The Phnom Penh Post Search

Search form




Logo of Phnom Penh Post newspaper Phnom Penh Post - កម្មករ​ចំការ​កៅស៊ូ​វៀតណាម​ពីរ​នាក់​ត្រូវ​រន្ទះ​បាញ់​ស្លាប់

កម្មករ​ចំការ​កៅស៊ូ​វៀតណាម​ពីរ​នាក់​ត្រូវ​រន្ទះ​បាញ់​ស្លាប់

កម្មករ​ចំការ​កៅស៊ូ​វៀតណាម​ពីរ​នាក់​ត្រូវ​រន្ទះ​បាញ់​ស្លាប់

ក្រចេះ៖ បុរស ២ នាក់​នៅ​ខេត្ត​ក្រចេះ​ត្រូវ​រន្ទះ​បាញ់​សម្លាប់​ភ្លាមៗ​កាល​ពី​រសៀល​ថ្ងៃ​ច័ន្ទ នៅ​ពេល​ដែល​ពួកគេ​កំពុង​ធ្វើ​ការ​នៅ​ចំការ​កៅស៊ូ​របស់​ក្រុមហ៊ុន​វៀតណាម​មួយ។

លោក ញ៉ាម សៅយ៉ុន អនុប្រធាន​ប៉ុស្តិ៍​ប៉ូលិស​ស្រុក ស្នួល ​បាន​ឲ្យ​ដឹង​ថា ហេតុការណ៍​នេះ កើត​ឡើង​ប្រហែល​ជា​រសៀល​ម៉ោង ៤:៣០ ខណៈ​ដែល​ជន​រងគ្រោះ​មាន​ឈ្មោះ ហ៊ាង វណ្ណារ៉េត អាយុ ៣៥ឆ្នាំ និង​ឈ្មោះ ចន ចេត្រា អាយុ ២៥ឆ្នាំ កំពុង​ធ្វើ​ការ​នៅ​ចំការ​កៅស៊ូ​ឲ្យ​ក្រុមហ៊ុន​វៀតណាម Binh Pheuk 2 ត្រូវ​រន្ទះ​បាញ់​ម្នាក់​ចំ​ក្បាល និង​ម្នាក់​ទៀត​ត្រូវ​ចំ​ក។

លោកបន្តថា «វា​គឺជា​គ្រោះ​ធម្មជាតិ ដូច្នេះ​គ្មាន​នរណា​ម្នាក់​អាច​ទស្សន៍​ទាយ​បាន​ទេ»។

បើ​តាម លោក សៅយ៉ុន ចំនួន​អ្នក​ស្លាប់​ដែល​បង្ក​ឡើង​ដោយ​រន្ទះ​បាញ់​នៅ​ក្នុង​តំបន់​នោះ​​មាន​ចំនួន ៤ នាក់​ហើយ​រហូត​មក​ដល់​ពេល​នេះ។

ហេតុ​ការណ៍​ដែល​បង្ក​ឡើង​ដោយ​គ្រោះ​ធម្មជាតិ​នេះ កើត​ឡើង​ប៉ុន្មាន​ថ្ងៃ បន្ទាប់​ពី កសិករ​ពីរ​នាក់​ ឪពុក និង​កូន​ត្រូវ​បាន រន្ទះ​បាញ់​ផង​ដែរ នៅ​ក្នុង​ខេត្ត​រតនគីរី ប៉ុន្តែ​ត្រឹម​តែ​សន្លប់។ បច្ចុប្បន្ន អ្នក​ទាំង ២ នោះ​បាន​ជា​សះ​ស្បើយ​ហើយ។

យោង​តាម​របាយការណ៍​របស់​គណៈកម្មាធិការ​ជាតិ​គ្រប់​គ្រង​គ្រោះ​មហន្តរាយ បាន​ឲ្យ​ដឹង​កាល​ពី​ខែ​មិថុនា​ថា ៦​ ខែ​ដើម​ឆ្នាំ ២០១៥ នេះ ចំនួន​ខ្យល់​ព្យុះ​កើន​ឡើង ៥០​ភាគរយ ប៉ុន្តែ​មាន​ការ​ធ្លាក់​ចុះ​ចំនួន​អ្នក​ស្លាប់​ដោយសារ​រន្ទះ​បាញ់ បើ​ប្រៀប​ធៀប​និង​ឆ្នាំ​មុន៕

អត្ថបទគួរចាប់អារម្មណ៍