The Phnom Penh Post Search

Search form




Logo of Phnom Penh Post newspaper Phnom Penh Post - ចោរ​គាស់​ផ្ទះ​បី​នាក់​ជាប់​អន្ទាក់​អ្នក​ភូមិ​នៅ​ភ្នំពេញ​ថ្មី




ចោរ​គាស់​ផ្ទះ​បី​នាក់​ជាប់​អន្ទាក់​អ្នក​ភូមិ​នៅ​ភ្នំពេញ​ថ្មី

ចោរ​គាស់​ផ្ទះ​បី​នាក់​ជាប់​អន្ទាក់​អ្នក​ភូមិ​នៅ​ភ្នំពេញ​ថ្មី

ភ្នំពេញៈ ជន​សង្ស័យ​៣​នាក់ ត្រូវ​ប្រជាពលរដ្ឋ​ចាប់​បញ្ជូន​ទៅ​អធិការ​ដ្ឋាន​នគរបាល​ខណ្ឌ​សែន​សុខ បន្ទាប់​ពី​នាំ​គូកន​លួច​គាស់​ផ្ទះ​គ្រូ​បង្រៀន​ម្នាក់​នៅ​ក្នុង​សង្កាត់​ភ្នំពេញ​ថ្មី លួច​បាន​ប្រាក់​៥០​ម៉ឺន​រៀល និង​ទូរស័ព្ទ​ដៃ​១​គ្រឿង កាល​ពី​ទៀប​ភ្លឺ​ថ្ងៃ​ទី៨ ខែ​មករា។

លោក ម៉ក់ ហុង អធិការ​នគរបាល​ខណ្ឌ​នេះ​បាន​ប្រាប់​ថា ជន​សង្ស័យ​ដែល​ត្រូវ​ចាប់​ឃាត់​ខ្លួន សមត្ថកិច្ច​កំពុង​តែ​សាក​សួរ មិន​ឲ្យ​ហួស​ពី​នីតិវិធី​នៃ​ការ​ឃុំ​ខ្លួន​ទេ។ ពួកគេ​ត្រូវ​បញ្ជូន​ទៅ​តុលាការ​មិន​ឲ្យ​លើស​ពី​៤៨​ម៉ោង​ឡើយ។

អធិការ​រង​ខណ្ឌ លោក សុខ ឆន ថា ជន​សង្ស័យ​នោះ​មិន​មែន​ជា​និស្សិត​ទេ។ ពួកគេ​ត្រូវ​ប្រជាពលរដ្ឋ​ព័ទ្ធ​ចាប់​ខ្លួន​ប្រគល់​ឲ្យ​នគរបាល​ប៉ុស្តិ៍ និង​បញ្ជូន​បន្ត​ឲ្យ​ខណ្ឌ បន្ទាប់​ពី​ចូល​គាស់​ផ្ទះ​គ្រូ​បង្រៀន​យក​បាន​ប្រាក់​៥០​ម៉ឺន​រៀល និង​ទូរស័ព្ទ​១​គ្រឿង ខណៈ​ម្ចាស់​ផ្ទះ​មិន​នៅ ដោយ​ជាប់​ទៅ​លេង​ភ្លេង​នៅ​កោះ​ពេជ្រ កាល​ពី​ម៉ោង​២ ឆ្លង​ចូល​ថ្ងៃ​ទី​០៨ ខែ​មករា នៅ​ភូមិ​ត្រពាំង​ស្វាយ សង្កាត់​ភ្នំពេញ​ថ្មី។

មន្រ្តីនគរបាល​ខណ្ឌ​ថា បន្ទាប់​ពី​ឃាត់​ខ្លួន គេ​រឹប​អូស​វត្ថុ​តាង ដូចជា ដែក​សម្រាប់​កាច់​សោ ចំនួន​០៣ ទួណឺវិស​ដង​ជ័រ​២ កូន​សោ​ដោះ​ខ្ចៅ សោ​សូឡិច​មួយ និង​ម៉ូតូ​ម៉ាក​វីវ៉ា ពាក់​ស្លាក​លេខ កំពង់ធំ ក.២២៦៨ មួយ​គ្រឿង។

នគរបាលប្រាប់ថា ជន​សង្ស័យ​មាន​ឈ្មោះ គឹម សុធា អាយុ​២០​ឆ្នាំ ជា​និសិ្សត​ឆ្នាំ​ទី២​ឈ្មោះ ចាន់ រតនា អាយុ​១៩​ឆ្នាំ និង​ទី៣.ឈ្មោះ អៀង បូរ៉ា អាយុ​២៨​ឆ្នាំ ពួកគេ​ពុំ​មាន​មុខ​របរ​ពិត​ប្រាកដ និង​នាំ​គ្នា​ជួល​ផ្ទះ​គេ​ស្នាក់​នៅ​ជាមួយ​គ្នា​ក្នុង​ភូមិ-​សង្កាត់​ទួល​សង្កែ ខណ្ឌ​ឫស្សី​កែវ រាជធានី​ភ្នំពេញ។ ចំណែក​ជន​រង​គ្រោះ​ជា​ម្ចាស់​ផ្ទះ ឈ្មោះ ផុន សុភាព ភេទ​ប្រុស អាយុ​៣១​ឆ្នាំ មាន​មុខ​របរ​ជា​គ្រូ​បង្រៀន ស្នាក់​នៅ​ផ្ទះ​លេខ​២២៨​បេ ផ្លូវ​បេតុង​ភូមិ​ត្រពាំង​ស្វាយ សង្កាត់​ភ្នំពេញ​ថ្មី ខណ្ឌ​សែន​សុខ។​ម្ចាស់​ផ្ទះ​រូប​នេះ​មិន​អាច​ទាក់​ទង​បានទេ៕

អត្ថបទគួរចាប់អារម្មណ៍