The Phnom Penh Post Search

Search form

Logo of Phnom Penh Post newspaper Phnom Penh Post - ចោរ​​​គាស់​ផ្ទះ​ចូល​លួច​ឡា​ន​​គ្រឿង​អលង្ការអស់​២​ម៉ឺន​​ដុ​ល្លារ




ចោរ​​​គាស់​ផ្ទះ​ចូល​លួច​ឡា​ន​​គ្រឿង​អលង្ការអស់​២​ម៉ឺន​​ដុ​ល្លារ

ចោរ​​​គាស់​ផ្ទះ​ចូល​លួច​ឡា​ន​​គ្រឿង​អលង្ការអស់​២​ម៉ឺន​​ដុ​ល្លារ

ភ្នំពេញៈ ក្រុម​ចោរ​បាន​ចូល​គាស់​ផ្ទះ​មួយ​​ពេល​ម្ចាស់​មិន​នៅ ​​លួច​យករថយន្ត​ ​គ្រឿង​អលង្ការ​​មាន​តម្លៃ​ប្រ​មាណ២​ម៉ឺន​ដុល្លារ​កាល​ពី​យប់​ថ្ងៃទី​៤​ ​មីនា រហូត​​អ្នក​ជិត​ខាង​ទូរស័ព្ទ​ប្រាប់​​ទើ​ប​បាន​ម្ចាស់​ផ្ទះ​ដឹង​​ និង​ដាក់​ពាក្យ​ប្តឹង​មក​​ប៉ុស្តិ៍​បឹង​ទំពុនឲ្យ​ជួយ​​រក​រថយន្ត​កាល​ពី​ល្ងាច​ម្សិលមិញ​។

អ្នកស្រី ហ៊ា​ង ​ស្រីនា​ង​ អាយុ​៣៣​ឆ្នាំ​ ម្ចាស់​​ផ្ទះ​លេខ​៤B ​ផ្លូវ​៤​៥​BT​សង្កា​ត់​បឹង​ទំ​ពុន​ ខណ្ឌ​មាន​ជ័យបាន​​ប្រាប់​ឲ្យដឹង​ថា ​មុន​ថ្ងៃ​ចោរ​គាស់​ផ្ទះ ​ប្តី​គាត់​​ត្រូវ​ទៅប្រ​ជុំ​នៅ​ខេត្ត​ព្រះ​សីហនុនិងបានទៅកម្សា​ន្ត​​​​សមុទ្រជាមួយគ្នា ​ប៉ុន្តែ​នៅ​ថ្ងៃទី៥ មីនា​​ ​អ្នក​ផ្ទះ​​ជិត​ខាង​ទូរ​ស័ព្ទ​ប្រាប់​ថា​ចោរចូល​គាស់​ផ្ទះ​​។

អ្នក​ស្រី​​​បន្ត​ថា ​ចោរ​បាន​គាស់​សោទ្វារ​សូ​ឡិច​២​និង​សោធម្មតា​មួយ​ចូល​រើក​កាយ​យក​ទ្រព្យ​របស់​នៅក្នុ​ងបន្ទប់​គ្មានសល់​​។ក្នុង​នោះ​មាន​រថយន្ត​ម៉ាក​វី​ស្តូ ពណ៌​ក្រហម​មួយ​គ្រឿង​ ពាក់​ស្លាក​ ភ្នំពេញ​2​R​9106​ និង​គ្រឿង​អលង្ការ​មួយ​ចំនួន​ បើ​​សរុប​ទាំងអស់​​ប្រមាណ​ជា​ង​​២​ម៉ឺន​ដុល្លារ​។​

ស្រ្តីម្ចាស់​ផ្ទះរង​គ្រោះប្រា​ប់​ថា​គាត់​បាន​ដាក់​ពាក្យ​ប្តឹង​ទៅ​​នគរបាល​ប៉ុស្តិ៍​បឹង​ទំពុន ហើយ​កាល​ពី​ល្ងាច​ថ្ងៃ​ទី​៥​មីនា​ដើម្បី​ឲ្យជួយ​​ស្វែង​រក​រថយន្ត​មក​វិញ ​ឯ​គ្រឿង​អលង្ការ​ដែល​ក្រុម​ចោរ​លួច​នោះ​មិន​សង្ឃឹម​ថា​រក​ឃើញ​វិញ​ទេ​។

លោក​ ឡូ​ ភារម្យ​ នាយន​គរបាល​ប៉ុស្តិ៍សង្កាត់​បឹ​ងទំ​ពុន ​ឲ្យ​ដឹង​ថា​ ខាងសមត្ថកិច្ច​បានទទួល​ពា​ក្យ​បណ្តឹង​​ហើយ​ ហើយ​សមត្ថកិច្ច​ក៏​បាន​ចុះ​ធ្វើ​កំ​ណត់​ហេតុ​ហើយ​ដែ​រ​ ដើម្បី​ជួយ​ស្វែង​រករថយន្ត​៕​

អត្ថបទគួរចាប់អារម្មណ៍