The Phnom Penh Post Search

Search form

Logo of Phnom Penh Post newspaper Phnom Penh Post - ជន​បរទេស​ម្នាក់​ត្រូវ​សន្តិសុខ​ក្រុមហ៊ុន​ចាប់​ខ្លួន​ឲ្យ​ប៉ូលិស

ជន​បរទេស​ម្នាក់​ត្រូវ​សន្តិសុខ​ក្រុមហ៊ុន​ចាប់​ខ្លួន​ឲ្យ​ប៉ូលិស

ជន​បរទេស​ម្នាក់​ត្រូវ​សន្តិសុខ​ក្រុមហ៊ុន​ចាប់​ខ្លួន​ឲ្យ​ប៉ូលិស

ភ្នំពេញៈ សន្តិសុខ​ក្រុមហ៊ុន​ខ្មែរ​ហូល​ឌីង​គ្រុប បាន​ឃាត់​ខ្លួន​ជន​បរទេស​ម្នាក់​ដែល​គេ​អះអាង​ថា ជា​ជនជាតិ​ព័រទុយហ្គាល់ កាល​ពី​ព្រឹក​ថ្ងៃ​អាទិត្យ ខណៈ​កំពុង​គាស់​ទ្វារ​បន្ទប់​អគារ​ជាន់​ទី៥ ដែល​ជា​កន្លែង​ស្តុក​ទំនិញ​ក្រុមហ៊ុន។

លោក ម៉ក់ ហុង អធិការ​នគរបាល ខណ្ឌ​សែន​សុខ បាន​ឲ្យ​ដឹង​ថា​តាម​ក្រុម​សន្តិសុខ​បញ្ជាក់​ថា​នៅ​ម៉ោង​ជាង​៦​ព្រឹក ថ្ងៃ​អាទិត្យ ឈ្មោះ ម៉ែន ញូអ៊ែល ម៉ានដូន ភេទ​ប្រុស អាយុ​៣៥​ឆ្នាំ ជនជាតិ​ព័រទុយហ្គាល់ បាន​ជិះ​ម៉ូតូ​ម៉ាក​វ៉េវ ពណ៌​ខ្មៅ​ពាក់​ស្លាក ប-៤៦៨៥​ភព.១ មក​ឈប់​នៅ​កន្លែង​ផ្ញើ​ម៉ូតូ រួច​ដើរ​ចូល​ទៅ​ក្នុង​អគារ​ឡើង​ទៅ​ជាន់​ទី៥ រួច​គាស់​ទ្វារ​បន្ទប់​ដាក់​សម្ភារ​របស់​ក្រុមហ៊ុន​តែ​ម្ដង។

លោក​បន្ត​ថា ក្រុម​សន្តិសុខ​ក៏​ព័ទ្ធ​ចាប់​បញ្ជូន​មក​ឲ្យ​នគរបាល​ខណ្ឌ​ចាត់​វិធានការ​។ បើ​តាម​រូប​ក្នុង​កាមេរ៉ា​ក្រុម​សន្តិសុខ​ឃើញ​ជន​សង្ស័យ​ធ្វើ​សកម្មភាព​លួច​គាស់​យក​សម្ភារ​នៅ​ក្នុង​ក្រុមហ៊ុន​នេះ​ជា​ច្រើន​ដង​មក​ហើយ។

លោក​ថ្លែង​ថា៖«​អត្ត​សញ្ញាណ​ជន​សង្ស័យ​នៅ​មិន​ដឹង​ប្រាកដ​នៅ​ឡើយ​ព្រោះ​រក​មិន​ឃើញ​លិខិត​ឆ្លង​ដែន​ហើយ​ជន​សង្ស័យ​មិន​និយាយ​ស្ដី​អ្វី​ទាំង​អស់​និង​កំពុង​ត្រូវ​ឃុំ​ខ្លួន​នៅ​អធិការដ្ឋាន​ខណ្ឌ​។

តាម​ក្រុម​សន្តិសុខ​ក្រុមហ៊ុន ជន​សង្ស័យ​អាច​នឹង​ត្រូវ​ចោទ​ប្រកាន់​ពី​បទ​លួច​ឬ ប្រើ​ហិង្សា​ទៅ​លើ​អចលន​ទ្រព្យ​អ្នក​ដទៃ​»។

មន្ត្រី​នគរបាល​គ្រប់​គ្រង​ជន​បរទេស​ថា ករណី​នេះ​មាន​ពន្លឺ​ខ្លះៗ​ហើយ តែ​មិន​ទាន់​បាន​របាយ​ការណ៍​លម្អិត​នៅ​ឡើយ៕

អត្ថបទគួរចាប់អារម្មណ៍