The Phnom Penh Post Search

Search form




Logo of Phnom Penh Post newspaper Phnom Penh Post - ឃាត់​ខ្លួន​សន្តិ​សុខ​ឯក​ជន​​​លួច​គ្រឿង​អលង្ការជិត​៣​ម៉ឺនដុល្លារ​




ឃាត់​ខ្លួន​សន្តិ​សុខ​ឯក​ជន​​​លួច​គ្រឿង​អលង្ការជិត​៣​ម៉ឺនដុល្លារ​

ឃាត់​ខ្លួន​សន្តិ​សុខ​ឯក​ជន​​​លួច​គ្រឿង​អលង្ការជិត​៣​ម៉ឺនដុល្លារ​

សៀមរាបៈ សមត្ថកិច្ច​​ចម្រុះ​ខេត្ត​សៀមរាប​និង​ពោធិ៍​សាត់​បាន​ចាប់​ខ្លួន​ជន​សង្ស័យ​ម្នាក់​ ដែល​​ជា​សន្តិ​​សុខ​ឯក​ជន ​​បាន​ចម្លង​សោ​ទ្វារ​ចូល​លួច​គ្រឿង​អលង្ការនៅ​​ក្នុង​ហាង​លក់​វត្ថុ​អនុស្សាវរីយ៍​មួយកន្លែ​ង​នៅ​សង្កាត់​ស្វាយ​ដង្គំ ក្រុង​​សៀម​រាប​ ​មាន​តម្លៃ​ជិត​៣​ម៉ឺន​ដុល្លារ​ កាល​ពី​ថ្ងៃ​​ទី​៨ ខែ​​កុម្ភៈ​ ឆ្នាំ២០១៣​។​

លោក​ ណុល ​រុង​ នាយ​រង​ការិយា​ល័យ​ព្រហ្ម​ទណ្ឌ​កម្រិត​ធ្ងន់​ខេត្ត​សៀមរាប​ឲ្យ​ដឹង​ថា​ជន​សង្ស័យ​​ជា​កង​សន្តិសុខ​ឯក​ជន បម្រើការ​នៅ​ក្រុម​​ហ៊ុន​ស្តារ​ ឈ្មោះ​​សន​ សឿន​ហៅថៃ​ ថុ​​ល​ ភេទ​​​ប្រុស​ អាយុ​​​៤៧​​ឆ្នាំ​ មាន​​ស្រុក​កំណើត​​នៅ​​ឃុំ​​​បន្ទាយ​ដែក​ ស្រុក​​លើក​ដែក​ ខេត្ត​កណ្តាល​ ត្រូវ​បាន​​សមត្ថកិច្ច​ឃាត់​ខ្លួន​ ​នៅរសៀ​ល​​ថ្ងៃទី​​៨​​ខែកុម្ភៈ​ ក្នុង​ផ្ទះ​​សំណា​ក់​​ញិ​ន​​សិ​ន​ថ្មី​ ក្នុង​ភូមិ​​ថ្ន​ល់​​បំបែក​ សង្កាត់​​រលាប​​ក្រុង​​ពោធិ៍​សាត់​​ខេត្ត​ពោធិ៍សា​ត់។ លោក​បាន​ឲ្យ​ដឹង​ទៀត​ថា​ ៖«បច្ចុប្បន្ន​​ជន​សង្ស័យ​កំពុង​ឃាត់​ខ្លួន​នៅ​ស្នង​​ការ​ន​គរ​​បាល​ខេត្ត​ ​ដើម្បី​ធ្វើ​ការ​សាក​សួរ​​ស្រាវ​ជ្រាវ​រក​អ្នកស​មគំ​និត ​ព្រោះជ​ន​សង្ស័យ​មិន​មែន​ជា​វេន​​យាម​របស់​ខ្លួន​តែ​ដូរ​មក​យាម​នៅ​ហាង​នោះ»។

លោក​បាន​ឲ្យ​ដឹង​ទៀត​ថា​ ជន​សង្ស័យ​ពី​មុន​ធ្លា​ប់​​ត្រូវ​បានខាង​ក្រុម​ហ៊ុន​ ​បញ្ជូន​ឲ្យ​ទៅ​យាម​នៅ​ហាង​នោះ​ តែ​មួយ​រយៈ​ក្រោយ​មក​ក៏​ឈប់​យាម​ដោយ​ផ្លាស់​ទៅ​យាម​នៅ​កន្លែង​ផ្សេង​ តែ​នៅយប់​ថ្ងៃ​កើត​ហេតុ​នោះ​គាត់​បាន​ដោះដូ​រ​វេន​យាម​ជា​មួយ​គូក​ន​របស់​​គាត់​មក​យាម​នៅ​កន្លែង​​កើត​ហេតុ​ហើយ​ក៏​ធ្វើសកម្ម​ភាព​តែម្ត​ង​។​

​លោកបាន​​ឲ្យ​ដឹង​ថា​ ជនសង្ស័យ​​បាន​ធ្វើ​សកម្ម​ភាព​កាល​ពី​​​ម៉ោង​​៣​​ទៀប​ភ្លឺ​​ថ្ងៃ​ទី​​៥​ខែ​កុម្ភៈ ​ឆ្នាំ​​២០​១៣​ ដោយ​បើក​សោទ្វា​រ​ចូល​លួច​ក្នុង​​ហាង​លក់​វត្ថុអនុស្សាវរីយ៍​មួយ​កន្លែង​ ​ស​រុ​ប​​ជា​ទឹក​ប្រាក់​ទៅ​ប្រហែល​ជា​២​​ម៉ឺ​ន​៦​​ពាន់​​ដុល្លារ​។​​ ​វត្ថុ​​មាន​តម្លៃ​​មួយ​ចំនួន​​ត្រូវ​ជន​សង្ស័យ​យក​​ឲ្យឪពុក​ក្មេក​​នៅ​ឯខេត្ត​ពោធិ៍​សាត់​ហើយ​​សមត្ថ​កិច​្ច​​ក៏​បាន​​ឲ្យ​​ជន​សង្ស័យ​​នាំទៅយក​​​មក​វិញ​​ តែ​មិ​ន​​ដឹង​ថាគ្រ​ប់​ចំនួន​ឬយ៉ា​ងណា​ទេ​​។​ លោក​ បាន​​ឲ្យ​ដឹង​ថា​៖ «​ជន​សង្ស័យ​បាន​សារភាព​ថា​ ​ក្រោយពី​​លួច​បាន​គេ​យក​គ្រឿង​អលង្ការ​រនោះ​ទៅ​​ផ្ញើ​នឹង​ឪ​ពុក​ក្មេក​»។

លោក​ស៊ឹង សុ​ភ័​ក្រ​ នាយកា​រិយាល័យ​​ព្រហ្ម​ទណ្ឌ​​ស្នងការ​​ខេត្តពោ​ធិ៍​សាត់​ ឲ្យ​​ដឹង​ថាបន្ទា​ប់​ពី​ឃាត់ខ្លួន​បាន​សមត្ថកិច្ច​បាន​ឲ្យជ​ន​សង្ស័​យ​​នាំ​ទៅ​យក​វត្ថុ​តាង​ពី​​​ឪពុ​ក​ក្មេក​ទាំង​យប់​។

ក្រុម​ហ៊ុន​សន្តិសុខ​​ស្តារមិ​នអា​ចទា​ក់ទង​ដើម្បី​​ធ្វើ​ការ​បំភ្លឺ​បាន​ទេ​កាល​ពីថ្ងៃ​ម្សិល​មិញ៕

អត្ថបទគួរចាប់អារម្មណ៍