ប្រសិន​បើ​តំណាង​រាស្ត្រ​ ឬ​ក៏​រដ្ឋ​មន្ត្រី​ដើរ​ចូល​ផ្សារ ​ឬ​ក៏​ទីកន្លែង​ទីសាធារណៈ​ណា​មួយ ហាក់​បី​ដូច​ជា​ពុំ​សូវ​មាន​ការ​ចាប់​អារម្មរណ៍​ ឬ​ស្គាល់​ទេ ហើយ​បើ​ស្លាប់​ទៀត​គឺ​ជា​រឿង​ធម្មតា​ គ្មាន​នរណា​ទៅ​ខ្វាយ​ខ្វល់​ប៉ុន្មាន​ទេ​។​ តែ​បើ​មាន​តារាៗ​ ពិធីករ-ពិធីការិនី​ អ្នក​កំប្លែ​ង​ ឬ​ក៏​អ្នក​អត្ថាធិប្បាយ​តាម​កញ្ចក់​ទូរទស្សន៍​វិញ គ្រាន់​តែ​ចុះ​ពី​លើ រថយន្ត​ភ្លាម​គឺ​នរណាៗ​ក៏​ស្គាល់ ក៏​ដឹង​ថា​ ឈ្មោះ​នេះ ​ឈ្មោះ​នោះ ហើយ​នាំ​គ្នា​ផ្អើល​ឈូ​ឆរ​មក​រោម​មើល​ជិត​ឈឹង​តែ​ម្តង​។​ នេះ​សរបញ្ជាក់​ឲ្យ​ឃើញ​ថា ពួក​គាត់​ជា​មនុស្ស​មាន​ឥទ្ធិពល​នៅ​ក្នុង​សង្គម​ តាម​រយៈ​ការ​សម្តែង​របស់​ពួក​គេ​។