The Phnom Penh Post Search

Search form




Logo of Phnom Penh Post newspaper Phnom Penh Post - ចេញ​ពី​ដក​លុយ​នៅ​ទូ​ ATM ត្រូវ​ចោរ​បាញ់​ប្លន់​យក​ម៉ូតូ

ចេញ​ពី​ដក​លុយ​នៅ​ទូ​ ATM ត្រូវ​ចោរ​បាញ់​ប្លន់​យក​ម៉ូតូ

ចេញ​ពី​ដក​លុយ​នៅ​ទូ​ ATM ត្រូវ​ចោរ​បាញ់​ប្លន់​យក​ម៉ូតូ

ភ្នំពេញៈ បុរស​ម្នាក់​ដែល​ទើប​តែ​ដើរ​ចេញ​ពី​ដក​លុយ​នៅ​ទូ ATM តាម​បណ្តោយ​ផ្លូវ​ព្រះសីហនុ​នៅ​យប់​រំលង​អធ្រាត្រ​ត្រូវ​បាន​ក្រុម​ចោរ​ប្លន់​ប្រដាប់​ដោយ​អាវុធ​វាយ​ឆ្មក់​ប្លន់​យក​ម៉ូតូ និង​លុយ​មួយ​ចំនួន​ទៅ​បាត់​ថែម​ទាំង​បាញ់​ជនគ្រោះ​ចំនួន​ពីរ​គ្រាប់​ដេក​ក្នុង​ថ្លុក​ឈាម។

នាយ​ប៉ុស្តិ៍ន​គរបាល​សង្កាត់​បឹងកេងកង ២ លោក ជុំ កុយ ប្រាប់​ភ្នំពេញ​ប៉ុស្តិ៍​ថា​ហេតុការណ៍​កើតឡើង​នៅ​​​ម៉ោង ១ និង​ ៣០ នាទី​រំលង​អធ្រាត្រ​ឈាន​ចូល​ថ្ងៃ​ទី ១០ សីហា ស្ថិត​នៅ​មុខ​ទូ​ ATM របស់​ធនាគារ​ឥណ្ឌូឆាយណា​តាម​បណ្តោយ​ផ្លូវ​ព្រះសីហនុ​កែង​នឹង​ផ្លូវ​លេខ ១១៣ ក្នុង​សង្កាត់​បឹងកេងកង​ទី ២ ខណ្ឌ​ចំការមន។

លោក​បញ្ជាក់​ថា៖ «ក្រុម​ចោរ​មាន​​គ្នា ២ ​នាក់​ជិះ​ម៉ូតូ C 125 ហុងដាឌ្រីម ស៊េរី ២០១៦ ពណ៌​​ខ្មៅ​បាន​ប្លន់​យក​ម៉ូតូ​ជនរងគ្រោះ ហុងដាឌ្រីម ស៊េរី ២០១៦ ពណ៌​ខ្មៅ​ដូច​គ្នា។ ជនរងគ្រោះ​មាន​អាយុ ១៩ ឆ្នាំ​ត្រូវ​ចោរ​ប្លន់​បាញ់​ចំនួន​ពីរ​គ្រាប់​ចំ​ស្មា​ឆ្វេង​ធ្លាយ​មក​ដោះ​ខាង​ស្តាំ និង​ចំ​ភ្លៅ។

បើ​តាម​លោក ជុំ កុយ ក្រោយ​កើត​ហេតុ​ជនរងគ្រោះ​ត្រូវ​បាន​បញ្ជូន​ទៅ​​មន្ទីរពេទ្យ​កាល់ម៉ែត​ហើយ​ត្រូវ​បាន​គ្រូពេទ្យ​ជួយ​សង្គ្រោះ​មិន​មាន​គ្រោះថ្នាក់​ដល់​ជីវិត​ទេ​។

លោក​បាន​ឱ្យ​ដឹង​ថា​ សមត្ថកិច្ច​កំពុង​ធ្វើ​​ឯកសារ​ដើម្បី​ស្វែងរក និង​កំណត់​អត្តសញ្ញាណ​ជនល្មើស។

តាម​ប្រភព​សារព័ត៌មាន​ក្នុង​ស្រុក​បាន​ដកស្រង់​សម្តី​សាក្សី​ដែល​ឃើញ​ហេតុការណ៍​ថា​បន្ទាប់ពី​ដក​លុយ​ជនរងគ្រោះ​ទើប​ដើរ​បាន​ប្រមាណ​ ៦ ម៉ែត្រ​ឡើង​អង្គុយ​លើ​ម៉ូតូ​បម្រុង​ជិះ​ចេញ​ទៅ​ហើយ​ស្រាប់​តែ​មាន​ជនសង្ស័យ ២ នាក់​ជិះ​ម៉ូតូ​ហុងដាឌ្រីម​ស៊េរី​ ២០១៦ ពណ៌​ខ្មៅ​បាន​ជិះ​មក​ដល់​វាយ​​ទៅ​លើ​ជនរងគ្រោះ​ដើម្បី​ប្លន់​យក​​ម៉ូតូ និង​យក​លុយ​ដែល​ទើប​នឹង​ដក​តែ​ជនរងគ្រោះ​មិន​ព្រម​ឱ្យ​តាម​សម្រួល និង​មាន​ការ​ប្រតាយប្រតប់​គ្នា​ហើយ​បាន​ស្រែក​ថា «ចោរ» ទើប​ជនសង្ស័យ​ដក​កាំភ្លើង​ខ្លី​មួយ​ដើម​បាញ់​សំដៅ​ជនរងគ្រោះ​។

ពេល​ដែល​ជនរងគ្រោះ​ប្រតាយ​ប្រតប់​ជាមួយ​ជនសង្ស័យ​​ហើយ​ស្រែក​​ថា​ចោរៗ​អ្នក​ឃើញ​​ហេតុការណ៍​បម្រុង​រត់​ទៅ​ជួយ​ដែរ​តែ​​ឃើញ​ជនសង្ស័យ​ដក​កាំភ្លើង​បាញ់​សំដៅ​ជនរងគ្រោះ​ម្នាក់ៗ​លែង​ហ៊ាន​ចូល​ទៅ​ជួយ៕

អត្ថបទគួរចាប់អារម្មណ៍