The Phnom Penh Post Search

Search form




Logo of Phnom Penh Post newspaper Phnom Penh Post - ក្មេង​ស្រី​ប្រេស៊ីល​ធ្លាក់​ពី​លើ​អគារ​ជាន់ ទី១២ ស្លាប់

ក្មេង​ស្រី​ប្រេស៊ីល​ធ្លាក់​ពី​លើ​អគារ​ជាន់ ទី១២ ស្លាប់

ក្មេង​ស្រី​ប្រេស៊ីល​ធ្លាក់​ពី​លើ​អគារ​ជាន់ ទី១២ ស្លាប់

ភ្នំពេញៈ ក្មេង​ស្រី​អាយុ ២​ឆ្នាំ ជនជាតិ​ប្រេស៊ីល កាល​ពី​ព្រឹក​ថ្ងៃ​ពុធ​ម្សិល​មិញ​នេះ បាន​ធ្លាក់​ពី​ជាន់ ទី១២ នៃ​អគារ​ខុនដូ ISL Modern Apartment ចូល​ក្នុង​បរិវេណ​ភូមិ​គ្រឹះ កំពុង​សាង​សង់​ក្បែរ​នោះ បណ្តាល​ឲ្យ​បែក​ក្បាល​ស្លាប់​ភ្លាមៗ។

នាយ​ប៉ុស្តិ៍​នគរបាល សង្កាត់​បឹងកក់​២ លោក ខាន់ ខុនទិត្យ បាន​ឲ្យ​ដឹង​ថា ហេតុ​ការណ៍​នេះ បាន​កើត​ឡើង​នៅ​ម៉ោង​ជិត ១១ ថ្ងៃ​ត្រង់ ក្នុង​ភូមិ​គ្រឹះ​លេខ ៧៩ ក្បែរ​អគារ​ខុនដូ​ខាង​លើ ស្ថិត​នៅ​បណ្តោយ​ផ្លូវ​លេខ ៣១៣ សង្កាត់​បឹងកក់​២ ខណ្ឌ​ទួលគោក។ ក្មេង​ស្រី​រង​គ្រោះ​នោះ ឈ្មោះ Bulk Souza Aliesrachel អាយុ ២​ឆ្នាំ ជនជាតិ​ប្រេស៊ីល ឪពុក​ជា​ថៅកែ​រោងចក្រ​ក្រណាត់ ឯ​ម្តាយ​ជា​គ្រូ​បង្រៀន។

លោក​បន្ត​ថា សមត្ថកិច្ច​បាន​បើក​ការ​ស៊ើប​អង្កេត​ភ្លាម​ពេញ​មួយ​ថ្ងៃ ដោយ​រក​ឃើញ​ថា គ្រោះ​ថ្នាក់​នេះ​គឺ​កើត​ឡើង​ដោយ​ការ​មិន​បាន​ប្រុង​ប្រយ័ត្ន​របស់​ក្មេង​ស្រី​នោះ​ពេល​អង្គុយ​លេង​ក្បែរ​ទ្វារ​បង្អួច និង​ជា​ការ​ធ្វេស​ប្រហែស​របស់​ម្តាយ​ផង​ដែរ៕

អត្ថបទគួរចាប់អារម្មណ៍