The Phnom Penh Post Search

Search form




Logo of Phnom Penh Post newspaper Phnom Penh Post - ឃាត់​ខ្លួន​ក្រុម​ជួញ​ថ្នាំ​ញៀន​ធំ​មួយ​ជិត​ពេទ្យ​លោក​សង្ឃ




ឃាត់​ខ្លួន​ក្រុម​ជួញ​ថ្នាំ​ញៀន​ធំ​មួយ​ជិត​ពេទ្យ​លោក​សង្ឃ

ឃាត់​ខ្លួន​ក្រុម​ជួញ​ថ្នាំ​ញៀន​ធំ​មួយ​ជិត​ពេទ្យ​លោក​សង្ឃ

ភ្នំពេញៈ ជន​សង្ស័យ​៧​នាក់​ក្នុង​នោះ​មាន​ស្រី​៣​នាក់​ផង​ត្រូវ​សមត្ថកិច្ច​ខណ្ឌ​ពីរ ចាប់​ខ្លួន​បន្ត​បន្ទាប់ នៅ​ក្នុង​ខណ្ឌ​ទួល​គោក​និង​ពោធិ៍​សែន​ជ័យ កាល​ពី​ម្សិល​មិញ​ពី​បទ​ចែក​ចាយ​គ្រឿង​ញៀន។

កម្លាំង​ប្រដាប់​អាវុធ​នគរបាល​ប្រមាណ​ជា​ជិត​២០​នាក់ បាន​ធ្វើ​ប្រតិបត្តិ​ការ​ព័ទ្ធ​ចាប់​ជន​ពាក់​ព័ន្ធ​គ្រឿង​ញៀន​នៅ​ផ្ទះ​ជាប់​របង​មន្ទីរ​ពេទ្យ​លោក​សង្ឃ​នោះ ដោយ​មាន​ពាក់​អាវ​ក្រោះ​កាន់់​កាំភ្លើង​អាកា​សម្រុក​ចូល​និង​ចាប់​មនុស្ស​វ័យ​ជំទង់​៤​នាក់​ដាក់​ខ្នោះ មាន​ស្រ្តី២​នាក់ ដែល​ម្នាក់​មិន​ទាន់​ទាំង​ផ្លាស់​រ៉ូប​ដេក​យប់​ចេញ​ផង។​ប្រមាណ​កន្លះ​ម៉ោង​ក្រោយ​នគរបាល​បាន​នាំ​ជន​សង្ស័យ​ប្រុស​ស្រី​២នាក់​មក​ទៀត​។​ម្នាក់​ជា​បុរស​មាន​ស្នាម​សាក់​នៅ​លើ​ដៃ​និង​លើ​ដោះ​ខាង​ឆ្វេង​មាន​រូប​ស្រី​ផង​នោះ ត្រូវ​នគរបាល​អះ​អាង​ថា ជា​មេខ្លោង​ស្នាក់​នៅ​ផ្ទះ​នេះ​ផ្ទាល់​តែ​ម្តង។

លោក ប៊ន សំអាត អធិការ​ខណ្ឌ​ពោធិ៍​សែន​ជ័យ បាន​ប្រាប់​ថា ប្រតិបត្តិ​ការ​កាល​ពី​ព្រឹក​ម្សិល​មិញ​ធ្វើ​ឡើង​បន្ទាប់​ពី​កម្លាំង​លោក ចុះ​ល្បាត​ពី​យប់​ថ្ងៃ​ទី៨ មករា នៅ​ម្តុំ​រង្វង់​មូល​ចោម​ចៅ ប្រទះ​ឃើញ​ជន​សង្ស័យ​២​នាក់ ជិះ​ម៉ូតូ​ម៉ាក​ឃ្លីក​អត់​ស្លាក​លេខ ហើយ​ចាប់​ឆែក​រក​ឃើញ​ថ្នាំ​ញៀន​ម៉ាទឹក​កក មួយ​កញ្ចប់​ទម្ងន់​១ជី មាន​តម្លៃ ២៥០​ដុល្លារ ដែល​ទិញ​ពី​ផ្ទះ​មួយ​នេះ។

លោកបន្តថា ក្រោយ​ការ​សាក​សួរ​រក​មុខ​សញ្ញា ជន​សង្ស័យ​ទាំង​២នាក់ ក៏​បាន​ប្រាប់​ពី​ទីតាំង​ដែល​ពួកគេ​ទិញ ហើយ​នៅ​ម៉ោង​ជាង​៩ព្រឹក​ថ្ងៃ​ទី៩ មករា កម្លាំង​លោក​និង​ខាង​ខណ្ឌ​ទួល​គោក ក៏​ចុះ​ប្រតិបត្តិ​ការ​ឆែក​ឆេរ មាន​ព្រះ​រាជ​អាជ្ញា​រង សៀង សុខ ចូល​រួម​ផង។

លោក​ប្រាប់​ថា ការ​ចុះ​បង្ក្រាប​ដល់​ទីតាំង​លក់​គ្រឿង​ញៀន នៅផ្ទះ​លេខ​២៧ ផ្លូវ​១៣ សង្កាត់​ទឹក​ល្អក់១ ខណ្ឌ​ទួល​គោក​សមត្ថកិច្ច​ឃាត់​ខ្លួន​ជន​សង្ស័យ​សរុប​៧នាក់​ក្នុង​នោះ​មាន​ស្រី​៣នាក់​ផង។

លោកអះអាងថា៖ «ពួកគេ​ភាគ​ច្រើន​ជា​ភ្នាក់​ងារ​ចែក​ចាយ​គ្រឿង​ញៀន​យ៉ាង​សកម្ម​និង​ជា​មុខ​សញ្ញា​ធំ​បំផុត​នៅ​រាជធានី»។ បើ​តាម​មេ​ខ្លោង​ឆ្លើយ​សារភាព​ថា៖​«ក្នុង​១យប់ៗ​គេ​ចែក​ចាយ​ថ្នាំ​ពី​កន្លះ​គីឡូ​ទៅ​១​គីឡូ​ក្រាម។ ប៉ុន្តែ ដោយ​ប្រតិបត្តិ​ការ​ប្រើ​ពេល​យូរ​ជិត​៣​ម៉ោង ដូច្នេះ​វត្ថុ​តាង​ត្រូវ​ពួកគេ​បំផ្លាញ​ចោល​អស់​ចាប់​បាន​តែ​មនុស្ស​៤នាក់ និង​ឧបករណ៍​សម្រាប់​ជក់ ខ្លះ​តែ​ប៉ុណ្ណោះ»។ លោក​ថា ជន​សង្ស័យ​ជា មេខ្លោង​ត្រូវ​ឃាត់​ខ្លួន​ឈ្មោះ ហេង សេង អាយុ​៣០​ឆ្នាំ មុខ​របរ លក់​រថយន្ត។

លោក ប៊ន សំអាត ថា វត្ថុតាង​ដែល​រឹប​អូស​រួម​មាន​កញ្ឆា​ក្រៀម​១កញ្ចប់​តូច រុក្ខជាតិ​ក្រៀម១​កញ្ចប់ ថង់​ច្រក​ថ្នាំ​ញៀន ប្រដាប់​ជក់​១ ទូរស័ព្ទ​ដៃ​៥​គ្រឿង លិខិត​ឆ្លង​ដែន​សញ្ជាតិ​ខ្មែរ​២ក្បាល កុំ​ព្យូទ័រ​យួរ​ដៃ១ ID​ម៉ាក​ម៉ូតូ​រ៉ូឡា​១គ្រឿង នាឡិកា​ដៃ​៧​គ្រឿង ម៉ូតូ​យ៉ាម៉ា​ហា​XT ពាក់​ស្លាក​គ-1455​និង​ម៉ាក RL រួម​នឹង​រថយន្ត​ស៊ីលីកា​ពាក់​ស្លាក 2T-3122 និង​កាំភ្លើង​ខ្លី​ម៉ាក​ប្រាហា​១ដើម​បង់​១មាន​គ្រាប់​៤​គ្រាប់។

លោកថា ជន​សង្ស័យ​ទាំង៧​នាក់ ត្រូវ​កម្លាំង​នគរបាល​ខណ្ឌ​ពោធិ៍​សែន​ជ័យ​នាំខ្លួន​ទៅ​ស៊ើប​សួរ​និង​ស្រាវ​ជ្រាវ​ជាបន្ត៕

អត្ថបទគួរចាប់អារម្មណ៍