The Phnom Penh Post Search

Search form




Logo of Phnom Penh Post newspaper Phnom Penh Post - គ្រោះថ្នាក់​ចរាចរណ៍ ២ លើក​ស្លាប់ ៦ និង​រងរបួស ៨ នាក់

គ្រោះថ្នាក់​ចរាចរណ៍ ២ លើក​ស្លាប់ ៦ និង​រងរបួស ៨ នាក់

Content image - Phnom Penh Post

គ្រោះថ្នាក់​ចរាចរណ៍ ២ លើក​ស្លាប់ ៦ និង​រងរបួស ៨ នាក់

ត្បូងឃ្មុំ/បាវិតៈ យ៉ាង​ហោច​មាន​មនុស្ស ៦ ​នាក់​ស្លាប់ និង​ ៨ ​នាក់​របួស​ធ្ងន់​ស្រាល​ក្នុង​គ្រោះថ្នាក់​ចរាចរណ៍​ ២ លើក​មួយ​នៅ​ខេត្ដ​ត្បូងឃ្មុំ​ពី​ថ្ងៃ​សៅរ៍​ និង​មួយ​ករណី​ទៀត​នៅ​ខេត្ត​ស្វាយរៀង​ព្រឹក​ម្សិលមិញ។

គ្រោះថ្នាក់​ទី​មួយ​ក្នុង​ស្រុក​មេមត់​រថយន្ត​មួយ​គ្រឿង​បាន​បុក​ម៉ូតូ​ពីរ​គ្រឿង​ធ្វើឲ្យ​មនុស្ស​ ៣ ​នាក់​ស្លាប់​ និង​ ៦ ​នាក់​របួស​។ ​នេះ​បើ​តាម​លោក សូ សារ៉ាត ​នាយការិយាល័យ​នគរបាល​ចរាចរណ៍​ខេត្ត​។ លោក​ថា៖ «​កង់​បែក​ធ្វើឲ្យ​រថយន្ត​ក្រឡាប់​ហើយ​បុក​ម៉ូតូ​ពីរ​គ្រឿង​ដែល​កំពុង​ធ្វើ​ដំណើរ​»។

លោក​ឲ្យ​ដឹង​ថា ​អ្នក​បើក​រថយន្ត​បង្ក​ឈ្មោះ ឡុង វិត អាយុ ២៨ ឆ្នាំ បាន​រងរបួស​កំពុង​ត្រូវ​ឃាត់​ខ្លួន​រីឯ​ប្រពន្ធ​គាត់ ឈ្មោះ ជុន វត្តី អាយុ ២៤ ឆ្នាំ បាន​ស្លាប់​ហើយ​ព្រូ​គឺ​លោក កុយ ភ័ក្រ្ត អាយុ​ ៣៥ ឆ្នាំ​រងរបួស​ធ្ងន់​។ ដោយ​ឡែក​អ្នក​ជិះ​ម៉ូតូ​ទី ១ និង​កូន​ប្រុស​អាយុ​ ៣ ឆ្នាំ​បាន​ស្លាប់​ឯ​ប្រពន្ធ​គាត់​របួស​ធ្ងន់​»។

បន្ទាប់មក​រថយន្ត​បាន​បុក​ម៉ូតូ​ទី ២ បើកបរ​ដោយ​បុរស​ម្នាក់​កំពុង​ដឹក​ប្រពន្ធ និង​កូនស្រី​អាយុ ២ ឆ្នាំ​បណ្ដាលឲ្យ​ប្ដី​ប្រពន្ធ​របួស​ធ្ងន់ និង​កូន​របួស​ស្រាល​កំពុង​ព្យាបាល​នៅ​មន្ទីរពេទ្យ។

លោក ឈឹម គឹមហុង ស្នងការរង​ខេត្ត​ថ្លែង​ថា​បើក​រថយន្ដ​គ្មាន​ពាក់​ខ្សែក្រវាត់​ទេ​មាន​តែ​អ្នក​បើក​ម៉ូតូ​ពាក់​មួក​សុវត្ថិភាព។

ទន្ទឹម​នឹង​នេះ​គ្រោះថ្នាក់​ក្នុង​ក្រុង​បាវិត​ខេត្ត​ស្វាយរៀង​ឯ​នោះ​វិញ​មាន​មនុស្ស​ ៣ នាក់​ស្លាប់​ និង​ ២ ​នាក់​​របួស​ដោយសារ​រថយន្ត​ Lexus ​បើក​លឿន​បុក​ពី​ក្រោយ​ត្រាក់ទ័រ​បណ្ដាល​ឲ្យ​អ្នក​បើក​ត្រាក់ទ័រ និង​ព្រូ​ស្លាប់ ឯ​បុរស​ម្នាក់​ទៀត​របួស​ស្រាល​។ នេះ​បើ​តាម​លោក​ ម៉ៅ ភីនភារម្យ មេ​ប៉ុស្តិ៍​បាវិត​ឲ្យ​ដឹង។

លោក​ថា​ អ្នក​បើក Lexus របួស​ធ្ងន់​ហើយ​កំពុង​ព្យាបាល​នៅ​មន្ទីរពេទ្យ រីឯ​មិត្តភក្តិ​របស់​គាត់​ដែល​ជា​មន្រ្តី​កងរាជ​អាវុធហត្ថ​ខេត្ត​បាន​ស្លាប់​។ ទាំង​ត្រាក់ទ័រ និង​រថយន្ត Lexus ត្រូវ​បាន​សមត្ថកិច្ច​អូស​ទៅ​រក្សា​ទុក៕

អត្ថបទគួរចាប់អារម្មណ៍