The Phnom Penh Post Search

Search form




Logo of Phnom Penh Post newspaper Phnom Penh Post - ជន​បរទេស​ឈ្នះ​ឆ្នោត​ប្រាក់​លាន​ដុល្លារ​ម្នាក់​ស្លាប់​នៅ​ខេត្ត​ព្រះសីហនុ យប់មិញ

ជន​បរទេស​ឈ្នះ​ឆ្នោត​ប្រាក់​លាន​ដុល្លារ​ម្នាក់​ស្លាប់​នៅ​ខេត្ត​ព្រះសីហនុ យប់មិញ

ជន​បរទេស​ឈ្នះ​ឆ្នោត​ប្រាក់​លាន​ដុល្លារ​ម្នាក់​ស្លាប់​នៅ​ខេត្ត​ព្រះសីហនុ យប់មិញ

ក្រុង ព្រះសីហនុ ៖ មន្ត្រី​ប៉ូលីស​បាន​ឲ្យ​ដឹង​នៅ​យប់​ថ្ងៃ​ព្រហស្បតិ៍ ថា ​អ្នក​ឈ្នះ​ឆ្នោត​របស់​សហរដ្ឋអាមេរិក​ម្នាក់​ត្រូវ​បាន​គេ​រក​ឃើញ​ថា​ស្លាប់​ដោយសារ​ការ​គាំង​បេះដូង​នៅ​ឯ​ផ្ទះ​សំណាក់​មួយ​ក្នុង​ខេត្ត​ព្រះសីហនុ។

លោក កុល ផល្លី ស្នងការ​រង​នគរបាល​ខេត្ត​ព្រះសីហនុ បាន​ឱ្យ​ដឹង​ថា លោក​បាន​ទទួល​ព័ត៌មាន​កាលពី​​​ល្ងាច​ថ្ងៃ​ព្រហស្បតិ៍​ថា មាន​បុរស​ម្នាក់​ឈ្មោះ Rodney Schwirse អាយុ ៦៨ ឆ្នាំ ត្រូវ​បាន​គេ​ប្រទះ​ឃើញ​ស្លាប់​នៅ​ក្នុង​បន្ទប់​សណ្ឋាគារ​ក្នុង​រមណីយដ្ឋាន ប៊ិចក្លឹប រីសត (Beach Club Resort) ដែល​មាន​ទីតាំង​នៅ​ក្បែរ​ឆ្នេរ​អូរ​ឈើ​ទាល។

លោក​ស្នងការ​រង​ បាន​និយាយ​ថា ៖ « បន្ទាប់​ពី​ការ​ធ្វើ​កោសល្យ​វិច្ច័យ សាក​សព​ត្រូវ​បាន​គេ​ប្រគល់​ទៅ​ឲ្យ​ស្ថាន​ទូត​អាមេរិក»។

លោក​បាន​បន្ថែម​ទៀត​ថា ដោយសារ​តែ​ឃើញ​មាន​ថ្នាំ​នៅ​កន្លែង​កើត​ហេតុ​ វា​អាច​ទាក់ទង​នឹង​ជន​រងគ្រោះ​ដែល​អាយុ​ច្រើន​មាន​បញ្ហា​សុខភាព។

លោក ឌឿ វុត្ថា អ្នក​ទទួល​ភ្ញៀវ​នៃ​សណ្ឋាគារ ដែល​ជា​កន្លែង​កើត​ហេតុ បាន​ឲ្យ​ដឹង​ដែរ​ថា លោក Rodney Schwirse អាយុ ៦៨ ឆ្នាំ ដែល​ជា​អ្នក​ឈ្នះ​ឆ្នោត Oregon Lottery ទទួល​ទឹក​ប្រាក់ ៦,២៥ លាន​ដុល្លារ​កាល​ពី​ឆ្នាំ ២០០៩ បាន​ចូល​មក​ស្នាក់​នៅ​កាល​ពី​ថ្ងៃ​ទី ១២ ខែ​កក្កដា ឆ្នាំ​ ២០១៥​នេះ ហើយ​បាន​គ្រោង​ចាក​ចេញ​កាល​ពី​ម្សិល​មិញ៕

អត្ថបទគួរចាប់អារម្មណ៍