The Phnom Penh Post Search

Search form




Logo of Phnom Penh Post newspaper Phnom Penh Post - ចាប់​បញ្ជូន​ខ្លួន​មន្ត្រី​យោធា​ម្នាក់​រំលោភ​កូន​ខ្លួន​ឯង​ទៅ​តុលាការ




ចាប់​បញ្ជូន​ខ្លួន​មន្ត្រី​យោធា​ម្នាក់​រំលោភ​កូន​ខ្លួន​ឯង​ទៅ​តុលាការ

ចាប់​បញ្ជូន​ខ្លួន​មន្ត្រី​យោធា​ម្នាក់​រំលោភ​កូន​ខ្លួន​ឯង​ទៅ​តុលាការ

តាកែវៈ នគរបាល​ស្រុក​បាទី​នឹង​បញ្ជូន​ខ្លួន​ជន​សង្ស័យ​ជា​មន្រ្តី​យោធា​កង​វិស្វកម្ម​ម្នាក់​ទៅ​សាលា​ដំបូង​ខេត្ត​តាកែវ​នៅ​ថ្ងៃ​ពុធ​នេះ​បន្ទាប់​ពី​អាជ្ញាធរ​ចាប់​ឃាត់​ខ្លួន​ក្នុង​បទ​បៀត​បៀន​កេរិ៍​ខ្មាស​លើ​កូន​ស្រី​បង្កើត​របស់​ខ្លួន​កាល​ពី​ថ្ងៃ​អង្គារ​ម្សិលមិញ។

លោក ឃុតឡូ អធិការ​នគរបាល​ស្រុក​បាទី​បាន​ឲ្យ​ដឹង​ថា ជន​សង្ស័យ​ជា​ឪពុក​បង្កើត​ឈ្មោះ​តែម រិទ្ធ ហៅវណ្ណៈ អាយុ​៣៧​ឆ្នាំ​ជា​មន្ដ្រី​យោធា​វិស្វកម្ម កង​ទ័ព​ជើង​គោក លេខ​៧៦ ប្រចាំ​នៅ​ត្រាំ​ខ្នា ខេត្ត​តាកែវ។ រីឯ​ក្មេង​ស្រី រង​គ្រោះ​អាយុ​៩ឆ្នាំ​ជា​កូន​ទី២​ក្នុង​ចំណោម​បង​ប្អូន​៣​នាក់។ លោក​ឲ្យ​ដឹង​ថា៖​«ជន​សង្ស័យ​បន្ទាប់​ពី​សាក​សួរ​យើង​បាន​ចោទ​ពី​បទ​បៀត​បៀន​កេរិ៍​ខ្មាស​នឹង​ត្រូវ​បញ្ជូន​ខ្លួន​ទៅ​តុលាការ​នៅ​ថ្ងៃ​ពុធ​នេះ»។

លោកឲ្យដឹង​បន្ត​ថា ជន​សង្ស័យ​ជា​ឪពុក​ត្រូវ​សមត្ថកិច្ច​ឃាត់​ខ្លួន​កាល​ពី​រសៀល​ថ្ងៃ​ទី​២៥ ខែ​ធ្នូ​ទៅ​តាម​ពាក្យ​បណ្ដឹង​របស់​អ៊ុំ ស្រី​ក្មេង​រង​គ្រោះ ដោយ​ក្មេង​ស្រី​រូប​បាន​អះអាង​ថា ត្រូវ​បាន​ឪពុក​របស់​ខ្លួន​ចាប់​រំលោភ​ផ្លូវ​ភេទ​បាន​សម្រេច ស្ថិត​នៅ​ក្នុង​ភូមិ​ត្រពាំង​ឫស្សី ឃុំ សុភី ស្រុក​បាទី ខេត្ដ​តាកែវ។

លោកបានឲ្យដឹងថា តាម​ចម្លើយ​សារភាព​របស់​ជន​សង្ស័យ​ថា មុន​ពេល​កើត​ហេតុ​ខ្លួន​បាន​ឌុប​ប្រពន្ធ​ឈ្មោះ​ស៊ឹង ចន្ថា អាយុ​៣១​ឆ្នាំ​ទៅ​ហូប​ការ លុះ​ពេល​ត្រឡប់​មក​ផ្ទះ​វិញ​ក៏​បាន​នាំ​កូន​ស្រី​ចូល​ទៅ​ក្នុង​បន្ទប់​ទឹក និង​ចាប់​សម្រាត​ខោអាវ​កូន​ស្រី​ដោយ​លើក​កូន​ស្រី​អុក​លើ​ភ្លៅ​របស់​ខ្លួន​តែ​មិន​ធ្វើអ្វី​ក្រៅ​ពី​នេះ​ទេ។ លោក​ឲ្យ​ដឹង​បន្ថែម​ថា ៖​«ជន​សង្ស័យ​ប្រាប់​ខ្ញុំ​ថា​គេ​មាន​ជំងឺ​ម្យ៉ាង​ចង់​តែ​រួម​ភេទ ហេតុ​ដូច​នេះ​ហើយ បាន​ជា​គេ​ប្រព្រឹត្ត​ចំនួន​៣លើក​មក​ហើយ គឺ​នៅ​ខែ​កញ្ញា​ខែ​ធ្នូ តែ​កាល​ពី​ម្សិល​មិញ គេ​បដិសេធ​មិន​បាន​រំលោភ​កូន​ទេ»៕

អត្ថបទគួរចាប់អារម្មណ៍