The Phnom Penh Post Search

Search form




Logo of Phnom Penh Post newspaper Phnom Penh Post - ជន​សង្ស័យ​ម្នាក់ ត្រូវ​បាញ់​ស្លាប់​ក្នុង​ប្រតិបត្តិ​ការ​បង្ក្រាប​ថ្នាំ​ញៀន




ជន​សង្ស័យ​ម្នាក់ ត្រូវ​បាញ់​ស្លាប់​ក្នុង​ប្រតិបត្តិ​ការ​បង្ក្រាប​ថ្នាំ​ញៀន

ជន​សង្ស័យ​ម្នាក់ ត្រូវ​បាញ់​ស្លាប់​ក្នុង​ប្រតិបត្តិ​ការ​បង្ក្រាប​ថ្នាំ​ញៀន

កណ្តាលៈ ជន​សង្ស័យ​ជា​អ្នក​ចែក​ចាយ​គ្រឿង​ញៀន​ម្នាក់​ត្រូវ​សមត្ថកិច្ច​បាញ់​ស្លាប់​កាល​ពី​ថ្ងៃ​ជិត​ត្រង់​ម្សិល​មិញ នៅ​ស្រុក​កោះធំ​ក្នុង​ប្រតិបត្តិ​ការ​បង្រ្កាប​គ្រឿង​ញៀន ខណៈ​ជន​នេះ​ប្រើ​ដាវ​សាម៉ូ​រ៉ៃ​តដៃ​ជាមួយ​នឹង​សមត្ថកិច្ច។

លោក ម៉ែន សេង មន្ត្រី​អធិការ​ដ្ឋាន​នគរបាល​ស្រុក​កោះធំ បាន​ប្រាប់​ថា ប្រតិបត្តិ​ការ​បង្រ្កាប​គ្រឿង​ញៀន​របស់​ខេត្ត​នៅ​ម៉ោង​១១ ថ្ងៃ​ចន្ទ ជន​សង្ស័យ​មិន​ប្រគល់​ខ្លួន​តាម​សម្រួល និង​ប្រើ​ដាវ​សាមូរ៉ៃ​តដៃ សមត្ថកិច្ច​បាន​បាញ់​ឡើង​លើ១​គ្រាប់​ឲ្យ​ដាក់​ដាវ​ចុះ ប៉ុន្តែ​គេ​មិន​ព្រម ក្រុម​សមត្ថកិច្ច​ប្រើ​សិទ្ធិ​ការពារ​ខ្លួន​បាញ់​១គ្រាប់​ទៀត ក៏​ត្រូវ​ដើម​ដោះ​ខាង​ស្តាំ​តែ​ម្តង។

លោកបន្តថា៖ «សមត្ថកិច្ច​រក​មិន​ឃើញ​គ្រឿង​ញៀន​ជា​វត្ថុ​តាង​ទេ»​ហើយ​ថា ជន​សង្ស័យ​ឈ្មោះ ធាង ពក អាយុ​៣២​ឆ្នាំ​រស់​ភូមិ​កោះ​ទាវ ឃុំ​សំពៅ​ពូន ស្រុក​កោះ​ធំ​ត្រូវ​បញ្ជូន​ទៅ​មន្ទីរ​ពេទ្យ​សង្គ្រោះ​ដែរ ប៉ុន្តែ​បាន​ស្លាប់​តាម​ផ្លូវ។

មន្ត្រី​នគរបាល​ប្រឆាំង​គ្រឿង​ញៀន​ខេត្ត​និង​គ្រួសារ​ជន​សង្ស័យ​ទាក់​ទង​មិន​បាន​ទេ​ពី​ម្សិល​មិញ៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។