The Phnom Penh Post Search

Search form




Logo of Phnom Penh Post newspaper Phnom Penh Post - ចង​ទង់​ជាតិ​កាន់​ទុក្ខ​សម្តេច​ឪ​ខ្សែ​ភ្លើង​ឆក់​ស្លាប់​ម្នាក់​របួស​២នាក់




ចង​ទង់​ជាតិ​កាន់​ទុក្ខ​សម្តេច​ឪ​ខ្សែ​ភ្លើង​ឆក់​ស្លាប់​ម្នាក់​របួស​២នាក់

ចង​ទង់​ជាតិ​កាន់​ទុក្ខ​សម្តេច​ឪ​ខ្សែ​ភ្លើង​ឆក់​ស្លាប់​ម្នាក់​របួស​២នាក់

121019_10b
ពលរដ្ឋខ្មែរគោរពវិញ្ញាណក្ខន្ធសម្តេចឪដែលសោយទិវង្គត ហេង ជីវ័ន

បន្ទាយមានជ័យៈ លោក​តា​អាចារ្យ​និង​ព្រះ​សង្ឃ​១អង្គ រង​របួស ខណៈ​លោក​តា​អាចារ្យ​ម្នាក់​ទៀត​បាន​ឆក់​ខ្សែ​ភ្លើង​ស្លាប់​កាល​ពី​ថ្ងៃ​ទី១៦ តុលា ពេល​លើក​ទង់​ជាតិ​ទម្លាក់​ចុះ​មក​ពាក់​កណ្តាល​ដង​កាន់​ទុក្ខ ព្រះ​បរម​សព​សម្តេច​ឪ ព្រះ​បាទ នរោត្តម សីហនុ។

លោក ឆេង អ៊ីសុខា អធិការ​នគរបាល​ស្រុក​អូរ​ជ្រៅ បាន​ប្រាប់​ឲ្យ​ដឹង​ថា ចៅ​អធិការ​វត្ត​ព្រះ​នាម​ណុប វិចូរ ព្រះ​ជន្ម​៤៥​វស្សា​និង​លោក​តាអាចារ្យ ប៉ុន ព្រឿង​អាយុ​៥៣​ឆ្នាំ​បាន​រង​របួស ឯ​លោក​តា​អាចារ្យ យាន ណែក អាយុ​៧៥​ឆ្នាំ ត្រូវ​ខ្សែ​ភ្លើង​ឆក់​ស្លាប់​នៅ​ព្រឹក​ថ្ងៃ​ទី១៦ តុលា នៅ​វត្ត​សំរោង ឃុំ​សំរោង ស្រុក​អូរ​ជ្រៅ ខេត្ត​បន្ទាយ​មាន​ជ័យ។

លោក​បន្ត​ថា៖​«ក្នុង​បំណង​ចូល​រួម​មរណៈ​ទុក្ខ​ព្រះ​បរមសព​សម្តេច​ព្រះ នរោត្តម សីហនុ លោក​តា​អាចារ្យ​ទាំង​២​និង​ព្រះ​ចៅ​អធិការ​វត្ត​បាន​នាំ​គ្នា​ទៅ​លើក​ដង​ទង់​ជាតិ​ធ្វើ​ពី​ដែក​កម្ពស់​១២​ម៉ែត្រ ដើម្បី​ចង​ទង់​ជាតិ​ត្រឹម​ពាក់​កណ្តាល​ដង​ប៉ុន្តែ​ដង​ទង់​ដែក​នោះ​បាន​ទៅ​ប៉ះ​នឹង​កាពិ៍​ខ្សែ​ភ្លើង​ឆក់»។

លោក​ថា តាអាចារ្យ​ម្នាក់​សន្លប់​ដោយ​ឆេះ​ខ្លោច​សាច់​និង​រង​របួស​ជើង​ឆ្វេង ព្រះ​សង្ឃ​១​អង្គ​ត្រូវ​ឆេះ​ត្រង់​ក​និង​ជើង​ទាំង​សង​ខាង​ត្រូវ​បញ្ជូន​ទៅ​មន្ទីរ​ពេទ្យ​បង្អែក​ស្វាយ​រីឯ​តា​អាចារ្យ​ម្នាក់​ទៀត​ដោយ​សារ​តែ​របួស​ធ្ងន់ មិន​អាច​សង្រ្គោះ​ជីវិត​បាន​ទេ​ទោះ​អ្នក​ភូមិ​ព្យាយាម​នាំ​យក​ទៅ​សង្គ្រោះ​ក៏​ដោយ។

លោក អ៊ុក កែវរតនៈ អ្នក​នាំ​ពាក្យ​សាលា​ខេត្ត​បន្ទាយ​មាន​ជ័យ​បាន​ប្រាប់​ថា ដោយ​សារ​តែ​នៅ​ឆ្ងាយ​ពេក​ប្រជាពលរដ្ឋ​នៅ​ក្នុង​ខេត្ត​មាន​ចំនួន​មិន​ច្រើន​ទេ មក​កាន់​រាជធានី​ភ្នំពេញ ដើម្បី​ចូល​រួម​កាន់​ទុក្ខ​ព្រះ​បរមសព​សម្តេច​តា​សម្តេច​តាទួត ប៉ុន្តែ​អាជ្ញាធរ​ខេត្ត​បាន​ចាត់​ឲ្យ​មាន​ការ​កាន់​ទុក្ខ​នៅ​តាម​វត្ត​អារាម។

លោក​បន្ត​ថា៖ «ចាប់​ពី​ម៉ោង​៣​រសៀល​ថ្ងៃ​ពុធ ដែល​ត្រូវ​នឹង​ការ​យាង​និវត្តន៍​ព្រះ​បរមសព​សម្តេច​ព្រះ​មហា​វីរក្សត្រ ព្រះ នរោត្តម សីហនុ មក​កាន់​រាជធានី​ភ្នំពេញ​ប្រជាពលរដ្ឋ​គ្រប់​ស្រុក​ត្រូវ​ចូល​វត្ត​គោរព​វិញ្ញាណ​ក្ខន្ធ​ព្រះ​អង្គ​ទាំង​ជាង​៤០​វត្ត​នៅ​ក្នុង​ខេត្ត ត្រូវ​ទូង​ស្គរ​ព្រមៗ​គ្នា​ដើម្បី​លំឱន​កាយ​គោរព​វិញ្ញាណ​ក្ខន្ធ​បង្សុ​កូល​ទៅ​តាម​ប្រពៃណី​របស់​ពុទ្ធ​សាសនា»៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។