The Phnom Penh Post Search

Search form




Logo of Phnom Penh Post newspaper Phnom Penh Post - ជន​ជាតិ​រុស្ស៊ី​បើកបរ​ពេល​ស្រវឹង​បុក​យុវសិស្ស​ម្នាក់​ស្លាប់

ជន​ជាតិ​រុស្ស៊ី​បើកបរ​ពេល​ស្រវឹង​បុក​យុវសិស្ស​ម្នាក់​ស្លាប់

ជន​ជាតិ​រុស្ស៊ី​បើកបរ​ពេល​ស្រវឹង​បុក​យុវសិស្ស​ម្នាក់​ស្លាប់

ព្រះសីហនុៈ យុវជន​សិស្ស​ថ្នាក់ ទី១២ ម្នាក់​រង​គ្រោះ​ថ្នាក់ ចរាចរណ៍​ស្លាប់​ភ្លាមៗ​ដោយ​បុរស​ជនជាតិ​រុស្ស៊ី ស្រវឹង​ស្រា​បើក​រថយន្ត​ក្នុង​ល្បឿន​ហួស​កំណត់​កាល​ពី​យប់​រំលង​អធ្រាត្រ​ថ្ងៃ​អាទិត្យ។ ហេតុ​ការណ៍​នេះ កើត​ឡើង​នៅ​ម៉ោង​ជិត ១២ និង ៣០ នាទី​ថ្ងៃ​ត្រង់ នៅ​ចំណុច ស្តុប​កាល់តិច ក្នុង ភូមិ​២ សង្កាត់​២ ក្រុង​ព្រះសីហនុ។

ស្នងការ​រង​ទទួល​បន្ទុក​សណ្តាប់​ធា្នប់​នៃ​ស្នងការ​ដ្ឋាន​នគរបាល ខេត្ត​ព្រះសីហនុ លោក អ៊ី សុខា បាន​ឲ្យ​ដឹង​ថា យុវជន​ឈ្មោះ ស៊ន ចំណាន អាយុ ២១ ឆ្នាំ​ជា​សិស្ស​ថ្នាក់ ទី១២ ដែល​ត្រូវ​ត្រៀម​ប្រឡង​បាក់ឌុប​នៅ​ថ្ងៃ ទី១៣ ជិះ​ម៉ូតូ​ម៉ាក​ហុងដា វ៉េវ ពណ៌​ខៀវ ចំណែក​ជនជាតិ​រុស្ស៊ី​នោះ​ឈ្មោះ Samokh Vadenis អាយុ ៣៦​ឆ្នាំ ជា​ភ្ញៀវ​ទេសចរ​បើក​រថយន្ត​ម៉ាក Volvo ពណ៌​ស ស្លាក​លេខ ព្រះ​សីហនុ 2H-4459។ គ្រោះ​ថា្នក់​កើត​ឡើង​ដោយ​សារ​តែ​បុរស​ជនជាតិ​រុស្ស៊ី​បើក​ពេល​ស្រវឹង​និង​បើក​លើស​ល្បឿន​កំណត់​រហូត​ដល់​ទៅ​ជាង ១០០ គីឡូម៉ែត្រ​ក្នុង ១ ម៉ោង​ឡើង​លើ​ការ៉ូឡា ទៅ​បុក​រថយន្ត​តូយ៉ូតា​មួយ​គ្រឿង​ដែល​ចត​មុខ​ផ្ទះ​រួច​ផ្លោង​ទៅ​បុក​យុវជន ចំណាន។

លោក​ថា៖ «យុវជន​នោះ​បាន​ស្លាប់​ភ្លាមៗ​ក្រោយ​បញ្ជូន​ទៅ កាន់​មន្ទីរពេទ្យ​បង្អែក​ខេត្ត។ ចំណែក​ឯ​បុរស​ជនជាតិ​រុស្ស៊ី ពេល​នេះ​ត្រូវ​បាន​អាជ្ញាធរ​ឃាត់​ខ្លួន នៅ​តុលាការ​ខេត្ត»៕

អត្ថបទគួរចាប់អារម្មណ៍