The Phnom Penh Post Search

Search form

Logo of Phnom Penh Post newspaper Phnom Penh Post - ចាប់​បញ្ជូនជន​សង្ស័យ​​ ២​នាក់​​​ទៅ​ខេត្ត​ពី​បទ​ចោរ​កម្ម




ចាប់​បញ្ជូនជន​សង្ស័យ​​ ២​នាក់​​​ទៅ​ខេត្ត​ពី​បទ​ចោរ​កម្ម

ចាប់​បញ្ជូនជន​សង្ស័យ​​ ២​នាក់​​​ទៅ​ខេត្ត​ពី​បទ​ចោរ​កម្ម

កំពង់​ចាមៈ ជន​សង្ស័យ​២នាក់​ត្រូវ​នគរ​បាល​ស្រុក​កំពង់​សៀម​ចាប់​បញ្ជូន​ទៅ​ស្នង​ការ​ខេត្ត​​កាល​ពី​ល្ងាច​ថ្ងៃទី២៧​ ខែកុម្ភៈ​ ពី​​បទ​ចោរ​កម្ម​ នៅ​​ភូមិ​ខែល​ជ័យ​ ស្រុក​កំព​ង់​សៀម​​ ខេត្ត​កំពង់​ចាម។

លោក​ ចក់​ សុខ​កៅ ​អធិការ​រង​ស្រុក​នេះប្រាប់​ថា ​ពួក​គេ​ត្រូវ​បាន​កសាង​សំណុំរឿង​បញ្ជូន​ទៅ​ស្នង​ការ​ខេត្ត​កាល​ពី​រ​សៀលថ្ងៃ​ពុធពី​បទ​ចោរ​កម្ម​​ បន្ទាប់​ពី​ដេញ​ចាប់​បាន​ពី​ការ​​​បើកម៉ូតូ​​បុក​បា​រ៉ា​ស់​និង​បុក​កម្លាំង​ឈរនៅតាម​ដងផ្លូវ​ដើម្បី​គេ​ច​ពី​ការ​ឆែក​ឆេរ​​។​​ ​​លោក​ថា ពួកគេ​ជិះម៉ូតូ​ម៉ាក​វ៉េវ​ឌុ​ប​​គ្នា​​​ប៉ង​ចូល​​ក្រុង​កំពង់ចាម​ ក្នុង​បំ​ណង​ទៅ​លួច​កាច់​សោ​.​ក​ម៉ូតូ​គេ ​ព្រោះ​ប៉ូ​លិសរឹបអូសបាន​កូន​​សោ​លេខ​៨១ ​កន្ទុយ​អន្ទង់ទុកបុក​កាច់​សោ​ក១និងកូន​សោ​មួយ​ចង្កោម។

លោកថា បុរស​សង្ស័យឈ្មោះ​​ សាន​ អ៊ូ​ អាយុ​១៨​ឆ្នាំ​ នៅ​ភូមិ​-​ឃុំ​បុស្ស​ខ្នុរ​ ស្រុក​ចំការលើ​ ធ្លាប់​ជាប់​ពន្ធនា​គារ​៣​ដងពី​បទ​​ជួញដូរ​ថ្នាំ​ញៀន​និងលួចម៉ូតូគេ រី​ឯឈ្មោះ​ សុខ​ ច្រូច អាយុ​២៦​ឆ្នាំ​ រស់​នៅ​ភូមិ​១០​មក​រា​ ឃុំ​បុស្ស​ខ្នុរ ធ្លាប់​ជាប់​គុក២​ដង​ពីបទ​លួច​ម៉ូតូ​៕​​

អត្ថបទគួរចាប់អារម្មណ៍