The Phnom Penh Post Search

Search form




Logo of Phnom Penh Post newspaper Phnom Penh Post - ជន​សង្ស័យ​ធ្វើ​ទារុណកម្ម​អ្នក​បម្រើ​កំពុង​សួរ​ចម្លើយ

ជន​សង្ស័យ​ធ្វើ​ទារុណកម្ម​អ្នក​បម្រើ​កំពុង​សួរ​ចម្លើយ

ជន​សង្ស័យ​ធ្វើ​ទារុណកម្ម​អ្នក​បម្រើ​កំពុង​សួរ​ចម្លើយ

ភ្នំពេញៈ នគរបាល​ក្រសួង​មហាផ្ទៃ​កំពុង​សួរ​ជន​សង្ស័យ​ពីរ​នាក់​ដែល​រង​ការ​ចោទ​ថា បាន​រំលោភ​ស្រ្តី​បម្រើ​ក្នុង​ផ្ទះ​អាយុ ១៨​ឆ្នាំ និង​ធ្វើ​ទារុណកម្ម​ប្អូន​ប្រុស​នាង​អាយុ ១០​ឆ្នាំ នៅ​ក្នុង​ផ្ទះ​ក្នុង ខណ្ឌ​ទួលគោក។

លោក អំ សំអាត ទីប្រឹក្សា​បច្ចេក​ទេស​នៅ​អង្គការ លីកាដូ បាន​ឲ្យ​ដឹង​ថា អ្នក​ទាំង​ពីរ​ត្រូវ​បាន​សង្គ្រោះ​ពី​ផ្ទះ​ក្នុង ខណ្ឌ​ទួលគោក នៅ​ល្ងាច​ថ្ងៃ​អង្គារ បន្ទាប់​ពី​ម្តាយ​ដាក់​ពាក្យ​ប្តឹង។ លោក​ថា ស្រ្តី​វ័យ ១៨​ឆ្នាំ មក​ធ្វើ​អ្នក​បម្រើ​ក្នុង​ផ្ទះ​នេះ​តាំង​ពី​អាយុ ៨​ឆ្នាំ ឯ​ប្អូន​ប្រុស​នាង​ទើប​តែ​នៅ​បាន​ពីរ​បី​ឆ្នាំ។ ក្នុង​បណ្តឹង​ទោះ​ជា​ម្តាយ​ព្យាយាម​យក​ពួក​គេ​ទៅ​ផ្ទះ​វិញ តែ​ត្រូវ​គ្រួសារ​នេះ​រារាំង​រហូត។ តាម​ម្តាយ​ពួក​គេ​ថា កូន​ទាំង​ពីរ​ត្រូវ​គេ​ឃុំ​ក្នុង​ផ្ទះ​នេះ និង​ធ្វើ​ទារុណកម្ម និង​ត្រូវ​រំលោភ​ផ្លូវ​ភេទ​ទៀត​ផង ដែល​ក្រុម​លោក​កំពុង​អង្កេត។

លោក​ថា យើង​ជួយ​គាត់​ដាក់​ពាក្យ​ប្តឹង​ទៅ​ក្រសួង​មហាផ្ទៃ និង​តុលាការ​ពី​សប្តាហ៍​មុន។ នគរបាល និង​តុលាការ​បាន​ចុះ​ស៊ើប​អង្កេត​និង​សង្គ្រោះ​ពួក​គេ។

មន្ត្រី​នាយកដ្ឋាន​ប្រឆាំង​ការ​ជួញ​ដូរ​មនុស្ស​ក្រសួង​មហាផ្ទៃ​ម្នាក់​ថា ជន​សង្ស័យ​ទាំង​ពីរ​កំពុង​ត្រូវ​បាន​សាក​សួរ ហើយ​នគរបាល​រឹប​អូស​បាន​ភ័ស្តុតាង​មួយ​ចំនួន​ផង៕

អត្ថបទគួរចាប់អារម្មណ៍