The Phnom Penh Post Search

Search form




Logo of Phnom Penh Post newspaper Phnom Penh Post - ខ្ទប់​មុខ​អារក​អ្នក​ម៉ូតូ​ឌុប​ប្លន់​មិន​សម្រេច ជាប់​ឃុំ




ខ្ទប់​មុខ​អារក​អ្នក​ម៉ូតូ​ឌុប​ប្លន់​មិន​សម្រេច ជាប់​ឃុំ

ខ្ទប់​មុខ​អារក​អ្នក​ម៉ូតូ​ឌុប​ប្លន់​មិន​សម្រេច ជាប់​ឃុំ

ភ្នំពេញៈ ជន​ល្មើស​ដែល​ធ្វើ​សម្មភាព​ខ្ទប់​មុខ​អារក​អ្នក​រត់​ម៉ូតូ​ឌុប​ម្នាក់​បម្រុង​ប្លន់​ម៉ូតូ តែ​មិន​បាន​សម្រេច កាល​ពី​វេលា​ទៀប​ភ្លឺ​ថ្ងៃ​ទី១១ ខែ​តុលា ត្រូវ​ចាប់​ខ្លួន​ឃុំ​នៅ​អធិការ​ដ្ឋាន​ខណ្ឌ​សែន​សុខ។

លោក ប៉ែន ថុល នាយ​ប៉ុស្តិ៍​នគរបាល​ទឹក​ថ្លា​ដែល​ចុះ​បង្រ្កាប​ផ្ទាល់​បាន​ប្រាប់​ថា ហេតុ​ការណ៍​ចោរ​ប្លន់​ម៉ូតូ​ម៉ាក​ស្មាស់​រីវ៉ូ ស៊េរី​ឆ្នាំ​២០០៧ ពណ៌​ខ្មៅ ពាក់​ស្លាក កំពង់​ចាម 1F-6364 សមត្ថកិច្ច​ឃាត់​ខ្លួន​ជន​សង្ស័យ​នៅ​ភូមិ​ចុង​ថ្នល់​ខាង​លិច សង្កាត់​ទឹក​ថ្លា​ពេល​កំពុង​ធ្វើ​សកម្មភាព។

លោកបន្តថា ជន​ត្រូវ​ចាប់​ខ្លួន ឈ្មោះ គឹម សុភាព ហៅ វី ភេទ​ប្រុស អាយុ​១៩​ឆ្នាំ ជា​កម្មករ​រោង​ចក្រ ស្នាក់​នៅ​ផ្ទះ​ជួល ភូមិ​ទំនប់ សង្កាត់​ភ្នំពេញ​ថ្មី ខណ្ឌ​សែន​សុខ មាន​ស្រុក​កំណើត​នៅ​ខេត្ដ​បាត់​ដំបង។ រីឯ​ជន​រង​គ្រោះ​ឈ្មោះ ហួត ហ៊ាង ប្រុស អាយុ​៣៣​ឆ្នាំ រត់​ម៉ូតូ​ឌុប ស្នាក់​នៅ​ផ្ទះ​បង​ប្អូន​ក្នុង​ភូមិ​ប៉ប្រក​ខាង​ត្បូង សង្កាត់​កាកាប ខណ្ឌ​ពោធិ៍​សែន​ជ័យ មាន​ស្រុក​កំណើត​នៅ​ខេត្ដ​កំពង់​ចាម រង​របួស​៣​កន្លែង គឺ​ចំ​ថ្ពាល់​១កាំបិត ក​១​កាំបិត និង​ដៃ​ឆ្វេង​១កាំបិត។

តាម​សម្តី​ជន​រង​គ្រោះ​ថា ជន​ល្មើស​ហៅ​ម៉ូតូ​ជិះ​ពី​មុខ​ស្ដាយ​ក្លិប មក​ដល់​ម្ដុំ​មណ្ឌល​សុខ​ភាព​ទឹក​ថ្លា​មក​ដល់​ទី​ងងឹត​ស្ងាត់​ក៏​យក​ដៃ​ខ្ទប់​ភ្នែក​និង​យក​កាំបិត​អារក​គាត់ ប៉ុន្តែ គាត់​ស្រែក​ឲ្យ​គេ​ជួយ ភ្ញាក់​ផ្អើល​គេ​ឯង និង​ឮ​ដល់​កង​កម្លាំង​នគរបាល​មក​អន្តរាគមន៍​ចាប់​ខ្លួន​ជន​ល្មើស​តែ​ម្តង។

ទាក់ទង​នឹង​ករណី​នេះ​លោក ម៉ក់ ហុង អធិការ​នគរបាល​ខណ្ឌ​សែន​សុខ​មិន​ឆ្លើយ​តប​តាម​ទូរស័ព្ទ ទេ ឯ​លោក សុខ ឆន អធិការ​រង​បាន​ប្រាប់​ថា ជន​សង្ស័យ​កំពុង​តែ​ឃាត់​ខ្លួន និង​សាក​សួរ​នៅ​អធិការ​ដ្ឋាន​នៅ​ឡើយ។ លោក​អធិការ​រង​មិន​អាច​លម្អិត​ព័ត៌មាន​បាន​ទេ ដោយ​សារ​តែ​លោក​កំពុង​ធ្វើ​ដំណើរ​ចុះ​ទៅ​តាម​ខេត្ត៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។