The Phnom Penh Post Search

Search form




Logo of Phnom Penh Post newspaper Phnom Penh Post - កាប់​ចាក់​គ្នា​នៅ​ក្នុង​វង់​ផឹក​ស៊ី​នៅ​ក្រុង​តា​ខ្មៅ របួស​ធ្ងន់​ម្នាក់ ជាប់​ឃុំ​ពីរ​នាក់




កាប់​ចាក់​គ្នា​នៅ​ក្នុង​វង់​ផឹក​ស៊ី​នៅ​ក្រុង​តា​ខ្មៅ របួស​ធ្ងន់​ម្នាក់ ជាប់​ឃុំ​ពីរ​នាក់

កាប់​ចាក់​គ្នា​នៅ​ក្នុង​វង់​ផឹក​ស៊ី​នៅ​ក្រុង​តា​ខ្មៅ របួស​ធ្ងន់​ម្នាក់ ជាប់​ឃុំ​ពីរ​នាក់

121212_09
ជនសង្ស័យពីរនាក់បងប្អូនដែលទៅព្រួតកាប់មិត្តភក្តិម្នាក់របួស ព្រោះតែមានជម្លោះក្នុងវង់ផឹកស៊ីនៅក្រុងតាខ្មៅ សហការី

កណ្តាលៈ ជន​សង្ស័យ​២នាក់​ជា​បង​ប្អូន​គ្នា ដែល​បាន​កាប់​ជន​រង​គ្រោះ​ក្នុង​វង់​ផឹក​ស៊ី នៅ​ក្រុង​តាខ្មៅ កាល​ពី​ថ្ងៃ​ទី៩ ខែ​ធ្នូ ត្រូវ​សមត្ថកិច្ច​កង​រាជ​អាវុធ​ហត្ថ​ក្រុង​តាខ្មៅ​និង​ស្រុក​ស្អាង សហការ​គ្នា ចាប់​បញ្ជូន​ទៅ​តុលាការ​ខេត្ត​កណ្តាល​ម្សិល​មិញ។

លោក ហៀង ចន្ធី មេ​បញ្ជាការ​ប៉េអឹម​ក្រុង​តាខ្មៅ​ប្រាប់​ថា ៖ «ជន​សង្ស័យ​ដែល​បង្ក​ហិង្សា​កាប់​លើ​ជន​រង​គ្រោះ​ហើយ​រត់​គេច​ខ្លួន​នោះ​ត្រូវ​បញ្ជូន​ទៅ​តុលាការ​ខេត្ត​កណ្តាល​ហើយ ពី​ព្រឹក​ថ្ងៃ​អង្គារ ក្រោម​ការ​ចោទ​ពី​បទ​ប្រើ​ហិង្សា​ដោយ​ចេតនា»។

លោកបន្តថា ជនរង​គ្រោះ​ត្រូវ​ជន​សង្ស័យ​កាប់​ជា​ច្រើន​កាំបិត​នៅ​ក្នុង​វង់​ផឹក​ស៊ី ព្រោះ​តែ​មាន​ទំនាស់​ពាក្យ​សម្តី​គ្នា។ លោក​ប្រាប់​ថា ជន​សង្ស័យ ឈ្មោះ សន ស៊ុនទ្រី ភេទ​ប្រុស ២៣​ឆ្នាំ​មាន​មុខ​របរ​ជា​កម្មករ​រោង​ចក្រ និង​សន សុវណ្ឌី ដូរ​មក​ឈ្មោះ ខុម វិទ្ធី ភេទ​ប្រុស អាយុ​២៩​ឆ្នាំ មាន​មុខ​របរ ជា​កម្មករ​ដូច​គ្នា ស្នាក់​នៅ​ភូមិ​លេខ​២ ឃុំ​ស្វាយ​រលំ ស្រុក​ស្អាង ខេត្ត​កណ្តាល។ រីឯ​ជន​រង​គ្រោះ​ឈ្មោះ សន សុដាណា ភេទ​ប្រុស អាយុ​២៦​ឆ្នាំ មាន​មុខ​របរ​ជា​កម្មករ​រោង​ចក្រ នៅ​ភូមិ​ខ្ពប សង្កាត់​កំពង់​សំណាញ់ ក្រុង​តាខ្មៅ រង​របួស​ត្រូវ​ចំ​ដៃ ពោះ​ខ្នង​ជា​ច្រើន​កន្លែង។

លោក​រំឭក​ថា មុន​បង្ក​ហេតុ​កាល​ពី​ព្រលប់​ទី​៩ ខែ​ធ្នូ ជន​សង្ស័យ​បាន​ជុំ​គ្នា​ផឹក​ស៊ី​នៅ​ផ្ទះ​មិត្ត​ភក្តិ ក្នុង​ភូមិ​ព្រែក​សំរោង ​សង្កាត់​តា​ខ្មៅ ក្រុង​តាខ្មៅ មាន​គ្នីគ្នា​៨​នាក់ ហើយ​ក៏​បាន​ឈ្លោះ​ប្រកែក​គ្នា​ជាមួយ​មិត្ត​ម្នាក់​នៅ​ក្នុង​ចំណោម​នោះ។ លោក​ថា ដោយ​សារ​ជាតិ​សុរា​ជន​សង្ស័យ​ក៏​ផ្ទុះ​កំហឹង​ឡើង និង​បាន​ជិះ​ម៉ូតូ​ទៅ​ផ្ទះ ឌុប​គ្នា​មក​ម្នាក់​ទៀត​ហើយ​ព្រួត​គ្នា​ស្ទុះ​ទៅ​កាប់​យុវជន​រង​គ្រោះ​ឲ្យ​រង​របួស​ជា​ទម្ងន់ រួច​ហើយ​នាំ​គ្នា​រត់ គេច​ខ្លួន​បាត់​ទៅ។

លោក​បញ្ជាក់​ថា ក្រោយ​ទទួល​ពាក្យ​បណ្តឹង​ពី​ជន​រង​គ្រោះ​សមត្ថកិច្ច​ប៉េ​អឹម ក៏​បាន​ស្រាវ​ជ្រាវ​ដឹង​ថា ជន​សង្ស័យ​ទាំង​២​នាក់​បង​ប្អូន​បាន​រត់​គេច​ទៅ​សម្ងំ​លាក់​ខ្លួន​នៅ​ក្នុង​បុរី​ស្វាយ​រលំ លោក​ក៏​សហការ​ជាមួយ​ប៉េ​អឹម​ស្រុក​ស្អាង ចុះ​ចាប់​ខ្លួន​តែ​ម្តង។

លោក អ៊ូ ផល្លី មេ​បញ្ជាការ​ប៉េ​អឹម​ស្រុក​ស្អាង បាន​ប្រាប់​ថា ជន​សង្ស័យ​រស់​នៅ​ក្នុង​ភូមិ​សាស្រ្ត​ស្រុក​ស្អាង​ពិត​មែន តែ​គេ​ទៅ​បង្ក​បទ​ល្មើស​នៅ​ក្រុង​តាខ្មៅ ដូច្នេះ​ត្រូវ​ចាប់​បញ្ជូន​ទៅ​ឲ្យ​ខាង​ក្រុង​តាខ្មៅ​ចាត់​ការ​វិញ៕

អត្ថបទគួរចាប់អារម្មណ៍