The Phnom Penh Post Search

Search form

Logo of Phnom Penh Post newspaper Phnom Penh Post - ជន​បរទេស​ស្លាប់​ដោយ​ចង​ក​គ្មាន​អ្នក​ស្គាល់




ជន​បរទេស​ស្លាប់​ដោយ​ចង​ក​គ្មាន​អ្នក​ស្គាល់

ជន​បរទេស​ស្លាប់​ដោយ​ចង​ក​គ្មាន​អ្នក​ស្គាល់

ភ្នំពេញៈ ជន​បរទេស​ដែល​គេ​ឃើ​ញ​ចងក​ស្លាប់​នៅ​ជាន់​ទី៤ ក្នុង​ការ​ដ្ឋាន​សំណង់​មួយ​កាល​ពី​រសៀល​ថ្ងៃ​ទី​២៧ ខែ​កុម្ភៈ នៅ​សង្កាត់​វាល​វង់ ខណ្ឌ​៧មករា នោះ​សមត្ថកិច្ច​នៅ​មិន​ទាន់​ច្បាស់​ថា ជា​ជន​ជាតិ​អ្វី​នៅ​ឡើយ ខណៈ​ស្ថាន​ទូត​អង់គ្លេស​ក៏​បាន​ទៅ​ពិនិត្យ​មើល។

លោក ហ៊ី ព្រូ ស្នងការ​រង​នគរបាល​រាជធានី​ភ្នំពេញ ប្រាប់​ថា ជន​បរទេស​ដែល​ចងក​ស្លាប់ នៅ​កន្លែង​ជួស​ជុល​ផ្ទះ​ក្នុង​ជាន់​ទី៤ នោះ នៅ​មិន​ដឹង​ប្រាកដ​ថា​ជា​ជន​ជាតិ​អ្វី​នៅ​ឡើយ ព្រោះ​លើ​ខ្លួន​សាក​សព​គ្មាន​អ្វី​បញ្ជាក់​បន្តិច​សោះ។

មន្ត្រីនគរបាលប៉ុស្តិ៍​វាល​វង់​ឲ្យ​ដឹង​ថា​សព​ជន​បរទេស​នោះ​ត្រូវ​កម្មករ​សំណង់ ប្រទះ​ឃើញ ខណៈ​ពួកគេ​ត្រឡប់​មក​ពី​ហូប​បាយ​ថ្ងៃ​ត្រង់​ហើយ​ក្រុម​កម្មករ​ប្រាប់​ថា មុន​ស្លាប់ ពួកគេ​ឃើញ​ជន​បរទេស​រូប​នោះ​ឡើង​ទៅ​សំណង់​នោះ​ម្តង​ដែរ តែត្រូវ​ទាញ​ឲ្យ​ចុះ​មក​វិញ។ លុះ​រសៀល​ថ្ងៃទី​២៧​កុម្ភៈ ក៏​ប្រទះ​ឃើញ​ជន​នោះ​ចង​ក​ស្លាប់​ នៅ​ជាន់​ទី៤ សំណង់​នៅ​ផ្លូវ​លេខ​១៦៩ ភូមិ​១២ សង្កាត់​វាល​វង់​ខណ្ឌ​៧​មករា ​រាជធានី​ភ្នំពេញ។​

លោក​បញ្ជាក់​ ថាសមត្ថកិច្ច​គ្រប់ផ្នែក រួម​ទាំង​ព្រះរាជ​អាជ្ញា និង​មន្រ្តី​ជំនាញ​ខាង​អង្កេត បាន​មក​ពិនិត្យ​សាក​សព។​ក្រោយ​ការ​ធ្វើ​កោសល្យវិច័យ សមត្ថកិច្ច​ជំនាញ​អះអាង​ថា ជន​រង​គ្រោះ​ពិត​ជា​ស្លាប់​ដោយ​ការ​ចងក​ធ្វើ​អត្តឃាត គ្មាន​ការ​អះអាង​ណា​មួយ​ផ្សេង​ពី​ការ​សន្និដ្ឋាន​នេះ​ឡើយ​កាល​ពី​ម្សិលមិញ។

លោកមេប៉ុស្តិ៍ប្រាប់​ថា ខាង​មន្រ្តី​ស្ថានទូត​ប្រទេស​អង់គ្លេស ក៏​បាន​មក​ចូល​រួម​ពិនិត្យ​មើល​សាក​សព​នោះ​ដែរ តែ​មិន​មាន​ការ​បញ្ជាក់​ថា យ៉ាង​ម៉េច​ដែរទេ ពី​ព្រោះ​នៅ​លើ​សាកសព​គ្មាន​លិខិត​ស្នាម​អ្វី​បញ្ជាក់​ទាល់​តែ​សោះ។

លោកបញ្ជាក់ថា សមត្ថកិច្ច​ពិបាក​នឹង​កំណត់​អត្តសញ្ញាណ​សាក​សព​ណាស់​ព្រោះ​គ្មាន​អ្វី សម្គាល់​ហើយ​មើល​ទៅ​សព​នោះ​មាន​អាយុ​ប្រហែល​ជា​ជាង​៣០​ឆ្នាំ​រីឯ​សម្លៀក​បំពាក់​វិញ​គឺ​មើល​មិន​យល់​ទេ​ហាក់​ដូច​ជា​មនុស្ស​អនាថា​អ៊ី​ចឹង​ដែរ។ ចំណែក​នៅ​លើ​ដង​ខ្លួន​មាន​ស្លាក​ស្នាម​អារក​ដៃ​មុត​សាច់​ចេញ​ឈាម​ដែល​ទំនង ជា​មនុស្ស​ញៀន​ថ្នាំ​ផង ក៏​មិន​ដឹង។

លោកនាយប៉ុស្តិ៍​ប្រាប់​ថា ​ក្រោយ​ពី​សមត្ថកិច្ច​ពិនិត្យ​ហើយ ​សាកសព​បុរស​បរទេស​នោះ​ត្រូវ​គេ​បញ្ជូន​យក​ទៅ​តម្កល់​ទុក​នៅឯ​មន្ទីរ​ពេទ្យ​ មិត្ត​ភាព​ខ្មែរ​-សូវៀត​ដើម្បី​រង់​ចាំទ​ទួល​ព័​ត៌មាន​បន្តទៀត៕

អត្ថបទគួរចាប់អារម្មណ៍