នៅ​លើ​លោក​នេះ​អ្នក​ណាៗ​ ក៏​ចង់​ធ្វើ​ធំ​ដែរ​ គ្រាន់​តែ​ថា តើ​ការ​ចង់​ធ្វើ​ធំ​នោះ​ បាន​ដល់​កម្រិត​ត្រឹម​ណា​មួយ​តែ​ប៉ុណ្ណោះ​។ ឧទាហរណ៍៖​ តំណែង​ប្រធានា​ធិបតី ​មាន​តែ ១​ នាយក​រដ្ឋ​មន្រ្តី​មាន​តែ ១​ រដ្ឋ​មន្រ្តី​តាម​ក្រសួង​នីមួយៗ​ មាន​តែ ១​ អភិបាល​ខេត្ត-ក្រុង មាន​តែ ១​ ជា​ដើម​។​ល។សម្រាប់​ស្រុក​ខ្មែរ​វិញ តើ​មាន​ប្រយោជន៍​អ្វីខ្លះ​ដល់​អ្នក​ធំ បាន​ជា​គេ​ចេះ​តែ​នាំ​គ្នា​ចង់​បាន​តួនាទី​ទាំង​នោះ​ខ្លាំង​ម្ល៉េះ​?​ ហើយ​អ្នក​ខ្លះ បើ​បាន​កន្លែង​នោះ​អង្គុយ​ហើយ​ គឺ​មិន​ចង់​ចុះ​ពី​តំណែង​នោះ​ទេ​ ​នៅ​ក្រាញ​ននៀល​ បើ​ទោះ​បី​ជា​ដឹង​ខ្លួន​​ថា​ ដល់​អាយុ​ត្រូវ​ចូល​និវត្តន៍​ហើយ​ក៏​ដោយ​?​