The Phnom Penh Post Search

Search form

Logo of Phnom Penh Post newspaper Phnom Penh Post - ខឹង​ក្មួយ​ចាក់​ចង្កេះ​កំពុង​ដេក ចាប់​មួល​ក​សម្លាប់




ខឹង​ក្មួយ​ចាក់​ចង្កេះ​កំពុង​ដេក ចាប់​មួល​ក​សម្លាប់

ខឹង​ក្មួយ​ចាក់​ចង្កេះ​កំពុង​ដេក ចាប់​មួល​ក​សម្លាប់

130325_10b
ជនជាប់សង្ស័យ មួលកសម្លាប់ក្មួយស្រីញាត់ការុង សហការី

បន្ទាយមានជ័យៈ ឪពុក​ម្តាយ​ធំ​ដែល​សង្ស័យ​ថា រួម​គ្នា​មួល​ក​សម្លាប់​ក្មួយ​ស្រី​បង្កើត រួច​កាប់​២​ពូថៅ​លើ​ក្បាល​និង​មុខ ​ហើយ​ញាត់​សព​ក្នុង​ការុង​យក​ទៅ​ប្លុង​ចោល​នៅខាង​ក្រោយ​ផ្ទះ ​កាល​ពីថ្ងៃ​ទី​២១ មីនា នៅ​ភូមិ​ប្រជា​ធម្ម ក្រុង​ប៉ោយ​ប៉ែត ​ត្រូវ​នគរ​បាល​ព្រហ្ម​ទណ្ឌ​ខេត្ត​បន្ទាយ​មាន​ជ័យ​ស្រាវ​ជ្រាវ​ចាប់​ខ្លួន ទាំង​ពីរ​នាក់​និង​ត្រូវ​តុលាការ​បញ្ជូន​ទៅ​ពន្ធនាគារ​ខេត្ត កាល​ពីថ្ងៃ​ទី២៣ មីនា។

លោក អ៊ុន សំអន នាយការិយាល័យ​ព្រហ្មទណ្ឌ​កម្រិត​ធ្ងន់​ខេត្ត​បាន​ឲ្យ​ដឹង​ថា ជន​សង្ស័យ​ក្នុង​ករណី​ឃាតកម្ម​លើ​ក្មេង​ស្រី​រងគ្រោះ​ជន​សង្ស័យ​ដៃ​ដល់​ត្រូវ​ជា​ឪពុក​ម្តាយ​ធំ​បង្កើត ត្រូវ​សមត្ថកិច្ច​ស្រាវជ្រាវ​ចាប់​ខ្លួន​បញ្ជូន​ទៅ​ឲ្យ​សាលា​ដំបូង ខេត្ត​និង​ត្រូវ​តុលាការ​សម្រេច​ចោទ និង​បញ្ជូន​ទៅ​ពន្ធនាគារ ពី​ថ្ងៃទី​២៣ ខែ​មីនា។​

លោកថ្លែងថា៖ «ឪពុក​ធំ​ជា​ជន​ដៃដ​ល់​ជាប់​ចោទ​ក្នុង​បទ​មនុស្ស​ឃាតគិត​ទុក​ជាមុន ចំណែក​ប្រពន្ធ​ជាប់​ចោទ​ពី​បទ​សម​គំនិត ក្នុង​ករណី​មួល​ក​និង​កាប់​ថែម​២​ពូថៅ​សម្លាប់​ក្មួយ​ស្រី​អាយុ​៧​ឆ្នាំ»។

លោក​បន្ត​ឲ្យដឹង​ថា ​ជនដៃដ​ល់​ឈ្មោះ ​ ចាន់ ណាត អាយុ​៤៨​ឆ្នាំ ​និង​ប្រពន្ធ​ដែល​រួម​គំនិត​ឈ្មោះ យូ ម៉ៅ​ អាយុ​៤០​ឆ្នាំ​ នៅ​មណ្ឌ​ល​៩ ភូមិ​ប្រជា​ធម្ម​សង្កា​ត់​ផ្សារ​កណ្តាល​ក្រុង​ប៉ោយ​ប៉ែត។ ​រីឯ​ក្មេង​ស្រី​រង​គ្រោះ ដែលឪពុក​ម្តាយ​ទៅ​ស៊ី​ឈ្នួល​នៅ​ថៃ​ ​ផ្ញើ​ទុក​នៅនឹ​ងជី​ដូន​ ឈ្មោះ ​ប៊ុន ​ចាន់​ថន​ អាយុ​៧ឆ្នាំ​ មាន​ផ្ទះ​ក្បែរ​គ្នា។

លោករំឭក​ប្រាប់​ថា ករណី​ឃាតកម្ម​នេះ​សមត្ថកិច្ច​មាន​ការ​សង្ស័យ​លើ​ការុង​ដែល​ច្រក​សព​ជា របស់​ជន​សង្ស័យ ពិសេស​អាវ​ជន​សង្ស័យ​មាន​ប្រឡាក់​ឈាម ទើប​សមត្ថកិច្ច​កោះ​ហៅ​សាក​សួរ និង​បាន​ឃាត់​ខ្លួន​តែ​ម្តង។

លោក អ៊ុន សំអន ​ប្រាប់​តាម​សម្តី​ជន​ដៃ​ដល់​ថា រឿង​ហេតុ​នាំ​ឲ្យគេ​ប្រព្រឹត្ត​ដូច្នេះ ដោយ​សារតែ​ក្មេង​ស្រី​រង​គ្រោះ​មក​ចាក់​ចង្កេះ​ប្រពន្ធ​ខ្លួន ពេល​កំពុង​ដេក​លក់ ទើប​គេ​ដេញ​ចាប់​ក្មេង​ស្រី​នេះ​បាន​ក៏មួល​ក​សម្លាប់​និង​កាប់​ពីរ ពូថៅ​ថែម​ទៀត រួច​យក​សព​ក្មេង​ញាត់​ក្នុង​ការុង យក​ទៅ​ចោល​ក្នុង​ព្រៃ​របោះ​ក្បែរ​ផ្ទះ​ចម្ងាយ​ប្រមាណ​២០០​ម៉ែត្រ​ពី​ផ្ទះ។

សាកសពក្មេងស្រីរងគ្រោះ​ត្រូវ​គេ​ប្រទះ​ឃើញ​ស្លាប់​ដោយ​ត្រូវ​គេ​ញាត់ ក្នុង​ការុង​កាល​ពី​ថ្ងៃទី​២១ ខែ​មីនា ទុក​​ប្លុង​ចោល​ក្នុង​ព្រៃ​មួយ​កន្លែង ស្ថិត​ក្នុង​ភូមិ​ទួល​ពង្រ សង្កាត់​ផ្សារ​កណ្តាល ក្រុង​ប៉ោយ​ប៉ែត៕

អត្ថបទគួរចាប់អារម្មណ៍