The Phnom Penh Post Search

Search form

Logo of Phnom Penh Post newspaper Phnom Penh Post - កម្មករ​ម្នាក់​​ត្រូវ​ជណ្តើរ​យន្ត​​​​ធ្លាក់​សង្កត់​លើស្លាប់​




កម្មករ​ម្នាក់​​ត្រូវ​ជណ្តើរ​យន្ត​​​​ធ្លាក់​សង្កត់​លើស្លាប់​

កម្មករ​ម្នាក់​​ត្រូវ​ជណ្តើរ​យន្ត​​​​ធ្លាក់​សង្កត់​លើស្លាប់​

ភ្នំពេញៈ កម្មករ​បម្រើការ​ក្នុង​សិប្បកម្ម​តម្បាញ​ម្នាក់​ត្រូវ​ជណ្តើរ​យន្ត​កែច្នៃ​ធ្លាក់​សង្កត់​កិន​​បែក​ក្បាល​ស្លាប់​ដោយ​សារ​តែជណ្តើរ​​យន្តនោះ​មិន​ដំណើរ​ការ​ហើយ​ជនរង​គ្រោះទៅឆ្កឹះ​តែ​ត្រូវ​ជណ្តើ​រ​​យន្ត​នោះ​ធ្លាក់​លើ​កម្ពស់​អគារ៣​ជាន់​កាល​ពីព្រឹក​ម្សិល​មិញ ​នៅ​សង្កាត់​បឹង​សាឡាង​ ខណ្ឌ​ទួល​គោក​​ រាជធានីភ្នំពេញ​។

លោក​ គឹម​ កូលីដូ​ នាយ​ប៉ុស្តិ៍​នគរ​បាល​សង្កាត់​បឹង​សាឡាង​ឲ្យ​ដឹង​ថា ​​ជនរង​គ្រោះ​បាន​ដើរ​ទៅ​​​ក្នុង​ជណ្តើរ​ថយន្ត​នោះ​ដើម្បី​ចុច​​ចុះ​​ក្រោម​យោង​​ទំនិញ​​ទៅ​​ជា​​ន់ទី​​៣ ​ប៉ុន្តែ​ជ​នរ​ង​គ្រោះ​​ឃើ​ញ​ជណ្តើរថ​យន្ត​​​មិន​ដំណើរ​កា​រ​ក៏ចា​ក់​រុក​ចុះ​ឡើង​ៗ រួច​ក៏បាន​អឺត​មើល​​ជណ្តើរ​យន្ត​ក៏រអិល​ធ្លាក់​មក​។

លោក​​ប្រាប់​ថា​ ជនរង​គ្រោះ​ឈ្មោះ​ មាន ​ពុំ ភេទ​ប្រុស​អាយុ​២០​ឆ្នាំ​ ​ជាកម្មករ​ក្នុង​រោង​សិប្បកម្ម​តម្បាញ​និងស្នាក់នៅ​​ផ្ទះ​ជួល​ក្នុង​សង្កាត់​បឹង​សាឡាង​ ខណ្ឌ​ទួល​គោក​ មាន​​ស្រុកកំ​ណើតនៅ​​ភូមិ​សំបួរ​ ឃុំ​អ​ន្សោង ស្រុក​​កំ​ពង់​ត្របែក ខេត្តព្រៃ​វែង។ ​ជន​រង​គ្រោះ​​​​​របួស​ធ្ងន់​​បាន​ស្លាប់​​​ក្រោយ​ពី​ដឹក​ទៅ​សង្គ្រោះ​​​នៅ​មន្ទី​រពេទ្យ។

លោក​ប្រាប់​ថា​ ករណី​គ្រោះ​ថ្នាក់នេះ​ ​​ម្ចាស់​សិប្បកម្ម​នោះ​ចេញ​​​សំណង​ឲ្យទៅ​ខាង​ជនរងគ្រោះ​ ព្រោះទាំ​ង​សងខាង​យល់​ថា​ ជា​គ្រោះថ្នា​ក់​ចៃដ​ន្យ​។

លោក​ ស ម៉ូ​រ៉ា ​ប្រធាន​សហជីពកម្មករ​ចំណី​អាហារ​និង​សេវា​កម្ម​ករ​កម្ពុជា​​យល់​ឃើញ​ថា​ កត្តា​គ្រោះថ្នាក់​បែប​នេះ​វា​ពាក់​ព័ន្ធនឹង​ច្បាប់​ការងារ​ ​ខាង​ក្រុម​ហ៊ុន ​ឬ​​ ស​ហ​គ្រាស​ត្រូវ​តែ​ទទួល​ខុស​ត្រូវ​​ទាំង​ស្រុង​និង​ជាបន្ទុក​របស់​ថៅ​កែ​ ​បើក​ម្មករ​ជួប​គ្រោះថ្នា​ក់​ដល់​ជីវិ​ត​ត្រូវ​រៀប​ចំ​ចាត់​ចែងធ្វើ​បុណ្យ​សព​ទៀត​ផង​​​៕​​​​​​​​

អត្ថបទគួរចាប់អារម្មណ៍