The Phnom Penh Post Search

Search form

Logo of Phnom Penh Post newspaper Phnom Penh Post - ករណី​ឃាតកម្ម​ស្ត្រី​ទេសចរ​បារាំង​នៅ​តែ​បិទ​មុខ




ករណី​ឃាតកម្ម​ស្ត្រី​ទេសចរ​បារាំង​នៅ​តែ​បិទ​មុខ

ករណី​ឃាតកម្ម​ស្ត្រី​ទេសចរ​បារាំង​នៅ​តែ​បិទ​មុខ

កំពតៈ នគរបាល​ជំនាញ​កំពុង​តែ​ស្វះ​ស្វែង​រក​តម្រុយ​លើ​ឃាតកម្ម​ស្ត្រី​ទេសចរ ជាតិ​បារាំង​នៅ​ខេត្ត​កំពត ដែល​អូស​បន្លាយ​ជិត​១​ខែនេះ។

ស្នងការ​នគរបាល​ខេត្ត​បាន​កោះប្រជុំ​បន្ទាន់​មួយ​ពី​ល្ងាច​ថ្ងៃចន្ទ ដើម្បី​សរុប​របាយ​ការណ៍​រុក​រក​ទាំង​អស់និង​រង់ចាំ​លទ្ធ​ផល​កោសល្យ​វិច័យ​ ពី​ប្រទេស​បារាំង ខណៈ​ប៉ូលិស​ខេត្ត​ក៏​បាន​កោះ​ហៅ​អ្នក​មាន​ស្លាក​ស្នាម​ទាំង​បារាំង​និង ខ្មែរ​៣​ទៅ៤​នាក់​មក​ពិនិត្យ ដែល​អាច​ជា​តម្រុយ​ឈាន​ទៅ​រក​ចាប់​ជន​ល្មើស​មក​ដាក់​ទោស។

លោក អ៊ិន ជីវ៉ា ស្នង​ការ​នគរបាល​ខេត្ត​បាន​ឲ្យ​ដឹង​ថា កិច្ច​ប្រជុំ​ដែល​មាន​មន្រ្តី​នគរបាល​គ្រប់​ស្រុក​ចូល​រួម​នោះ លោក​សុំ​មិន​ប្រាប់​លម្អិត​ទេ ព្រោះ​សមត្ថកិច្ច​កំពុង​តែ​បន្ត​ធ្វើ​ការងារ​​នេះ​នៅ​ឡើយ។ លោក​ប្រាប់​ខ្លី​ថា៖«វា​ជា​កិច្ចការ​របស់​សមត្ថកិច្ច សូម​ទុក​ពេល​ឲ្យ​ខ្ញុំ​ធ្វើ​កិច្ចការ​នេះ​សិន ព្រោះ​វា​ជា​បញ្ហា​ផ្ទៃ​ក្នុង»។

មន្រ្តីនគរបាល​ស្រុក​មួយ​រូប​ដែល ចូល​រួម​កិច្ច​ប្រជុំ សុំមិន​ប្រាប់​ឈ្មោះ ប្រាប់​ថា​ខ្លឹមសារ​ប្រជុំ​លោក​ស្នង​ការ​ខេត្ត​បាន​បញ្ជា​ឲ្យ​នគរបាល គ្រប់​ស្រុក បន្ត​ការ​ស្រាវ​ជ្រាវ​រក​មុខ​សញ្ញា​ជន​ដៃ​ដល់​ត​ទៅទៀ​ត ពិ​សេស​កន្លែង​ដើម​នៃ​អំពើ​ឃាត​កម្ម​ដែល​នៅ​តែ​បិទ​មុខនេះ។

មន្រ្តីរូបនោះបន្ត​ថា លោក​ស្នង​ការ​បាន​ជំរុញ​មន្រ្តី​ក្រោម​ឱវាទ​ឲ្យ​ខិតខំ​អស់​លទ្ធភាព​ដើម្បី​ស្វែង​រក​ជន​ដែល​សង្ស័យ​មាន​ស្លាក​ស្នាម​ក្រចក ព្រោះ ជា​ករណី​ឃាតកម្ម ហើយ​ជន​រងគ្រោះ​មុន​ត្រូវ​គេ​សម្លាប់ ក៏​ប្រហែល​ជា​ត​ដៃ​ជាមួយ​ជន​ល្មើស ទើប​ត្រូវ​គេ​វាយ​សម្លាប់។

លោក មួង សុទ្ធា ប្រធាន​នាយក​ដ្ឋាន​នគរបាល​បចេ្ចក​ទេស​វិទ្យា​សាស្រ្ត​ក្រសួង​មហាផ្ទៃ​បាន​ឲ្យ​ដឹង​ថា លទ្ធផល​នៃ​ការ​ធ្វើ​កោសល្យ​វិច័យ​ទៅ​លើ​ឃាតកម្ម​ស្រ្តី​ទេសចរ​ជាតិ បារាំង​នោះ​នៅ​មិន​ទាន់​មាន​ព័ត៌មាន​ផ្លូវការ​ទេ។

លោក អ៊ុក ណារិន អនុប្រធាន​នាយក​ដ្ឋាន​បចេ្ចក​ទេស​វិទ្យា​សាស្រ្ត​ដែល​ចុះ​ផ្ទាល់​ទៅ​មន្ទីរ ពេទ្យ​កាល​ម៉ែត​ធ្លាប់​ប្រាប់​ថា សំណាក​សព​ស្រ្តី​ជាតិ​បារាំង បាន​យក​ទៅ​ពិនិត្យ​នៅ​ប្រទេស​បារាំង​តាំង​ពី​ថ្ងៃ​ទី១០ កុម្ភៈ ប៉ុន្តែ គេកំ​ពុង​ធ្វើ​ការ​បន្ត មិន​ទាន់​មាន​លទ្ធ​ផល​ទេ។ ស្រ្តី​រងគ្រោះ​ឈ្មោះ​ Ophelie ជា​ទេសចរ​ជន​ជាតិ​បារាំង ត្រូវ​គេប្រទះ​ឃើញ​ស្លាប់​អណ្តែត​ទឹក​នៅ​ក្នុង​ព្រែក ក្នុង​ក្រុង​កំពត​នៅ​ព្រឹកថ្ងៃទី៥ កុម្ភៈ៕

អត្ថបទគួរចាប់អារម្មណ៍