The Phnom Penh Post Search

Search form




Logo of Phnom Penh Post newspaper Phnom Penh Post - ចាប់​បុរស​កាប់​កូន​មាន​ផ្ទៃ​ពោះ​៨ខែ​បញ្ជូន​ទៅ​ស្នងការ​ខេត្ត




ចាប់​បុរស​កាប់​កូន​មាន​ផ្ទៃ​ពោះ​៨ខែ​បញ្ជូន​ទៅ​ស្នងការ​ខេត្ត

ចាប់​បុរស​កាប់​កូន​មាន​ផ្ទៃ​ពោះ​៨ខែ​បញ្ជូន​ទៅ​ស្នងការ​ខេត្ត

កំពង់ឆ្នាំងៈ ជន​សង្ស័យ​ម្នាក់​ដែល​កាប់​ក្បាល​កូន​ស្រី​ឯង​មាន​ផ្ទៃ​ពោះ៨​ខែ​នឹង​កាំបិត ​ត្នោត​ នៅ​ស្រុក​ទឹក​ផុស ខេត្ត​កំពង់ឆ្នាំង​ ត្រូវ​ចាប់​បញ្ជូន​ទៅ​ស្នងការ​ខេត្ត​ ដើម្បី​ចាត់​វិធានការ​បន្ត​។

លោក ​ខែម វិបុល អធិការរង​ស្រុក​ទឹក​ផុស​បាន​ប្រាប់​ថា ​ជន​សង្ស័យ​រូប​នេះ​ត្រូវ​សមត្ថកិច្ច​​ស្រុក​ទឹក​ផុស​បញ្ជូន​ទៅ​ស្នងការ​ ខេត្ត​កាល​ពី​ម្សិល​មិញ ​បន្ទាប់​ពី​ឃាត់​ខ្លួន​​មួយ​ថ្ងៃ​ពាក់ព័ន្ធ​នឹង​ការ​ប្រើ​អំពើ​ហិង្សា​ ក្នុង​គ្រួសារ។

លោក​ថា៖​«ទោះ​ជា​ជន​សង្ស័យ​ត្រូវ​ជា​ឪពុក​ស្រ្តីជន​រង ​គ្រោះ​ក្តី​ តែ​បទ​ល្មើស​គាត់​បង្ក​ជាក់ស្តែង ត្រូវ​តែ​ចាត់​ការ​ទៅ​តាម​នីតិវិធី​ច្បាប់​ព្រោះ​ជា​អំពើ​ហិង្សា​គ្រួសារ»។

លោក អធិការ​ឲ្យ​ដឹង​ថា ឪពុក​បង្ក​ហេតុ​ ឈ្មោះ សោម​ រឿន​ អាយុ​៥៦​ឆ្នាំ ​ឯ​កូន​ស្រី​រងគ្រោះ​ឈ្មោះ​រ៉ឹម រ៉ុម ​អាយុ​៣៦​ឆ្នាំ ផ្ទៃ​ពោះ​៨ខែ​ រស់​នៅ​ភូមិ​ត្រពាំង​រាំង ឃុំ​អភិវឌ្ឍន៍ ស្រុក​ទឹក​ផុស ខេត្ត​កំពង់ឆ្នាំង។

លោក​រំឭកថា នៅ​ម៉ោង​៥​ល្ងាច​ថ្ងៃ​ទី៣០ មករា កូន​ស្រី​រងគ្រោះ​បាន​ទៅ​ចាប់​កូន​ជ្រូក​ពី​ផ្ទះ​ឪពុក ដែល​នៅ​ជិត​គ្នា បាន​ឃើញ​ឪពុក​កំពុង​ឈ្លោះ​គ្នា​ជាមួយ​ម្តាយ​។ ដោយ​ឃើញ​ឪពុក​ស្រវឹង​និង​ខ្លាច​ឪពុក​វាយ​ម្តាយ​ នាង​ក៏​ទៅ​ឃាត់ កុំ​ឲ្យ​ខ្មាស​គេ។ ស្រាប់​តែ​ឪពុក​គំហក​ឲ្យ​វិញ ហើយ​ស្ទុះ​ទៅ​ទាត់​ធាក់​កូន​ស្រី​កំពុង​ពពោះ​៨​ខែ​និង​យក​កាំបិត​ត្នោត កាប់​ក្បាល​ឲ្យ របួស​ទៅ​ពេទ្យ​ដេរ​អស់​៤​ថ្នេរ៕

អត្ថបទគួរចាប់អារម្មណ៍