The Phnom Penh Post Search

Search form

Logo of Phnom Penh Post newspaper Phnom Penh Post - ករណី​បង្ក្រាប​គ្រឿង​ញៀន​នៅ​ហាង​ស្រី​រ៉ា​ជន​សង្ស័យ​បាញ់​តដៃ​រងរបួស​ប៉ូលិ​សម្នាក់




ករណី​បង្ក្រាប​គ្រឿង​ញៀន​នៅ​ហាង​ស្រី​រ៉ា​ជន​សង្ស័យ​បាញ់​តដៃ​រងរបួស​ប៉ូលិ​សម្នាក់

ករណី​បង្ក្រាប​គ្រឿង​ញៀន​នៅ​ហាង​ស្រី​រ៉ា​ជន​សង្ស័យ​បាញ់​តដៃ​រងរបួស​ប៉ូលិ​សម្នាក់

130306_10
សកម្មភាពបង្ក្រាបគ្រឿងញៀន នៅភោជនីយដ្ឋានស្រីរ៉ា សង្កាត់ភ្នំពេញថ្មី សហការី

ភ្នំពេញៈ សមត្ថកិច្ច​កំពុង​តាម​ចាប់​ខ្លួន​ជន​ពាក់​ព័ន្ធ​គ្រឿង​ញៀន​ដែល​បាន​បាញ់ តដៃ នៅ​ក្នុង​ការ​បង្ក្រាប​គ្រឿង​ញៀន​ក្នុង​ហាង​ផឹក​ស៊ីមួយ កាល​ពី​យប់​ថ្ងៃទី​៤​ មីនា ដោយ​កម្លាំង​មន្ទីរ​ប្រឆាំង​គ្រឿង​ញៀន នៅ​ក្នុង​សង្កាត់​ភ្នំពេញ​ថ្មី ខណ្ឌ​សែន​សុខ។ សមត្ថកិច្ច​រឹប​អូស​បាន​កាំភ្លើង​ខ្លី​មួយ​ដើម​ និង​ថ្នាំញៀន​ម៉ាទឹក​កក​ ៥ កញ្ចប់​តូច​នៅ​ក្នុ​ង​ផ្ទះ ខណៈ​ជន​សង្ស័យ​បាន បាញ់​រំដោះ​ខ្លួន​រត់គេច​បាត់។

លោក​ឧត្តម​សេនីយ៍​ ខៀវ សាម៉ន​ ប្រធាន​នាយក​ដ្ឋាន​ប្រឆាំង​គ្រឿង​ញៀន​ ក្រសួង​មហាផ្ទៃ​ដែល​ដឹក​នាំ​ប្រតិបត្តិ​ការ​បង្រ្កាប​នោះ​មិន​បាន​ប្រាប់​ លម្អិត​ពី​ការ​ចុះ​បង្រ្កាប​នេះ​ទេ ដោយ​បាន​ឆ្លើយ​យ៉ាង​ខ្លី​ថា៖ «ខ្ញុំ​ជាប់​រវល់​មិន​អាច​ប្រាប់​បាន​ទេ​ សួរ​ខាង​រដ្ឋបាល​ទៅ»។

មន្រ្តី ​នគរ​បាល​ខណ្ឌសែន​សុខ​ម្នាក់សុំ​មិន​បញ្ចេញ​ឈ្មោះ​បាន​ប្រាប់​ថា ​ប្រតិបត្តិ​ការ​បង្រ្កាប​គ្រឿង​ញៀន​ មាន​ការ​ចូល​រួម​ពី​ព្រះ​រាជ​អាជ្ញា​រង​សាលាដំបូង​រាជធានី​ភ្នំពេញ លោក កឺ ​ប៊ុណ្ណារ៉ា​និង​លោក ​សៀង​ សុខ​ និង​នគរបាល​ប្រឆាំង​ការ​ជួញ​ដូរ​គ្រឿង​ញៀន ក្រសួង​មហា​ផ្ទៃ ដឹក​នាំ​ដោយ​លោក​ឧត្តម​សេនីយ៍​ ខៀវ សាម៉ន។

មន្រ្តី​ម្នាក់​​ ប្រាប់​ថា ​សមត្​ថកិច្ច​ខ្លះ​ស្លៀកស៊ីវិល និង​ខ្លះ​ឯក​សណ្ឋាន​ឡោម​ព័ទ្ធ​ភោជនីយ​ដ្ឋាន​ស្រី​រ៉ា​នៅ​ភូ​ មិគោកឃ្លៀង​ សង្កាត់​ភ្នំពេញ​ថ្មី ខណ្ឌ​សែន​សុខ ​ព្រោះ​តែ​សង្ស័យ រថយន្ត​ម៉ាក​ណា​វ៉ា​រ៉ា​ គ្មាន​ស្លាក​លេខ​មួយ​ចត​នៅ​មុខ​ហាង​ ពេល​នោះក៏​បុរស​ម្នាក់​ដើរ​ចេញ​មករួ​ច​បាញ់​២ទៅ៣​គ្រាប់​ សំដៅ​សមត្ថកិច្ច ​បណ្តាល​ឲ្យ​រង​របួស​ម្នាក់​ត្រូវ​ប្រញាប់​នាំ​ទៅសង្គ្រោះ​បន្ទាន់។

ភ្លាមៗ ​នោះ ​សមត្ថកិច្ច​ដឹង​ថា ជន​ល្មើសបាញ់​ត​ដៃ កម្លាំង​ចម្រុះ​ក៏​សម្រុក​ចូល​ក្នុង​ហាង​ តែ​មិន​អាច​ចាប់​ជន​ដែល​បាញ់​ត​ដៃ​នោះ​បាន​ទេ​ ដោយ​បន្សល់​ទុក​រថយន្ត​១​គ្រឿងនៅ​កន្លែង​កើត​ហេតុ។ តែ​ក៏​​បាន​ឃើញ​កូនស្រី​ជន​សង្ស័​យ​ឲ្យ​គេនាំ​ចូល​ឆែក​ឆេរ​ក្នុង​ផ្ទះ ​ជន​សង្ស័យ​នៅ​ភូមិ​គោក​ឃ្លៀង​និងនាំ​ទៅ​ឆែក​ផ្ទះមួយទៀត​​នៅ​ម្តុំ​អូឌឹម​ ខណ្ឌ​ពោធិ៍​សែន​ជ័យ​ទាំង​យប់។

ប្រតិបត្តិការបង្ក្រាប​​នេះមិន​បាន ឲ្យ​នគរ​បាល​ខណ្ឌ​សែន​សុខ​ដឹង​មុន​ទេ ហើយ​កម្លាំង​សមត្ថកិច្ចរឹប​អូស​បាន​រថយន្តម៉ា​កណា​វ៉ារ៉ា​១​គ្រឿង​ កាំភ្លើង​កា៥៩ មួយ​ដើម​មាន​៦​គ្រាប់​ ម៉ូតូ ​C125​ មួយ​គ្រឿង​ និង​ថ្នាំ​ម៉ាទឹ​កកក​៥​កញ្ចប់​តូ​ច​ ឯ​ក្មេងស្រី២​នាក់​ជា​កូន ​ដែល​បាន​នាំស​មត្ថកិច្ច​ទៅ​ឆែក​ឆេរ​ផ្ទះ​ត្រូវ​បាន​ដោះលែង​វិញ។

ករណីនេះ ​ពុំ​មាន​មន្រ្តី​អះ​អាង​ឲ្យ​ដឹងល​ម្អិត​ទេ ​សូម្បី​អ្នក​រង​របួស ក៏​ត្រូវ​បាន​បិទ​បាំង​ផង​ដែរ ​កាល​ពី​ម្សិល​មិញ​។ រី​ឯ​ព្រះ​រាជ​អាជ្ញា​រង​​ចូល​​រួម​ការ​បង្ក្រាប​នោះ​ក៏មិន​អាច​ទាក់ទង​រក​ ការ​បញ្ជាក់​បាន​ដែរ៕

អត្ថបទគួរចាប់អារម្មណ៍