The Phnom Penh Post Search

Search form




Logo of Phnom Penh Post newspaper Phnom Penh Post - ឃាត់​ខ្លួន​សិស្ស​ជម្ពូវ័ន​ប្រើ​ដាវ​កាំបិត​បង្ក​ជម្លោះ​៩នាក់




ឃាត់​ខ្លួន​សិស្ស​ជម្ពូវ័ន​ប្រើ​ដាវ​កាំបិត​បង្ក​ជម្លោះ​៩នាក់

ឃាត់​ខ្លួន​សិស្ស​ជម្ពូវ័ន​ប្រើ​ដាវ​កាំបិត​បង្ក​ជម្លោះ​៩នាក់

ភ្នំពេញៈ សិស្ស​សាលា​ជម្ពូវ័ន​ចំនួន​៩នាក់ ក្នុង​ចំណោម​បក្ខ​ពួក​ជាង​២០​នាក់ ត្រូវ​កម្លាំង​សមត្ថកិច្ច​ខណ្ឌ​សែនសុខ​និង​ខណ្ឌ​ពោធិ៍សែន​ជ័យ​ស្ទាក់​ចាប់​ឃាត់​ខ្លួន​ដើម្បី​សាក​សួរ ខណៈ​ពួក​គេ​ប្រើ​ដាវ​និង​កាំបិត​សម្រុក​ចូល​ទៅ​កាប់​កម្ទេច​ម៉ូតូ ក្នុង​ជម្លោះ​ជាមួយ​សិស្ស​វិទ្យាល័យ​សម្ដេច​ហ៊ុនសែន​ភ្នំពេញ​ថ្មី ឲ្យ​ខូចខាត​អស់​៧​គ្រឿង​កាលពី​ថ្ងៃអាទិត្យ។

លោក ប៊ន សំអាត អធិការ​ខណ្ឌ​ពោធិ៍សែនជ័យ បាន​ប្រាប់​ឲ្យ​ដឹង​ថា​ក្រុម​សិស្ស​រៀន​នៅ​សាលា​ជម្ពូវ័ន​ជិត​២០​នាក់​ប្រើ​ម៉ូតូ​ប្រមាណ​ជា​១០​គ្រឿង បាន​បង្ក​ជម្លោះ​ជាមួយ​នឹង​ក្រុម​សិស្ស​វិទ្យាល័យ​សម្តេច​ហ៊ុនសែន​ភ្នំពេញ​ថ្មី រួច​បាន​សម្រុក​ចូល​ទៅ​កាប់​កម្ទេច​ម៉ូតូ​ដល់​ក្នុង​សាលា បណ្តាល​ឲ្យ​ខូចខាត​អស់​ម៉ូតូ​ចំនួន​៧​គ្រឿង កាលពី​ថ្ងៃទី​២៧ តុលា។

លោក​បាន​បន្ត​ថា ៖ «ក្រុម​សិស្ស​ទាំង​នោះ បន្ទាប់​ពី​បង្ក​បទល្មើស​ហើយ ពួក​គេ​នាំ​គ្នា​រត់​គេច​តែ​ដោយ​ខណ្ឌ​មាន​ព្រំ​ជាប់​គ្នា​ខណ្ឌ​ពោធិ៍សែនជ័យ យើង​ក៏​ពង្រាយ​កម្លាំង​ស្ទាក់​ចាប់​ប្រគល់​ឲ្យ​ទៅ​នគរបាល​ខណ្ឌ​សែន​សុខ​ដើម្បី​ចាត់​ការ» ។

លោក សុខ ឆន អធិការរង​នគរបាល​ខណ្ឌ​សែនសុខ​ប្រាប់​ភ្នំពេញ ប៉ុស្តិ៍​ថា ក្រុម​សិស្ស​នៅ​សាលា​ជម្ពូវ័ន​ដែល​បាន​បង្ក​ជម្លោះ​នោះ​សមត្ថកិច្ច​កំពុង​បន្ត​ឃាត់​ខ្លួន​នៅ​អធិការ​ខណ្ឌ ដើម្បី​សាកសួរ ហើយ​បើ​ត្រូវ​ចោទ​ប្រកាន់ នោះ​ពួក​គេ​អាច​ត្រូវ​ប្រឈម​នៅ​តុលាការ​ផង។

លោក ម៉ក់ ហុង អធិការ​នគរបាល​ខណ្ឌ​សែនសុខ​បាន​ប្រាប់​ដែរ​ថា៖«យើង​ឃាត់​បាន​ម៉ូតូ​របស់​សិស្ស​វិទ្យាល័យ​សំរោង​អណ្ដែត ៧​គ្រឿង ដែល​ត្រូវ​ក្រុម​សិស្ស​សាលា​ជម្ពូវ័ន​កាប់​ឲ្យ​ខូចខាត មាន​ម៉ូតូ​ម៉ាក​ហុងដា​សេ125 ពាក់​ស្លាក​លេខ 1F-9827, 1BC-8646, 1BQ-0914, 1AD-9514 ,ម៉ូតូ​ម៉ាក​អាយខន​ពាក់​ស្លាក​លេខ 1AG-6188 ម៉ាក​ស្មាស់​ពាក់​ស្លាក​លេខ 1U-9153 និង​ម៉ូតូ​ម៉ាក​ហ្វីណូ ពាក់​ស្លាក​លេខ 1T-5702។

លោក ម៉ក់ ហុង បាន​ប្រាប់​ថា ៖ «ក្រុម​សិស្ស​ទាំង​៩​នាក់​នោះ យើង​កំពុង​តែ​សាក​សួរ​រក​អ្នក​ណា​ខ្លះ​ប្រព្រឹត្ត​ល្មើស ហើយ​បើ​រក​ឃើញ​ថា ពួក​គេ​មាន​កំហុស​សមត្ថកិច្ច​នឹង​អនុវត្ត​ទៅ​តាម​វិធានការ​ច្បាប់»។

ក្រុមសិស្ស​ដែល​មាន​ជម្លោះ​នឹង​គ្នា​ទាំង​ពីរ​ក្រុម​មិន​អាច​ទាក់ទង​រក​ការ​បញ្ជាក់​បាន​ទេ​កាល​ពី​ម្សិលមិញ៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។