The Phnom Penh Post Search

Search form




Logo of Phnom Penh Post newspaper Phnom Penh Post - កូន​អធិការ​ស្រុក​ពាមរក៍​លេង​កាំភ្លើង​ក្នុង​វង់​ផឹក​ថ្លោះ​កៃ​ត្រូវ​ខ្លួន​ឯង




កូន​អធិការ​ស្រុក​ពាមរក៍​លេង​កាំភ្លើង​ក្នុង​វង់​ផឹក​ថ្លោះ​កៃ​ត្រូវ​ខ្លួន​ឯង

កូន​អធិការ​ស្រុក​ពាមរក៍​លេង​កាំភ្លើង​ក្នុង​វង់​ផឹក​ថ្លោះ​កៃ​ត្រូវ​ខ្លួន​ឯង

ព្រៃវែងៈ ជន​រង​គ្រោះ​ជា​កូន​អធិការ​នគរបាល​ស្រុក​ពាមរក៍​បាន​រាល​កៃ​កាំភ្លើង​ត្រូវ​ខ្លួន​ឯង​១​គ្រាប់ ខណៈ​យក​កាំ​ភ្លើង​ឪពុក មក​លេង​ក្នុង​វង់​ផឹក​ស៊ី តែ​ចៃដន្យ​ខ្លួន​មិន​ចេះ​ក៏​ថ្លោះ​កៃ​ផ្ទុះ​ត្រូវ​របួស​ខ្លួន​ឯង​តែ​ម្តង។

លោក សេង ពន្លក អធិការ​នគរបាល​ស្រុក​ពារក៍ ជា​ឪពុក​យុវជន​រង​គ្រោះ​បាន​ប្រាប់​ពី​ម្សិល​មិញ​ថា ហេតុ​ការណ៍​នេះ គឺ​បណ្តាល​មក​ពី​លោក​ទុក​កាំភ្លើង​អាកា​ស្វ័យ​បត់​១​ដើម សម្រាប់​យាម​កាម​ផ្ទាល់​ខ្លួន​នោះ​ឲ្យ​កូន​មើល​ការ​ខុស​ត្រូវ ព្រោះ​លោក​ជាប់​ចេញ​ទៅ​ចូល​រួម​មង្គល​ការ​គេ ប៉ុន្តែ មិន​ដឹង​ជា​យ៉ាង​ម៉េច ស្រាប់​តែ​កូន​យក​លេង​ក្នុង​វង់​ផឹក​ស៊ី​ជាមួយ​ពូៗ​វា។ លោក បាន​បន្ត​ថា ៖ «ពេល​នោះ​កូន​ប្រុស​លោក​បាន​លើក​កាំភ្លើង​បង្ហាញ​ទៅ​ពូៗ​របស់​គេ ហើយ​ពូៗ​នោះ​ក៏​សួរ​នាំ​ពី​របៀប​អាមេ​ខណៈ​ដែល​គេ​ក៏​មិន​ចេះ​ប្រើ​កាំភ្លើង​ដែរ​នោះ ប៉ុន្តែ គេ​បាន​ធ្វើ​ហាក់​ជា​អ្នក​ចេះ ដោយ​ទាញ​កាំភ្លើង​មក​អាមេ តែ​មិន​ប្រុង​ប្រយ័ត្ន​ក៏​ថ្លោះ​កៃ​ផ្ទុះ​ត្រូវ​ខ្លួន​ឯង​តែ​ម្តង​ទៅ»។

លោក​ប្រាប់​ដែរ​ថា ប្រហែល​ជា​ម្នាក់ៗ​ចង់​ចេះ ហើយ​ក៏​ប្រទាញ​កាំភ្លើង​គ្នា​ទៅ​មក ទើប​បណ្តាល​ឲ្យ​ផ្ទុះ​បែប​នេះ ប៉ុន្តែ​សំណាង​ល្អ ដែល​គ្រាប់​ផ្ទុះ​ចេញ​តែ​១​គ្រាប់ ត្រូវ​ក្រោម​ស្មា​ខាង​ស្តាំ មិន​បណ្តាល​ឲ្យ​ស្លាប់​គ្រាន់​តែ​របួស​ធម្មតា។

លោក បញ្ជាក់ថា ៖ «មុន​ដំបូង​ខ្ញុំ​ភ័យ​គិត​ដឹក​ទៅ​ប្រទេស​វៀតណាម តែ​ត្រូវ​គ្រូ​ពេទ្យ​ប្រាប់​ថា កូន​ខ្ញុំ​មិន​ធ្ងន់ធ្ងរ​ពេក​ទេ ហើយ​ក៏​មិន​ចំ​កន្លែង​សំខាន់​នាំ​ឲ្យ​ស្លាប់​ដែរ»។ លោក​ទទួល​ស្គាល់​ថា​«នេះ​ជា​កំហុស​របស់​ខ្ញុំ»។

លោកប្រាប់ឲ្យដឹងថា រឿង​ហេតុ​នេះ​បាន​កើត​ឡើង​យប់​ថ្ងៃ​ទី៦ ខែ​មករា នៅ​នឹង​ផ្ទះ​របស់​លោក​ផ្ទាល់ ក្នុង​ភូមិ​ព្រែក​ខ្សាយ​«ក» ឃុំ​ព្រែក​ខ្សាយ ស្រុក​ពាមរក៍ ខេត្ត​ព្រៃវែង។ លោក​ថា កូន​ប្រុស​រង​គ្រោះ​ឈ្មោះ សេង ពន្លឺ មានអាយុ ២២ ឆ្នាំ៕

អត្ថបទគួរចាប់អារម្មណ៍