ភ្នំពេញៈ ក្រុមហ៊ុន​កូកា​កូឡា ​បាន​ប្រកាស​កាល​ពី​ថ្ងៃ​ព្រហស្បតិ៍​សប្តាហ៍​មុនថា ​គ្រោង​នឹង​ត្រឡប់​ទៅ​ប្រទេស​មីយ៉ាន់ម៉ា បន្ទាប់​ពី​អវត្តមាន​រយៈ​ពេល​៦០​ឆ្នាំ ក្រោយ​ពី​មាន​សេចក្តី​សម្រេច​របស់​រដ្ឋាភិបាល​អាមេរិក​ក្នុង​ការ​ បន្ធូរបន្ថយ​ទណ្ឌកម្ម​នានា​ពាក់ព័ន្ធ​នឹង​ការ​វិនិយោគ​នៅ​ទីនោះ។ ​ក្រុមហ៊ុន​នេះ​កាល​ពី​ដំបូង​បាន​ចូល​ទៅ​ប្រទេស​មីយ៉ាន់ម៉ា​ក្នុង ឆ្នាំ​១៩២៧ ប៉ុន្តែ​បាន​ចាកចេញ​នៅ​ឆ្នាំ​១៩៦២​ នៅ​ពេល​យោធា​បាន​ដណ្តើម​អំណាច​ក្នុង​ប្រទេស​នេះ​។