ​បាំង​យ៉ាង​ស្អាត​បាត​។​ តើ​ពេល​ណា​ទើប​យើង​ធ្វើ​បាន​ដូច​គេ​ ?

ថ្មី​ៗ​នេះ​ សា​លា​រាជ​ធានី​បាន​កែ​ប្រែ​សេច​ក្តី​ជូន​ដំ​ណឹង​កាល​ពី​ថ្ងៃ​ទី​៣​​ ខែ​មិថុ​នា​​ស្តី​ពី​ការ​ធ្វើ​​ចរាចរណ៍​យាន​យន្ត​​ដឹក​ប្រេង​​ឥន្ធនៈ ​និង​​ឧស្ម័ន​ចំ​ហេះ​គ្រប់​ប្រ​ភេទ​ក្នុង​រាជ​ធានី​ភ្នំ​ពេញ ​បាន​​អនុញាត​ឲ្យ​ប្រើ​សម្រាប់​ថ្ងៃ​ចន្ទ​ ដល់​ថ្ងៃ​សៅរ៍​ លើក​លែង​ចន្លោះ​ម៉ោង​៦​​ ទៅ​៨:៣០​នាទី​ ម៉ោង​១១​:​០០​​ដល់​ម៉ោង​១២​:៣០​នាទី​ និង​ម៉ោង​១៦​:០០​ដល់​១៩​:០០​។​​​ លិខិត​ស.ជ.ណ ​នេះ​បាន​​កែ​ប្រែ​ពី​ស.ជ.ណ​ ចេញ​កាល​ពី​ខែ​មករា​​ដែល​ម៉ោង​ឲ្យ​ធ្វើ​ចរា​ចរណ៍​ពី​ម៉ោង​២២​:០០​​យប់​ ដល់​ម៉ោង​៥:​០០​​ព្រឹក​។ ​តើ​មាន​អ្វី​នៅ​ពី​ក្រោយ​ការ​សម្រេច​ការ​ផ្លាស់​ប្តូរ​នេះ​ ? ​​កន្លង​មក​សាលា​រាជ​ធានី​ធ្លាប់​ទទួល​ស្គាល់​ថា​មា​ន​ការ​កើន​​ឡើង​យាន​ យន្ត ​និង​​មាន​គ្រោះ-​ថ្នាក់​អគ្គីភ័យ​ដែល​ប​ង្ក​ឡើង​ដោយ​រថ​យន្ត​ស៊ី​ទែន​សាំង​ ។​​ ឧទា​ហរ​ណ៍​៖ កាល​ពី​ចុង​ឆ្នាំ​ទៅ​​មាន​អគ្គីភ័យ​មួយ​​កើត​ឡើង​ដែល​បង្ក​ដោយ​រថ​យន្ត​ស៊ី ​ទែ​​ន​សាំង​​ ដង​វិថី​លេខ​១៨២​ ស្ថិត​នៅ​ក្នុង​សង្កាត់​វាល​វង់​ ខណ្ឌ​៧​មក​រា​។​ នេះ​ជា​រឿង​ចម្លែក​សម្រាប់​​ស្រុក​យើង​​គឺ​ទាល់​តែ​មាន​ឧប​ទ្ទវ​ហេតុ​កើត​ ឡើង​​បាន​ចាប់​ផ្តើម​​ចេញ​​ច្បាប់​​ មិន​បាន​បង្កើត​ច្បាប់​កើត​​ឡើង​ដើម្បី​​ការពារ​​នូវ​អ្វី​​ដែល​នឹង​អាច​ កើត​មាន​​ឡើង​នោះ​​ទេ​។

ទោះ​យ៉ាង​ណា​ក៏​ដោយ​បច្ចុប្បន្ន​នេះ​ក៏​មាន​ផល​វិជ្ជ​មាន​បណ្តើរ​ៗ​ប​ ន្ទាប់​ពី​មាន​គ្រោះ​ថា្នក់​ដោយ​​សា​រ​រថ​យន្ត​ធំៗដឹក​​អ្នក​ដំ​ណើរ​ ការ​បើក​បរ​ដឹក​អ្នក​ដំ​ណើរ​មួយ​ចំនួន​បាន​ចាប់​ផ្តើម​បើក​បន្ថយ​ល្បឿន​ បន្តិ​ចម្ត​ង​ៗ​​។​ កាល​ពី​​សប្តា​ហ៍​មុន​ ខ្ញុំ​បាន​ធ្វើ​ដំ​ណើរ​ពី​ខេត្ត​សៀម​រាម​ មក​ភ្នំ​ពេញ​ គឺ​ល្បឿន​រថ​យន្ត​នោះ​បើក​ខុស​ពីមុន​ ខ្ញុំ​ក៏​បាន​សាក​​សួរ​អ្នក​បើក​បរ​របស់​ក្រុម​ហ៊ុន​ជី​.អេស.ធី​ (G.S.T. Express Bus)ថា ​ហេតុ​អ្វី​បាន​ជាលោក​បើក​ល្បឿន​យឺត​ជាង​មុន​?​ ​គាត់​​បាន​ប្រាប់​ខ្ញុំ​ថា​ «​ថៅ​កែ​របស់​ខ្ញុំ​ឲ្យ​បើក​បន្ថ​យ​ល្បឿន​ និង​ធ្វើ​ការ​ត្រួត​ពិនិត្យ​កុង​ទ័រ​ល្បឿន​រៀង​រាល់​រថយន្ត​ចូល​​ ស្ថានីយ​ម្តង​ៗ។ ​ជាង​នេះ​ទៅ​ទៀត​គឺ​ការ​កំណត់​​​ម៉ោង​មក​ដល់​​គោ​ល​​ដៅ ​ប្រសិន​បើ​ខ្ញុំ​បើក​មក​ដល់​មុន​ម៉ោង​កំណត់​គាត់​​នឹង​សួរ​ទៀត​»​។

រីឯ​លោក​ ងួន​ ម៉ូលីស​ អ្នក​ចាត់​​ការ​ទូទៅ​របស់​​ក្រុម​ហ៊ុន​នេះ​បាន​មាន​ប្រសា​សន៍​បន្ថែម​ទៀត​ថា ​៖ «​ជាង​នេះ​ទៅ​ទៀត​ចាប់​តាំង​ពី​ឆ្នាំ​២០១០​មក​ ក្រសួង​មហា​ផ្ទៃ​បាន​ដាក់​កាមេរ៉ា​ថត​ល្បឿន​លើស​កំ​ណត់​៨០​គីឡូ​ម៉ែត្រ​ ក្នុង​រយៈ​ពេល​១​ម៉ោង​ និង​ក្រុម​ហ៊ុន​បាន​ទិញ​ធានា​រ៉ាប់​រង​ក៏​កំណត់​តាម​ល្បឿន​នេះ​ដែរ។  កន្លង​មក​ក្រុម​ហ៊ុន​ធ្លាប់​បាន​បណ្តេញ​ចេញ​​នូវ​បុគ្គ​លិក​ដែល​មិន​គោរព​​ នូវ​កិច្ច​សន្យា​ផង​ដែរ​ដោយ​កា​របើក​ល្បឿន​លឿន​លើស​កំណត់​បង្ក​ឲ្យ​មាន​ គ្រោះ​ថ្នាក់​ចរាចរណ៍»។

តាម​លោក ​លាក់ ​វាសនា ជា​អនុ​ប្រធាន​វិទ្យា​ស្ថាន និង​សាលា​រៀន​អន្តរទី្វប អាមេរិក​AIS)​ថា​៖​ «ការ​ដាក់​ស្លាក​សញ្ញា​ជា អក្សរ​នេះ​គឺ​សម្រាប់​តាម​ដាន និង​ត្រួត​ពិនិត្យ​លើ​កា​របើក​បរ​របស់​បុគ្គលិក​គាត់​​ក្នុង​ការ​បំ​​ពេញ​​ការ​​ងារ។​ ខ្ញុំ​​គិត​​ថា​​ កត្តា​ទាំង​ពីរ​នេះ​ខាង​លើ​នេះ ​គឺ​ជាការ​ចូល​រួម​កាត់​បន្ថយ​គ្រោះ​ថ្នាក់​ចរា​ចរ​ណ៍​បាន​មួយ​ចំនួន​ធំ​។ ហើយ​រាជ​រដ្ឋា​ភិ​បាល​ក៏​ដូច​ជា​សាលារា​​ជ​​ធានី​ ខេត្ត ​ក្រុង​ទាំង​អស់​គួរ​តែ​ធ្វើ​ការ​ត្រួត​ពិនិត្យ​យាន​យន្ត​​ដែល​​មិន​​គោរព​តាម​​គោល​ការ​ណែ​​នាំ​​ច្បាប់៕

ផ្តល់​យោបល់: soprach.tong@phnompenhpost.com

អត្ថបទគួរចាប់អារម្មណ៍